📢 ముఖ్యమైన సూచనలు:
🕒 20 MCQs | 30 నిమిషాలు.
🏅 ప్రతి సరైన సమాధానానికి 1 మార్క్ (Negative Marks లేవు).
❗ అన్ని ప్రశ్నలను Attempt చేయాలి (Skipping కి అవకాశం లేదు).
✏️ Answer Editing కి అవకాశం లేదు.
📑 పరీక్షా విధానం:
1️⃣ ప్రతి ప్రశ్నను జాగ్రత్తగా చదవండి.
2️⃣ 4 ఆప్షన్స్లో మీ సమాధానాన్ని ఎంచుకోండి.
3️⃣ సరైన సమాధానం మరియు వివరణలను పరిశీలించండి.
4️⃣ పరీక్ష పూర్తయిన తర్వాత మీ స్కోరు మరియు విశ్లేషణను చూడవచ్చును.
క్రిందివాటిలో వారి అసలు పేర్లకు సంబంధించి సరైన జతను గుర్తించండి?
దయానంద సరస్వతి – మూల శంకర్ తివారి.
రామకృష్ణ పరమహంస – గదాధర చట్టోపాధ్యాయ.
స్వామి వివేకానంద – నరేంద్రనాథ్ దత్త.
పైవన్నీ సరైనవే.
దయానంద సరస్వతి అసలు పేరు మూల శంకర్ తివారి, ఆయన ఆర్య సమాజాన్ని స్థాపించారు. రామకృష్ణ పరమహంస అసలు పేరు గదాధర చట్టోపాధ్యాయ, ఆయన ఆధ్యాత్మిక గురువుగా ప్రసిద్ధి చెందారు. స్వామి వివేకానంద అసలు పేరు నరేంద్రనాథ్ దత్త, ఆయన రామకృష్ణ మఠం స్థాపించారు.
“సత్యార్ధ ప్రకాష్” అనే గ్రంథాన్ని రచించినవారు ఎవరు?
రాజా రామ్మోహన్ రాయ్.
స్వామి వివేకానంద.
స్వామి దయానంద సరస్వతి.
కేశవచంద్ర సేన్.
సత్యార్ధ ప్రకాష్ అనే గ్రంథాన్ని స్వామి దయానంద సరస్వతి 1875లో హిందీ భాషలో రచించారు. ఇది ఆర్య సమాజ్ సిద్ధాంతాలకు పునాది వేసిన రచనగా పరిగణించబడుతుంది. హిందూ ధర్మంలో ఉన్న అపవాదాలను, మూఢనమ్మకాలను ఖండించి, వేదాల మూలసారాన్ని ప్రజలకు తెలియజేయాలనే లక్ష్యంతో ఇది రచించబడింది. ఈ గ్రంథంలోని చివరి అధ్యాయాలు వివిధ మతాలపై తాత్విక విశ్లేషణను అందిస్తాయి.
క్రిందివారిలో రామకృష్ణ మిషన్ను స్థాపించినవారు ఎవరు?
స్వామి వివేకానందుడు.
కేశవచంద్ర సేన్.
దేవేంద్రనాథ్ టాగూర్.
స్వామి దయానంద సరస్వతి.
రామకృష్ణ మిషన్ను స్వామి వివేకానందుడు 1897లో బెంగాల్ లో స్థాపించారు. ఇది తన గురువుగారైన శ్రీ రామకృష్ణ పరమహంస తత్వాలను వ్యాప్తి చేయడానికి ఏర్పాటైన ఆధ్యాత్మిక సంస్థ. ఇది సేవా, విద్యా, ధార్మిక మరియు సామాజిక అభివృద్ధి లక్ష్యాలతో స్థాపితమైంది. ఈ సంస్థ భారతీయ సంస్కృతి మరియు హిందూ ధర్మానికి అంతర్జాతీయ గుర్తింపు తీసుకువచ్చింది.
బ్రహ్మ సమాజం అనే సంస్థను స్థాపించినవారు ఎవరు?
దేవేంద్రనాథ్ ఠాగూర్.
కేశవచంద్ర సేన్.
రాజా రామ్మోహన్ రాయ్.
స్వామి దయానంద సరస్వతి.
1828లో రాజా రామ్మోహన్ రాయ్ బ్రహ్మ సమాజాన్ని స్థాపించారు. ఈ సంస్థ హిందూ మతంలో ఉన్న మూఢనమ్మకాలపై పోరాటం చేసి, ఏకదేవతా ఆరాధన, విగ్రహారాధన వ్యతిరేకం, స్త్రీల హక్కులు, విద్యా ప్రబోధం మరియు సామాజిక సంస్కరణలు వంటి అభ్యుదయ కార్యక్రమాలను చేపట్టింది. ఇది భారతీయ పునరుజ్జీవన ఉద్యమానికి బలమైన వేదికగా నిలిచింది.
క్రిందివారిలో ఆర్య సమాజ్ను స్థాపించినవారు ఎవరు?
రాజా రామ్మోహన్ రాయ్.
స్వామి దయానంద సరస్వతి.
స్వామి వివేకానంద.
ఆత్మారాం పాండురంగ.
ఆర్య సమాజ్ను స్వామి దయానంద సరస్వతి 1875లో బొంబాయిలో స్థాపించారు. ఈ సంస్థ వేదాలను ప్రామాణికంగా స్వీకరించి మూఢనమ్మకాలను వ్యతిరేకించింది. హిందూ ధర్మాన్ని శుద్ధీకరించాలనే లక్ష్యంతో దీనిని ఏర్పాటు చేశారు. ఆధ్యాత్మికతతో పాటు సామాజిక సంస్కరణలపై ఆర్య సమాజ్ ప్రధానంగా దృష్టి పెట్టింది.
రామకృష్ణ మిషన్ ప్రధాన కేంద్రం ఎక్కడ కలదు?
బెల్గాం – కర్నాటక.
అడయార్ – మద్రాస్.
బేలూరు – పశ్చిమబెంగాల్.
నాసిక్ – మహారాష్ట్ర.
స్వామి వివేకానంద స్థాపించిన రామకృష్ణ మిషన్ ప్రధాన కార్యాలయం పశ్చిమ బెంగాల్ రాష్ట్రంలోని బేలూరు మఠం వద్ద ఉంది. బేలూరు మఠం హూగ్లీ నది తీరంలో ఉంది. ఈ స్థల నిర్మాణ శైలి హిందూ, క్రైస్తవ, ఇస్లామిక్ శైలుల సమ్మేళనంగా ఉండి మత సామరస్యానికి ప్రతీకగా నిలుస్తుంది.
క్రిందివాటిలో తప్పుగా జతపరచబడిన దానిని గుర్తించండి?
ప్రార్థనా సమాజం – ఆత్మారాం పాండురంగ.
బ్రహ్మసమాజం – రాజా రామ్మోహన్ రాయ్.
ఆది బ్రహ్మసమాజం – దేవేంద్రనాథ్ టాగూర్.
భారతీయ బ్రహ్మసమాజం – దయానంద సరస్వతి.
భారతీయ బ్రహ్మసమాజాన్ని స్థాపించినవారు కేశవచంద్ర సేన్. దయానంద సరస్వతి ఆర్యసమాజాన్ని స్థాపించారు. బ్రహ్మసమాజం రాజా రామ్మోహన్ రాయ్ ద్వారా, ఆది బ్రహ్మసమాజం దేవేంద్రనాథ్ టాగూర్ ఆధ్వర్యంలో ఏర్పడింది, ప్రార్థనా సమాజాన్ని ఆత్మారాం పాండురంగ స్థాపించారు.
భారతదేశంలో పునరుజ్జీవన ఉద్యమానికి పితామహుడిగా ఎవరిని పరిగణిస్తారు?
ఈశ్వర చంద్ర విద్యాసాగర్.
స్వామి దయానంద సరస్వతి.
కందుకూరి వీరేశలింగం పంతులు.
రాజా రామ్మోహన్ రాయ్.
రాజా రామ్మోహన్ రాయ్ను భారత పునరుజ్జీవన ఉద్యమానికి పితామహుడిగా పరిగణిస్తారు. ఆయన బ్రాహ్మ సమాజం స్థాపించి సతీ సహగమనాన్ని వ్యతిరేకించి, దాన్ని నిషేధించేందుకు కృషి చేశారు. స్త్రీ విద్యా ప్రచారం, మత సామరస్యం, ఏకదేవతా ఆరాధనకు పెద్దపీట వేశారు. ఆయన ఆధునిక భారత చరిత్రలో మౌలిక మార్పులకు దారితీసిన ప్రముఖ సాంస్కృతిక నాయకుడు. అందుకే ఆయనను "Father of Indian Renaissance" అని పిలుస్తారు.
క్రిందివారిలో హితకారిణీ సమాజాన్ని స్థాపించినవారు ఎవరు?
జ్యోతిరావు ఫూలే.
ఈశ్వరచంద్ర విద్యాసాగర్.
రాజా రామ్మోహన్ రాయ్.
కందుకూరి వీరేశలింగం పంతులు.
హితకారిణీ సమాజాన్ని కందుకూరి వీరేశలింగం పంతులు రాజమండ్రిలో స్థాపించారు. ఈ సంఘం ద్వారా ప్రధానంగా స్త్రీ విద్య, మూఢనమ్మకాల నిర్మూలన, వితంతు పునర్వివాహాలు, సమాజ సేవ, వంటి అంశాలపై విస్తృతంగా ప్రచారం జరిగింది. ఆయన తన యావదాస్తిని ఈ సంస్థకు అంకితం చేశారు, ఇది ఆయన సంఘ సంస్కరణా దృక్పథాన్ని ప్రతిబింబిస్తుంది.
క్రిందివారిలో తత్వబోధిని సభను స్థాపించినవారు ఎవరు?
దేవేంద్రనాథ్ ఠాగూర్.
కేశవ్ చంద్ర సేన్.
రాజా రామ్మోహన్ రాయ్.
ఆత్మారాం పాండురంగ.
తత్వబోధిని సభను 1839లో దేవేంద్రనాథ్ ఠాగూర్ స్థాపించారు. ఇది బ్రహ్మసమాజంలో ఆధ్యాత్మికతకు కొత్త దిశను ఇచ్చింది. ఈ సభ హిందూ ధర్మాన్ని తర్కబద్ధంగా విశ్లేషించి సంస్కరణల కోసం పనిచేసింది. ఇది బ్రహ్మ సమాజ అభివృద్ధికి ఓ మైలురాయి. తరువాత కాలంలో ఈ తత్వబోధిని సభ బ్రహ్మ సమాజంలో విలీనమైంది.
క్రిందివాటిలో రాజా రామ్మోహన్ రాయ్ 1815లో స్థాపించిన సంఘం ఏది?
ఆత్మీయ సభ.
బ్రహ్మ సమాజం.
ప్రార్థనా సమాజం.
తత్వబోధిని సభ.
1815లో రాజా రామ్మోహన్ రాయ్ కలకత్తాలో ఆత్మీయ సభను స్థాపించారు. ఇది హిందూ మతపు మూఢనమ్మకాలను ప్రశ్నిస్తూ తార్కిక చర్చలకు వేదికగా నిలిచింది. ఇందులో ఉపనిషత్తులు, మత తత్వాలు, మరియు సామాజిక సమస్యలు గురించి చర్చించేవారు. ఇది బ్రహ్మ సమాజ స్థాపనకు ముందు జరిగిన ప్రాధమిక సంస్కరణల కేంద్రమైంది. ఈ సంఘం ఆధునిక మానవతావాదానికి బీజాంశంగా నిలిచింది.
ప్రార్థనా సమాజాన్ని స్థాపించినవారు ఎవరు?
రాజా రామ్ మోహన్రాయ్.
స్వామి వివేకానంద.
ఆత్మారాం పాండురంగ.
దయానంద సరస్వతి.
ప్రార్థనా సమాజం 1867లో ముంబయిలో ఆత్మారాం పాండురంగ ఆధ్వర్యంలో స్థాపించబడింది. ఇది బ్రహ్మ సమాజ ప్రభావంతో ఏర్పడిన హిందూ మత సంస్కరణ సంఘం. హిందూ మతంలో ఉన్న మూఢ నమ్మకాలు, బలీయమైన ఆచారాలను విమర్శిస్తూ సమాజంలో సామాజిక న్యాయాన్ని స్థాపించాలనే లక్ష్యంతో ఇది ఏర్పడింది. తర్వాత మహాదేవ్ గోవింద్ రణడే కూడా ఈ సంస్థ కార్యకలాపాల్లో ప్రముఖ పాత్ర పోషించారు.
1875లో మహ్మదన్ ఆంగ్లో ఓరియంటల్ కళాశాలను స్థాపించినవారు ఎవరు?
మౌలానా అబుల్ కలాం ఆజాద్.
మహ్మద్ ఆలీ జిన్నా.
ఖాన్ అబ్దుల్ గఫార్ ఖాన్.
సర్ సయ్యద్ అహ్మద్ ఖాన్.
సర్ సయ్యద్ అహ్మద్ ఖాన్ 1875లో అలీఘర్లో మహ్మదన్ ఆంగ్లో ఓరియంటల్ కళాశాలను స్థాపించారు. ఇది భారతీయ ముస్లింలకు పాశ్చాత్య పద్ధతిలో ఆధునిక విద్యను అందించేందుకు, శాస్త్రీయ ఆలోచనలు మరియు సామాజిక చైతన్యంను ప్రోత్సహించేందుకు ప్రారంభించబడింది. ఈ కళాశాల 1920 నాటికి అలీఘర్ ముస్లిం విశ్వవిద్యాలయంగా అభివృద్ధి చెందింది.
1893లో చికాగోలో జరిగిన ప్రపంచ మతాల సదస్సు (Parliament of the World's Religions) కు భారతదేశ ప్రతినిధిగా హాజరైనవారు ఎవరు?
మహాత్మా గాంధీ.
స్వామి వివేకానంద.
రవీంద్రనాథ్ ఠాగూర్.
రామకృష్ణ పరమహంస.
1893 సెప్టెంబర్ 11న చికాగోలో జరిగిన ప్రపంచ మతాల సదస్సులో భారతదేశం తరఫున స్వామి వివేకానంద పాల్గొన్నారు. ఆయన తన ప్రసంగాన్ని “Sisters and Brothers of America…” అనే మాటలతో ప్రారంభించి, హిందూ సనాతన ధర్మం యొక్క విశ్వసహనాన్ని ప్రపంచానికి చాటారు. ఆయన ప్రసంగం పాశ్చాత్య ప్రపంచాన్ని ఆకట్టుకుంది, భారత ఆధ్యాత్మికతకు గౌరవాన్ని తీసుకొచ్చింది.
క్రిందివారిలో సత్యశోధక సమాజాన్ని స్థాపించినవారు ఎవరు?
గోపాల్ హరి దేశ్ముఖ్.
సావిత్రిబాయి పూలే.
జ్యోతిరావు ఫూలే.
రామకృష్ణ భండార్కర్.
జ్యోతిరావు గోవిందరావు ఫూలే 1873లో మహారాష్ట్రలోని పూణేలో సత్యశోధక సమాజాన్ని స్థాపించారు. దీనిద్వారా ఆయన కులవ్యవస్థ, బ్రాహ్మణాధిక్యాన్ని వ్యతిరేకించారు. ఈ సంఘం అణగారిన వర్గాలకు విద్య, సామాజిక, రాజకీయ హక్కులు కల్పించడం కోసం పోరాటం చేసింది. ఇది సామాజిక న్యాయం కోసం జరిగిన ఉద్యమంలో ముఖ్యమైన ఘట్టంగా నిలిచింది.
సతీ సహగమనాన్ని నిషేధించే చట్టాన్ని ఏ సంవత్సరంలో, ఏ గవర్నర్ జనరల్ ప్రవేశపెట్టారు?
1833 – లార్డ్ విలియం బెంటిక్.
1829 – లార్డ్ విలియం బెంటిక్.
1829 – లార్డ్ డల్హౌసీ.
1830 – లార్డ్ కార్న్ వాలిస్.
సతీ సహగమనాన్ని నిషేధించే చట్టంను లార్డ్ విలియం బెంటిక్ 1829 డిసెంబర్ లో ప్రవేశపెట్టారు. ఈ చట్టం బెంగాల్ ప్రెసిడెన్సీ పరిధిలో అమలులోకి వచ్చింది. రాజా రామ్మోహన్ రాయ్ ఈ చట్టానికి ప్రధానంగా కృషి చేసిన భారతీయ సంఘ సంస్కర్త. ఇది భారతీయ సామాజిక సంస్కరణల చరిత్రలో కీలక మైలురాయిగా పరిగణించబడుతుంది.
భారతదేశంలో మొట్టమొదటి మహిళా ఉపాధ్యాయురాలిగా గుర్తింపు పొందినవారు ఎవరు?
పండిత రామాబాయి.
సావిత్రిబాయి ఫూలే.
సరోజినీ నాయుడు.
కాదంబినీ గంగూలీ.
సావిత్రిబాయి ఫూలే భారతదేశపు మొట్టమొదటి మహిళా ఉపాధ్యాయురాలిగా గుర్తింపు పొందారు. ఆమె తన భర్త జ్యోతిరావు ఫూలేతో కలిసి 1848లో పూణేలో అంటరాని కులాల బాలికలకోసం తొలి బాలికల పాఠశాలను ప్రారంభించారు. ఆమె జ్యోతిరావు ఫూలే సహాయంతో స్త్రీ విద్య కోసం ఉద్యమించారు. 1852లో ఆమెకు "ఆదర్శ ఉపాధ్యాయురాలు" అనే గుర్తింపు లభించింది.
గులాంగిరి గ్రంథాన్ని రచించినవారు ఎవరు?
జ్యోతిరావు ఫూలే.
బాబా సాహెబ్ అంబేద్కర్.
పండిత రామాబాయి.
రాజా రామ్మోహన్ రాయ్.
‘గులాంగిరి’ అనే ప్రసిద్ధ గ్రంథాన్ని జ్యోతిరావు ఫూలే రచించారు. ఇందులో ఆయన శ్రమజీవుల పరిస్థితులను, బానిసత్వాన్ని, కులవ్యవస్థను విమర్శిస్తూ సమాజంలో సమానత్వం కోసం గళమెత్తారు. ఇది బ్రాహ్మణీయ ఆధిపత్యం, జాతి వివక్ష, మరియు ధార్మిక అణచివేతపై తీవ్ర విమర్శలతో కూడిన గ్రంథం. ఈ రచన భారత సమాజపు సామాజిక న్యాయచైతన్యానికి బలమైన పునాది వేసింది.
దివ్యజ్ఞాన సమాజాన్ని స్థాపించినవారు ఎవరు?
బ్లావట్ స్కీ మరియు ఆల్కాట్.
బ్లావట్ స్కీ మరియు అనీబిసెంట్.
ఆల్కాట్ మరియు అనీబిసెంట్.
థియోడర్ బెక్ మరియు బ్లావట్ స్కీ.
దివ్యజ్ఞాన సమాజాన్ని 1875లో న్యూయార్క్ నగరంలో బ్లావట్ స్కీ మరియు హెచ్.ఎస్. ఆల్కాట్ కలిసి స్థాపించారు. దీనిని థియోసాఫికల్ సొసైటీ అని కూడా పిలుస్తారు. దీని ముఖ్య ఉద్దేశాలు ఆధ్యాత్మిక వికాసం, విశ్వ బంధుత్వాన్ని పెంపొందించటం, తత్త్వశాస్త్రాలను అధ్యయనం చేయటం. ఇది భారతీయ తత్వాలపై పాశ్చాత్యులలో ఆసక్తిని కలిగించింది.
అలీఘర్ ఉద్యమాన్ని ప్రారంభించినవారు ఎవరు?
మహమ్మద్ అలీ జిన్నా.
సర్ సయ్యద్ అహ్మద్ ఖాన్.
ఖాన్ అబ్దుల్ గఫార్ ఖాన్.
పిరోజ్షా మెహతా.
అలీఘర్ ఉద్యమాన్ని సర్ సయ్యద్ అహ్మద్ ఖాన్ 19వ శతాబ్దంలో ప్రారంభించారు. ఈ ఉద్యమం ముస్లిం సమాజాన్ని ఆధునిక విద్య, సామాజిక అభివృద్ధి వైపు దిశా నిర్దేశం చేసింది. అలీఘర్ ఉద్యమ లక్ష్యం:- ముస్లింలకు పాశ్చాత్య శైలిలో విద్యను అందించడం, ఇస్లాం మతాన్ని ఆధునిక విజ్ఞానంతో సమన్వయం చేయడం మరియు బ్రిటిష్ పాలనలో ముస్లింలకు సమాన హక్కులు కల్పించేందుకు మార్గం సిద్ధం చేయడం.