ముఖ్యమైన సూచనలు (Instructions):
- Syllabus: ఈ Test లో Social Studies Content 48 ప్రశ్నలు మరియు Methodology 12 ప్రశ్నలు ఉన్నాయి.
- Exam Pattern: ఇది 29th June 2025 TS TET Social Paper- 2 (Shift-1) సోషల్ స్టడీస్ అధికారిక ప్రశ్నాపత్రము.
- Solved: ప్రతి ప్రశ్నకు ఆన్సర్లతో పాటు క్లియర్ వివరణ (Detailed Explanations) ఇవ్వడం జరిగింది.
- Analysis: మీ స్కోర్ ను మరియు Preparation స్థాయిని వెంటనే సమీక్షించుకోవచ్చును.
- Speed: 60 ప్రశ్నలను నిర్దేశిత సమయం (60 నిమిషాల) కంటే ముందుగానే పూర్తి చేయడం ద్వారా మీ టైమ్ మేనేజ్మెంట్ని మరింత మెరుగుపరుచుకోండి.
- Negative Marks: ఈ పరీక్షలో తప్పుడు సమాధానాలకు సంబంధించి ఎలాంటి నెగెటివ్ మార్క్స్ ఉండవు.
Start Social Studies Test
మీ ప్రిపరేషన్ను ఇప్పుడే ప్రారంభించండి – withchari.in
అంతర్జాతీయ న్యాయస్థానంలో మొదటి భారతీయ న్యాయమూర్తిగా నియమితులైన భారత రాజ్యాంగ ముసాయిదా కమిటీ రాజ్యాంగ సలహాదారు ఎవరు?
అల్లాడి కృష్ణ స్వామి అయ్యర్.
బి.ఎల్. మిట్టర్.
కె.ఎం. మున్షి.
సర్ బెనెగల్ నర్సింగ్ రావు.
సర్ బెనెగల్ నర్సింగ్ రావు (బి.ఎన్. రావు) భారత రాజ్యాంగ పరిషత్తుకు రాజ్యాంగ సలహాదారుగా వ్యవహరించి, రాజ్యాంగ ముసాయిదా తయారీలో కీలక పాత్ర పోషించారు. ఈయన 1952 నుండి 1953 వరకు అంతర్జాతీయ న్యాయస్థానం లో న్యాయమూర్తిగా పనిచేసిన మొదటి భారతీయుడు.
భారతదేశంలోని ఏ ప్రాంతం సింహపు తోక గల కోతి మరియు అనేక ఇతర జాతుల కీటకాలు మరియు పక్షులకు ప్రత్యేకమైనది?
పశ్చిమ కనుమలలోని నిశ్శబ్ద లోయ.
దామోదర్ లోయ.
ఆంధ్రప్రదేశ్లోని నల్లమల అడవులు.
మధ్యప్రదేశ్లోని పెంచ్ అడవులు.
కేరళలోని పశ్చిమ కనుమలలో ఉన్న సైలెంట్ వ్యాలీ (నిశ్శబ్ద లోయ) అత్యంత అరుదైన సింహపు తోక గల కోతి మరియు అనేక విశిష్ట కీటకాలు, పక్షులకు ప్రధాన ఆవాసం. 1970లలో ఇక్కడ పర్యావరణాన్ని రక్షించడానికి జరిగిన 'సేవ్ సైలెంట్ వ్యాలీ' ఉద్యమం ఈ ప్రాంతం యొక్క ప్రాముఖ్యతను చాటిచెప్పింది.
1991 నూతన పారిశ్రామిక విధానం భారత ఆర్థిక వ్యవస్థపై ఏ ప్రభావం చూపింది?
ఇది వేగవంతమైన ఆర్థిక వృద్ధికి మరియు సరళీకరణకు దారితీసింది.
ఇది గణనీయమైన ప్రభావాన్ని చూపలేదు.
ఇది ఆర్థిక వృద్ధి పతనానికి దారితీసింది.
ఇది ఆర్థిక వ్యవస్థపై ప్రభుత్వ నియంత్రణను పెంచింది.
పి.వి. నరసింహారావు నేతృత్వంలో 1991 నూతన పారిశ్రామిక విధానంలో ప్రవేశపెట్టిన LPG (సరళీకరణ, ప్రైవేటీకరణ, ప్రపంచీకరణ) సంస్కరణలు భారత ఆర్థిక వ్యవస్థలో విప్లవాత్మక మార్పులు తెచ్చాయి. లైసెన్స్ రాజ్ రద్దు, విదేశీ పెట్టుబడుల ప్రోత్సాహం వల్ల ప్రభుత్వ నియంత్రణ తగ్గి, ప్రైవేట్ రంగం బలోపేతమై దేశం వేగవంతమైన ఆర్థిక వృద్ధిని సాధించింది.
1971లో భారత ప్రభుత్వం వేటిని రద్దు చేసింది?
పూర్వ సంస్థానాలు ఉపయోగించిన రాజభరణాలు మరియు బిరుదులు.
భారతదేశంలోని అన్ని రాష్ట్రాలలో జమీందారీ వ్యవస్థను.
భారత యూనియన్లో సంస్థానాల ఏకీకరణను.
భారతదేశంలో రైత్వారీ మరియు మహల్వారీ పన్ను సేకరణ వ్యవస్థలను.
1971లో ఇందిరా గాంధీ ప్రభుత్వం 26వ రాజ్యాంగ సవరణ చట్టం ద్వారా పూర్వ సంస్థానాధీశుల రాజభరణాలను మరియు ప్రత్యేక బిరుదులను రద్దు చేసింది. ప్రజాస్వామ్య సూత్రాలకు అనుగుణంగా అందరూ సమానమేనని చాటడం మరియు దేశ ఆర్థిక వనరులను ప్రజా సంక్షేమానికి మళ్లించడం ఈ నిర్ణయం యొక్క ప్రధాన ఉద్దేశం.
ప్రతి సంవత్సరం మానవ అభివృద్ధి నివేదికను ప్రచురించేవారు ఎవరు?
ఐక్యరాజ్య సమితి అభివృద్ధి ప్రణాళిక (UNDP).
ప్రపంచ బ్యాంకు.
అంతర్జాతీయ ద్రవ్య నిధి (IMF).
ప్రపంచ ఆరోగ్య సంస్థ (WHO).
ఐక్యరాజ్య సమితి అభివృద్ధి ప్రణాళిక (UNDP) సంస్థ 1990 నుండి ప్రతి సంవత్సరం మానవాభివృద్ధి నివేదికను ప్రచురిస్తోంది. ఇది కేవలం ఆదాయాన్నే కాకుండా, ప్రజల ఆయుఃప్రమాణం (ఆరోగ్యం), విద్య మరియు జీవన ప్రమాణాల ఆధారంగా దేశాల అభివృద్ధిని అంచనా వేస్తుంది. దీనివల్ల ఒక దేశం తన ప్రజల సంక్షేమం కోసం ఎంతవరకు కృషి చేస్తోందో స్పష్టంగా తెలుస్తుంది.
ఆఫ్రికాలోని ఏ దేశాన్ని తరచుగా ‘రాగి దేశం’ అని పిలుస్తారు?
ఘనా.
సూడాన్.
జాంబియా.
లిబియా.
ఆఫ్రికా ఖండంలో అత్యధికంగా రాగి (Copper) ఉత్పత్తి చేసే దేశాలలో జాంబియా ఒకటి, అందుకే దీనిని "రాగి దేశం" అని పిలుస్తారు. ఇక్కడి ఆర్థిక వ్యవస్థ ప్రధానంగా రాగి ఎగుమతులపైనే ఆధారపడి ఉంటుంది, ముఖ్యంగా 'కాపర్ బెల్ట్' ప్రాంతం దీనికి ప్రసిద్ధి.
వేటి ఆధారంగా కొత్త సమాజాన్ని నిర్మించడానికి జ్యోతిబా ఫూలే 'సత్యశోధక్ సమాజ్'ను స్థాపించారు?
కుల వ్యవస్థ.
సత్యం మరియు సమానత్వం.
ఈక్విటీ మరియు సామాజిక న్యాయం.
రాజకీయ న్యాయం మరియు రాజకీయ సమానత్వం.
జ్యోతిబా ఫూలే 1873లో స్థాపించిన సత్యశోధక్ సమాజ్ సత్యం మరియు సామాజిక సమానత్వం పునాదులుగా కొత్త సమాజాన్ని నిర్మించాలని లక్ష్యంగా పెట్టుకుంది. అణగారిన వర్గాలను, మహిళలను అగ్రవర్ణాల దోపిడీ నుండి విముక్తి చేయడం మరియు పూజారుల మధ్యవర్తిత్వం లేకుండా భగవంతుడిని ఆరాధించే స్వేచ్ఛను కల్పించడం దీని ప్రధాన ఉద్దేశం.
సింధునది జల ఒప్పందం-1960 నిబంధనల ప్రకారం, సింధునది వ్యవస్థ ద్వారా తీసుకువెళ్ళే మొత్తం నీటిలో భారతదేశం 20% నీటిని మాత్రమే ఉపయోగించుకోగలదు మరియు ఈ నీటిని భారతదేశంలోని ఏ రాష్ట్రాలలో నీటి పారుదల కోసం ఉపయోగిస్తున్నారు?
పంజాబ్, హర్యానా మరియు రాజస్థాన్.
పంజాబ్, హిమాచల్ ప్రదేశ్ మరియు జమ్మూ మరియు కాశ్మీర్.
పంజాబ్, హర్యానా మరియు జమ్మూ మరియు కాశ్మీర్.
పంజాబ్, హర్యానా మరియు హిమాచల్ ప్రదేశ్.
1960లో జరిగిన సింధునది జల ఒప్పందం ప్రకారం పశ్చిమ నదులైన సింధు, జీలం, చీనాబ్ నీటిని ప్రధానంగా పాకిస్థాన్కు కేటాయించారు. భారతదేశానికి దక్కిన 20% వాటా నీటిని ప్రధానంగా పంజాబ్, హర్యానా మరియు రాజస్థాన్ రాష్ట్రాలలో వ్యవసాయం మరియు తాగునీటి అవసరాల కోసం ఉపయోగిస్తున్నారు. తూర్పు నదులైన రావి, బియాస్, సట్లెజ్ నీటిపై భారత్కు పూర్తి హక్కులు ఉన్నాయి.
నానా జాతి సమితి ఏ ఒప్పందం ఫలితంగా ఏర్పడిన మొట్టమొదటి అంతర్జాతీయ సంస్థ?
పారిస్ ఒప్పందం.
వియన్నా ఒప్పందం.
వెర్సైల్స్ ఒప్పందం.
ఫ్రాంక్ఫోర్ట్ ఒప్పందం.
మొదటి ప్రపంచ యుద్ధం ముగిసిన తర్వాత ప్రపంచ దేశాల మధ్య శాంతిని స్థాపించడానికి మరియు తగాదాలను చర్చల ద్వారా పరిష్కరించడానికి 1919లో జరిగిన వెర్సైల్స్ ఒప్పందం ఆధారంగా నానా జాతి సమితి ఏర్పడింది. ఇది 1920 జనవరి 10న స్విట్జర్లాండ్లోని జెనీవా కేంద్రంగా తన కార్యకలాపాలను ప్రారంభించింది. అమెరికా అధ్యక్షుడు వుడ్రో విల్సన్ ప్రతిపాదించిన 14 సూత్రాలు ఈ సంస్థ ఏర్పాటుకు పునాదిగా నిలిచాయి.
జ్ఞాన నిర్మాణ తరగతి గదిలో ఉపాధ్యాయుని పాత్రకు సంబంధించి ఈ కింది వాక్యాలలో సరైన వాటిని గుర్తించండి:
A) ఉపాధ్యాయుడు జ్ఞాన ప్రసరణ (transmitter) చేసే వ్యక్తి.
B) జ్ఞాన నిర్మాణానికి ఉపాధ్యాయుడు సౌలభ్యకర్తగా, మార్గదర్శిగా వ్యవహరిస్తాడు.
C) ఉపాధ్యాయుడు తరగతి నిర్వాహకుడే కాని నియంత్రణ అధికారి కాదు.
సరైన సమాధానాన్ని ఎన్నుకోండి?
A, B & C.
B & C మాత్రమే.
A & B మాత్రమే.
A & C మాత్రమే.
జ్ఞాన నిర్మాణ పద్ధతిలో ఉపాధ్యాయుడు కేవలం సమాచారాన్ని అందించే వ్యక్తి (Transmitter) మాత్రమే కాదు, విద్యార్థులు తమంతట తాము నేర్చుకునేలా ప్రోత్సహించే సౌలభ్యకర్త (Facilitator) కూడా. తరగతి గదిలో అభ్యసన ప్రక్రియను నిర్వహించే వ్యక్తిగా ఉపాధ్యాయుడు మార్గదర్శకత్వం వహిస్తారు తప్ప, విద్యార్థులపై నియంత్రణ అధికారిగా వ్యవహరించకూడదు.
మార్చి 8, 1917న ఏ రష్యా నగర మహిళలు 'శాంతి మరియు రొట్టె' ను కోరుతూ ఊరేగింపును నిర్వహించారు?
మాస్కో.
సెయింట్ పీటర్స్బర్గ్.
నోవోసిబిర్క్స్.
చెల్యాబిన్క్స్.
మొదటి ప్రపంచ యుద్ధం సమయంలో ఆహార కొరత, అధిక ధరలకు నిరసనగా 1917 మార్చి 8న రష్యా రాజధాని సెయింట్ పీటర్స్బర్గ్ నగరంలో సుమారు 10,000 మంది మహిళలు 'శాంతి మరియు రొట్టె' కోసం భారీ ఊరేగింపు నిర్వహించారు. ఈ పోరాటం రష్యాలో జార్ చక్రవర్తి రాచరిక పాలన పతనానికి నాంది పలికి, రష్యా విప్లవానికి దారితీసింది. అందుకే ఈ చారిత్రక రోజును అంతర్జాతీయ మహిళా దినోత్సవంగా జరుపుకుంటారు.
ధరల పెరుగుదల జరిగినప్పుడల్లా భారతదేశంలోని అన్ని బ్యాంకులకు అత్యున్నత సంస్థ అయిన రిజర్వ్ బ్యాంక్ ఆఫ్ ఇండియా ఈ విధంగా చేస్తుంది:
A) ఆర్థిక వ్యవస్థలో ద్రవ్య సరఫరాను తగ్గిస్తుంది.
B) బ్యాంకులను తక్కువ రుణాలు ఇవ్వమని లేదా డిపాజిటర్లను తక్కువ ఉపసంహరించుకోవడానికి అనుమతించమని కోరుతుంది.
C) డిపాజిటర్లకు చెల్లించే లేదా డిపాజిటర్ల నుండి స్వీకరించే వడ్డీ చెల్లింపులను నియంత్రిస్తుంది.
కింది వాటిలో సరైన సమాధానాన్ని గుర్తించండి?
A, B మరియు C లు సరైనవి.
A మరియు B మాత్రమే సరైనవి.
A, B మరియు C లు సరైనవి కావు.
B మరియు C మాత్రమే సరైనవి.
ద్రవ్యోల్బణం పెరిగినప్పుడు, మార్కెట్లో డబ్బు చలామణిని తగ్గించడానికి RBI తన ద్రవ్య విధానంలో భాగంగా రెపో రేటును పెంచడం ద్వారా ద్రవ్య సరఫరాను తగ్గిస్తుంది. బ్యాంకులు ఇచ్చే రుణాల పరిమాణాన్ని నియంత్రిస్తుంది మరియు వడ్డీ రేట్లను పెంచి లేదా తగ్గించి ప్రజల పొదుపు, ఖర్చులను నియంత్రిస్తుంది. తద్వారా ధరలను అదుపులోకి తెస్తుంది.
కింది వాటిలో భూమి ఘనపరిమాణంలో దాదాపు 83% ఉండే పొర ఏది?
ఖండాంతర భూపటలం.
మహాసముద్ర భూపటలం.
భూప్రావారం.
భూ కేంద్ర మండలం.
భూమి ఘనపరిమాణంలో 83% ఉండే భూ కేంద్ర మండలం (Core) ప్రధానంగా నికెల్, ఇనుములతో (Nife) నిర్మితమై, భూమిలోపల 2,900 కి.మీ నుండి 6,376 కి.మీ లోతు వరకు విస్తరించి ఉంటుంది. మిగిలిన పొరలలో భూప్రావారం 16%, భూపటలం కేవలం 1% మాత్రమే ఉంటాయి.
పర్వతాలలో ఉద్భవించిన గంగానది, ఏ ప్రదేశంలో మైదానానికి చేరుకుంటుంది?
అలకనంద.
దేవప్రయాగ.
అలహాబాద్.
హరిద్వార్.
గంగానది హిమాలయ పర్వత శ్రేణులను దాటి ఉత్తరాఖండ్లోని హరిద్వార్ వద్ద మొదటిసారిగా మైదాన ప్రాంతంలోకి ప్రవేశిస్తుంది. దేవప్రయాగ వద్ద భగీరథి మరియు అలకనంద నదులు కలిసిన తర్వాత ఏర్పడిన గంగానది, హరిద్వార్ వరకు పర్వతాల గుండానే ప్రవహిస్తుంది. అలహాబాద్ (ప్రయాగ్రాజ్) వద్ద గంగానది తన అతిపెద్ద ఉపనది అయిన యమునతో కలుస్తుంది, దీనినే త్రివేణి సంగమం అంటారు.
ఈ కింది వాటిలో పాఠ్య సంబంధ రంగాలను మదింపు చేయడానికి ఉపయోగించే సాధనాలను గుర్తించండి:
A) యూనిట్ టెస్టులు. B) నియోజనాలు. C) లోపనిర్ధారణ టెస్టులు.
సరైన సమాధానమును ఎన్నుకోండి?
A & C మాత్రమే.
B & C మాత్రమే.
A & B మాత్రమే.
A, B & C.
యూనిట్ టెస్టులు మరియు నియోజనాలు విద్యార్థి అభ్యసన ఫలితాలను, లోతైన అవగాహనను అంచనా వేస్తాయి. లోపనిర్ధారణ పరీక్షలు విద్యార్థుల అభ్యసన లోపాలను గుర్తించి Remedial Teaching అందించడానికి తోడ్పడతాయి. అందువల్ల, ఈ మూడు సాధనాలు కూడా పాఠ్య సంబంధ రంగాల మదింపులో అత్యంత కీలకమైనవే.
1867లో బొంబాయిలో ప్రార్థన సమాజ్ ను ప్రారంభించింది ఎవరు?
స్వామి దయానంద్ సరస్వతి.
రాజా రామ్మోహన్ రాయ్.
R.G. బండార్కర్.
స్వామి వివేకానంద.
1867లో బొంబాయిలో ఆత్మారాం పాండురంగ ప్రార్థన సమాజ్ను స్థాపించారు. దీనిని బలోపేతం చేయడంలో మరియు ప్రాచుర్యంలోకి తీసుకురావడంలో R.G. బండార్కర్ మరియు జస్టిస్ మహాదేవ గోవింద రనడే వంటి ప్రముఖులు కీలక పాత్ర పోషించారు. Note:- ఇచ్చిన ఆప్షన్స్లో ఆత్మారాం పాండురంగ పేరు లేనందువల్ల ఆ సంస్థ అభివృద్ధిలో కీలక పాత్ర పోషించిన నాయకులలో ఒకరైన R.G. బండార్కర్ సరైన సమాధానం అవుతుంది.
కింది వాటిలో భారతదేశ దీవులకు సంబంధించి సరికాని స్టేట్మెంట్ను గుర్తించండి?
నార్కొండం మరియు బారెన్ దీవులు అగ్నిపర్వతాల వల్ల ఏర్పడ్డాయి.
లక్షద్వీప్ దీవుల మొత్తం భౌగోళిక వైశాల్యం 32 చదరపు కిలోమీటర్లు.
లక్షద్వీప్ దీవులు రకరకాల వృక్ష, జీవ జంతుజాతులకు ప్రఖ్యాతి గాంచాయి.
భారతదేశం యొక్క దక్షిణ కొన లక్షద్వీప్ ద్వీపంలో ఉంది.
భారతదేశం యొక్క అత్యంత దక్షిణ కొన అయిన 'ఇందిరా పాయింట్' అండమాన్ నికోబార్ దీవులలోని గ్రేట్ నికోబార్ ద్వీపంలో ఉంది. ఒకవేళ భారతదేశ ప్రధాన భూభాగం యొక్క దక్షిణ కొన అంటే మాత్రం అది తమిళనాడులోని కన్యాకుమారి (కేప్ కొమొరిన్). లక్షద్వీప్ దీవులు కేవలం 32 చ.కి.మీ వైశాల్యంతో అరేబియా సముద్రంలో ఉన్న పగడపు దీవులు.
భారత రాజ్యాంగంలో ఏవి భారత ప్రభుత్వం ముందు అక్షరాస్యతను సార్వత్రికీకరించడం, పర్యావరణ పరిరక్షణ మొదలైన కొన్ని నిర్దిష్ట పనులను నిర్దేశిస్తాయి?
భారత రాజ్యాంగం కల్పించిన ప్రాథమిక హక్కులు.
పౌరుడి ప్రాథమిక విధులు.
ఆదేశిక సూత్రాలు.
మానవ హక్కులు.
భారత రాజ్యాంగంలోని 4వ భాగంలో ఉన్న ఆదేశిక సూత్రాల ప్రధాన ఉద్దేశ్యం సామాజిక, ఆర్థిక న్యాయంతో కూడిన సంక్షేమ రాజ్యాన్ని (Welfare State) స్థాపించడం. అక్షరాస్యత, పర్యావరణ పరిరక్షణ మరియు గ్రామీణాభివృద్ధి మొదలైన సంక్షేమ లక్ష్యాలను ప్రభుత్వం చేపట్టాల్సిన బాధ్యతలుగా ఈ సూత్రాలు నిర్దేశిస్తాయి.
1969లో లిబియాలో రాచరికం రద్దు చేయబడింది మరియు అది తనను తాను ఏ విధంగా ప్రకటించుకుంది?
డెమోక్రటిక్ లిబియన్ అరబ్ రిపబ్లిక్.
కమ్యూనిస్ట్ లిబియన్ అరబ్ రిపబ్లిక్.
సోషలిస్ట్ లిబియన్ అరబ్ రిపబ్లిక్.
లిబియన్ అరబ్ రిపబ్లిక్.
1969 సెప్టెంబర్ 1న ముఅమ్మర్ గడ్డాఫీ నాయకత్వంలో జరిగిన సైనిక తిరుగుబాటు ద్వారా లిబియాలో రాజు ఇద్రిస్-I రాచరిక పాలన ముగిసింది. ఆ తర్వాత లిబియా తనను తాను 'డెమోక్రటిక్ లిబియన్ అరబ్ రిపబ్లిక్' గా ప్రకటించుకుంది. గడ్డాఫీ నేతృత్వంలో దేశం గణతంత్ర వ్యవస్థగా రూపాంతరం చెందింది.
"ఈ యుద్ధం వలన మనం ప్రపంచంలో కెల్లా అత్యంత శక్తివంతమైన దేశంగా ఆవిర్భవించాము - బహుశా చరిత్ర మొత్తంలోనే ఇంతటి శక్తివంతమైన దేశం ఇంకొకటి లేదు" అని అన్న వారు ఎవరు?
విన్స్టన్ చర్చిల్.
హ్యారీ ట్రూమాన్.
వుడ్రో విల్సన్.
F D రూజ్వెల్ట్.
రెండవ ప్రపంచ యుద్ధం ముగిసిన తర్వాత అమెరికా సాధించిన తిరుగులేని విజయాన్ని మరియు ప్రపంచ రాజకీయాల్లో ఆ దేశం యొక్క ఆధిపత్యాన్ని ఉద్దేశించి అమెరికా మాజీ అధ్యక్షుడు హ్యారీ ట్రూమాన్ యుద్ధం వల్ల ఐరోపా దేశాలు బలహీనపడగా, అమెరికా తన ఆర్థిక మరియు సైనిక శక్తితో అగ్రరాజ్యంగా ఎదిగింది అనే వ్యాఖ్యలు చేశారు.
'వస్తుమార్పిడి విధానం - ద్రవ్య పరిణామ క్రమము' అను పాఠ్య బోధనకు అత్యంత అనువైన బోధనా పద్ధతి ఏది?
కథ చెప్పడం.
వ్యక్తిగతీకరించిన బోధన.
చర్చ.
ప్రదర్శన.
వస్తుమార్పిడిలోని కష్టాలు మరియు ద్రవ్యం ఎలా అభివృద్ధి చెందిందనే అంశాలపై విద్యార్థుల మధ్య చర్చ నిర్వహించడం వల్ల వారు విశ్లేషణాత్మకంగా ఆలోచిస్తారు. ఈ పద్ధతి ద్వారా ద్రవ్యం యొక్క ప్రాముఖ్యతను, చారిత్రక పరిణామ క్రమాన్ని విద్యార్థులు ఒకరి అభిప్రాయాలను ఒకరు పంచుకుంటూ మెరుగ్గా అర్థం చేసుకుంటారు.
హరిత విప్లవ పితామహుడు నార్మన్ ఎర్నెస్ట్ బోర్లాగ్ ఏ దేశానికి చెందినవాడు?
అమెరికా సంయుక్త రాష్ట్రాలు.
స్వీడన్.
నార్వే.
జర్మనీ.
ప్రపంచ హరిత విప్లవ పితామహుడిగా పిలవబడే నార్మన్ ఎర్నెస్ట్ బోర్లాగ్ అమెరికాకు చెందిన వ్యవసాయ శాస్త్రవేత్త. ఈయన మెక్సికోలో అధిక దిగుబడినిచ్చే గోధుమ వంగడాలను అభివృద్ధి చేసి, ప్రపంచవ్యాప్తంగా ఆహార కొరతను తీర్చడంలో కీలక పాత్ర పోషించారు. ఈ కృషికి గాను ఆయనకు 1970లో నోబెల్ శాంతి బహుమతి లభించింది. ఎం.ఎస్. స్వామినాథన్ గారిని 'భారత హరిత విప్లవ పితామహుడు' అని పిలుస్తారు.
ఏ అంశాలలో ఉన్న అవకాశాన్ని పరిశీలించడానికి భారత ప్రభుత్వం సుప్రీంకోర్టు న్యాయమూర్తి బి.పి. జీవన్ రెడ్డిని నియమించింది?
మణిపూర్ ప్రజలను భారతదేశంలోనే ఉండేలా ఒప్పించడం కొరకు.
ఈశాన్య రాష్ట్రాల్లో AFSPA చట్టాన్ని రద్దు చేయడం కొరకు.
మద్యం దుర్వినియోగం వల్ల ప్రజా అశాంతిని నివారించడం కొరకు.
రాష్ట్రంలో శాంతిభద్రతలను కాపాడటం కొరకు.
ఈశాన్య రాష్ట్రాలలో వివాదాస్పదంగా మారిన AFSPA (Armed Forces Special Powers Act) చట్టాన్ని సమీక్షించేందుకు 2004లో భారత ప్రభుత్వం జస్టిస్ బి.పి. జీవన్ రెడ్డి కమిటీని నియమించింది. ఈ చట్టం ప్రజల్లో అపనమ్మకాన్ని కలిగిస్తోందని భావించిన కమిటీ, దీనిని రద్దు చేసి ఉగ్రవాద వ్యతిరేక నిబంధనలను 'అక్రమ కార్యకలాపాల నిరోధక చట్టం' (UAPA) లో చేర్చాలని 2005లో సిఫార్సు చేసింది.
ఎక్కువ మొత్తంలో కార్లను త్వరగా ఉత్పత్తి చేయడానికి కింది వాటిలో ఏ పరిశ్రమ 'అసెంబ్లీ లైన్ మెథడ్' ఉత్పత్తి పద్ధతిని ప్రారంభించింది?
వోక్స్ వ్యాగన్.
జనరల్ మోటార్స్.
ఫోర్డ్ మోటార్లు.
M G మోటార్లు.
ఆధునిక పారిశ్రామిక ఉత్పత్తిలో విప్లవాత్మక మార్పు తెచ్చిన 'అసెంబ్లీ లైన్ మెథడ్' ను హెన్రీ ఫోర్డ్ తన ఫోర్డ్ మోటార్స్ కంపెనీలో 1913లో ప్రవేశపెట్టారు. ఈ పద్ధతి ద్వారా కార్లను విడిభాగాలుగా కాకుండా, ఒక కదిలే బెల్టుపై నిరంతరంగా అమర్చుకుంటూ వెళ్లడం వల్ల ఉత్పత్తి వేగం పెరిగి, ఖర్చు గణనీయంగా తగ్గింది.
శిశు మరణాల రేటు (IMR) అంటే ఏమిటి?
ఒక నిర్దిష్ట జనాభా మరియు కాల వ్యవధిలో 1,000 సజీవ జననాలకు ఒక సంవత్సరం కంటే తక్కువ వయస్సు ఉన్న పిల్లల మరణాల సంఖ్య.
ఒక నిర్దిష్ట జనాభా మరియు కాల వ్యవధిలో 100 సజీవ జననాలకు ఒక సంవత్సరం కంటే తక్కువ వయస్సు ఉన్న పిల్లల మరణాల సంఖ్య.
ఒక నిర్దిష్ట జనాభా మరియు కాల వ్యవధిలో 100 సజీవ జననాలకు ఐదు సంవత్సరాల కంటే తక్కువ వయస్సు ఉన్న పిల్లల మరణాల సంఖ్య.
ఒక నిర్దిష్ట జనాభా మరియు కాల వ్యవధిలో 1,000 సజీవ జననాలకు రెండు సంవత్సరాల కంటే తక్కువ వయస్సు ఉన్న పిల్లల మరణాల సంఖ్య.
శిశు మరణాల రేటును ఎల్లప్పుడూ 1,000 సజీవ జననాలను ప్రాతిపదికగా తీసుకుని, ఒక సంవత్సరం లోపు వయస్సు ఉన్న పిల్లల మరణాలను లెక్కించడం ద్వారా నిర్ణయిస్తారు. ఇది ఒక ప్రాంతం యొక్క ఆరోగ్య సదుపాయాలు మరియు పోషకాహార స్థాయిని సూచించే కీలకమైన సామాజిక సూచిక.
కింది వాటిలో ఏది భారత రాజ్యాంగ 42వ సవరణ లక్ష్యం కాదు?
ఎన్నికల వివాదాల నుండి కోర్టులను మినహాయించడం.
విద్యను ప్రాథమిక హక్కుగా చేయడం.
న్యాయవ్యవస్థను పార్లమెంటుకు లోబడి ఉంచడం.
రాష్ట్ర ప్రభుత్వాలతో పోల్చినప్పుడు కేంద్ర ప్రభుత్వాన్ని బలోపేతం చేయడం.
1976లో ఇందిరా గాంధీ ప్రభుత్వ హయాంలో చేసిన 42వ రాజ్యాంగ సవరణను 'మినీ రాజ్యాంగం' అని పిలుస్తారు. ఈ సవరణ ద్వారా విద్యను కేవలం ఉమ్మడి జాబితాలోకి మాత్రమే చేర్చారు తప్ప, దానిని ప్రాథమిక హక్కుగా గుర్తించలేదు. 2002లో చేసిన 86వ రాజ్యాంగ సవరణ ద్వారా మాత్రమే ఆర్టికల్ 21-Aను చేర్చి, 6 నుండి 14 ఏళ్ల పిల్లలకు విద్యను ప్రాథమిక హక్కుగా గుర్తించారు.
ఏ అభ్యసన సిద్ధాంతం ఆధారంగా భావనా పటం ఉద్భవించింది?
బండూరా సాంఘిక అభ్యసన సిద్ధాంతం.
అసుబెల్ అభ్యసన సిద్ధాంతం.
స్కిన్నర్ ప్రచాలక నిబంధన సిద్ధాంతం.
థార్న్ డైక్ అభ్యసన సిద్ధాంతం.
డేవిడ్ అసుబెల్ ప్రతిపాదించిన 'అర్థవంతమైన అభ్యసన సిద్ధాంతం' ఆధారంగా భావనా పటాలు ఉద్భవించాయి. విద్యార్థి తన పూర్వ జ్ఞానానికి కొత్త విషయాన్ని దృశ్యరూపంలో అనుసంధానిస్తూ నేర్చుకోవడానికి ఇవి తోడ్పడతాయి. వీటిని అసుబెల్ సిద్ధాంతం ప్రాతిపదికన జోసెఫ్ డి. నోవాక్ అభివృద్ధి చేశారు.
"గ్రాఫ్ లు" మరియు "ఫోనోగ్రాఫ్ డిస్క్ లు" వరుసగా ఏ రకమైన బోధనోపకరణాలు?
రెండూ దృశ్య ఉపకరణాలు.
రెండూ శ్రవణ ఉపకరణాలు.
దృశ్య ఉపకరణాలు; శ్రవణ ఉపకరణాలు.
శ్రవణ ఉపకరణాలు; దృశ్య ఉపకరణాలు.
గ్రాఫ్ లు సమాచారాన్ని బొమ్మల రూపంలో చూపిస్తాయి కాబట్టి ఇవి దృశ్య (Visual) ఉపకరణాలు. ఫోనోగ్రాఫ్ డిస్క్ లు కేవలం శబ్దాన్ని వినడానికి మాత్రమే ఉపయోగపడతాయి కాబట్టి ఇవి శ్రవణ (Audio) ఉపకరణాలు. ఈ వర్గీకరణ అభ్యాస ప్రక్రియలో ఏ ఇంద్రియం (కన్ను లేదా చెవి) ప్రధానంగా పాల్గొంటుంది అనే దానిపై ఆధారపడి ఉంటుంది.
మానావాభివృద్ధి నివేదిక 2018 ప్రకారం కింది ఆసియా దేశాలలో తలసరి ఆదాయం, వ్యక్తి జీవించే సగటు కాలం, పాఠశాల విద్యా సంవత్సరాల సగటు మొదలైన ప్రతి అంశంలోనూ ముందున్న దేశం ఏది?
భారతదేశం.
శ్రీలంక.
పాకిస్తాన్.
బంగ్లాదేశ్.
మానవాభివృద్ధి నివేదిక (HDR) 2018 ప్రకారం, శ్రీలంక తన పొరుగు దేశాలైన భారత్, పాకిస్తాన్ మరియు బంగ్లాదేశ్ కంటే మెరుగైన స్థానంలో ఉంది. మానవ అభివృద్ధి సూచిక (HDI) యొక్క అన్ని ప్రధాన కొలమానాలైన - తలసరి ఆదాయం, ఆయుర్దాయం మరియు పాఠశాల విద్యా సంవత్సరాల సగటులో శ్రీలంక అగ్రస్థానంలో నిలిచింది.
'పునరుత్పాదక వనరు' అంటే ఏమిటి?
వినియోగించబడుతున్నప్పటికీ ఉనికిలో ఉండే వనరులు.
సహజ మార్గాల ద్వారా సులభంగా భర్తీ చేయలేని వనరులు.
బహుళ విధాలుగా ఉపయోగించగల వనరులు.
ఉత్పత్తికి ఏ విధంగానూ ఉపయోగించలేని వనరులు.
ప్రకృతిలో నిరంతరం లభిస్తూ, వినియోగిస్తున్నప్పటికీ సహజ ప్రక్రియల ద్వారా తిరిగి పునరుద్ధరించబడే వనరులను పునరుత్పాదక వనరులు అంటారు. ఉదాహరణకు సౌరశక్తి, పవన శక్తి వంటివి ఎంత వాడినా తరగిపోవు. ఇవి పెట్రోల్, బొగ్గు వంటి తరగిపోయే వనరులకు భిన్నమైనవి.
2009లో భారత పార్లమెంటు దేని కొరకు ‘ఉచిత మరియు నిర్బంధ ప్రాధమిక విద్యకు బాలల హక్కు చట్టం’ ను ఆమోదించింది?
14 సంవత్సరాల కంటే తక్కువ వయస్సు ఉన్న పిల్లలందరికీ నాణ్యమైన విద్య లభించేలా నిర్ధారించుకోవడం కొరకు.
గ్రామీణ ప్రాంతాల్లో నివసించే పిల్లలందరికీ నాణ్యమైన విద్య లభించేలా నిర్ధారించుకోవడం కొరకు మాత్రమే.
16 సంవత్సరాల కంటే తక్కువ వయస్సు ఉన్న పిల్లలందరికీ నాణ్యమైన విద్య లభించేలా నిర్ధారించుకోవడం కొరకు.
శారీరకంగా వికలాంగులందరికి నాణ్యమైన విద్యను పొందేలా నిర్ధారించుకోవడం కొరకు మాత్రమే.
86వ రాజ్యాంగ సవరణ ద్వారా భారత రాజ్యాంగంలో చేర్చబడిన ఆర్టికల్ 21-A ప్రకారం, 6 నుండి 14 సంవత్సరాల పిల్లలందరికీ ఉచిత మరియు నిర్బంధ విద్యను అందించడం ఒక ప్రాథమిక హక్కుగా గుర్తించారు. దీనిని అమలు చేయడానికి 2009లో భారత పార్లమెంటు "విద్యా హక్కు చట్టాన్ని" (RTE) ఆమోదించింది. ఈ చట్టం 2010 ఏప్రిల్ 1 నుండి అమలులోకి వచ్చింది.
శాసనంలోని మొదట పేర్కొనే భాగాన్ని ప్రశస్తి అని అంటారు. ప్రశస్తి దేని గురించి తెలుపుతుంది?
బ్రాహ్మణులు మరియు వారి రచనల గురించి.
పాలకుల కుటుంబాలు, వారికంటే ముందున్న పాలక కుటుంబాల గురించి మరియు వారు ఏ కాలానికి చెందిన వారో వాటి గురించి.
భూ పంపిణీ మరియు ప్రజల నుండి పన్నులు వసూలు చేసే విధానం.
ఆ రాజ్య ప్రజలు మరియు వారి కార్యకలాపాలు.
శాసనాల ప్రారంభంలో ఉండే భాగాన్ని 'ప్రశస్తి' అంటారు. ప్రశస్తి అంటే స్తుతించడం లేదా పొగడటం అని అర్థం. ఇవి ప్రధానంగా రాజుల వంశావళిని, వారి పూర్వీకులను మరియు వారి విజయాలను, పరాక్రమాలను గురించి గొప్పగా వివరిస్తాయి. సాధారణంగా రాజుల ఆస్థానంలోని పండితులు లేదా బ్రాహ్మణులు రాజులను మెప్పించడానికి ఈ ప్రశస్తీలను రచించేవారు.
భారతదేశ ప్రజాస్వామ్యానికి పునాది వేసింది ఏది?
అమెరికన్ రాజ్యాంగం నిర్దేశించిన విలువలు.
ఉదారవాదం మరియు నిరంకుశత్వం వంటి ఆదర్శాలు.
ఐరిష్ రాజ్యాంగం నుండి స్వీకరించబడిన ఆదేశిక సూత్రాలు.
భారతదేశ స్వాతంత్ర పోరాటానికి ప్రేరణనిచ్చి మరియు మార్గనిర్దేశం చేసిన విలువలు.
భారతదేశ రాజ్యాంగ ప్రవేశికలో పొందుపరిచిన స్వేచ్ఛ, సమానత్వం, సౌభ్రాతృత్వం మరియు న్యాయం వంటి కీలక విలువలు భారత స్వాతంత్ర పోరాటం నుండే ఉద్భవించాయి. ఈ విలువలనే మన ప్రజాస్వామ్యానికి పునాదిగా స్వీకరించి, రాజ్యాంగ నిర్మాతలు దేశ పరిపాలనకు దిశానిర్దేశం చేశారు.
కింది వాటి నుండి ద్రవ్యం యొక్క ప్రాథమిక విధిని గుర్తించండి?
మార్పిడి మాధ్యమం మాత్రమే.
విలువ యొక్క కొలత మాత్రమే.
విలువ నిల్వ.
మార్పిడి మాధ్యమం మరియు విలువ యొక్క కొలత.
అర్థశాస్త్రం ప్రకారం ద్రవ్యం ప్రధానంగా రెండు రకాల ప్రాథమిక విధులను నిర్వహిస్తుంది: 1) మార్పిడి మాధ్యమం:- వస్తువుల మరియు సేవల కొనుగోలు, అమ్మకాలకు ద్రవ్యం ఒక సాధనంగా ఉపయోగపడుతుంది. 2) విలువ యొక్క కొలత:- వస్తువుల విలువను లేదా ధరను లెక్కించడానికి ద్రవ్యం ఒక ప్రామాణిక కొలమానంగా పనిచేస్తుంది.
కింది వాటిలో ద్రవ్యాన్ని ఏ అకౌంట్లో డిపాజిట్ చేయడం వ్యాపారవేత్తలకు మరింత ఎక్కువ సౌకర్యవంతంగా ఉంటుంది?
సేవింగ్ డిపాజిట్లు.
కరెంటు డిపాజిట్లు.
టర్మ్ డిపాజిట్లు.
రికరింగ్ డిపాజిట్లు.
వ్యాపారస్థులు రోజుకు ఎన్నిసార్లయినా నగదును డిపాజిట్ చేయడానికి మరియు విత్డ్రా చేసుకోవడానికి కరెంటు డిపాజిట్లు అత్యంత సౌకర్యవంతంగా ఉంటాయి. ఈ ఖాతాలపై బ్యాంకు ఎటువంటి వడ్డీని చెల్లించదు. కానీ పరిమితి లేకుండా లావాదేవీలు జరుపుకునే వెసులుబాటును మరియు ఓవర్డ్రాఫ్ట్ వంటి ప్రత్యేక సౌకర్యాలను కల్పిస్తుంది.
‘సహకార భావన మరియు ఒకరిపై ఇంకొకరు ఆధారపడే తత్వము’ మరియు ‘వివిధ సంస్కృతులను గౌరవించుట’ అనే అంశాలు వరుసగా వేటికి చెందుతాయి?
లక్ష్యాలు, లక్ష్యాలు.
ఉద్దేశ్యాలు, ఉద్దేశ్యాలు
లక్ష్యాలు, ఉద్దేశ్యాలు.
ఉద్దేశ్యాలు, లక్ష్యాలు.
సహకార భావన మరియు పరస్పర ఆధారిత తత్వం అనేది విద్యార్థి ప్రవర్తనలో అంతర్భాగం కావడానికి చాలా సమయం పడుతుంది కాబట్టి అది విస్తృతమైన ఉద్దేశ్యం. వివిధ సంస్కృతులను గౌరవించడం అనేది ఒక నిర్దిష్ట కృత్యం ద్వారా తక్కువ సమయంలో సాధించగలిగే ప్రవర్తనా మార్పు కాబట్టి అది లక్ష్యం.
ఈ ప్రదేశంలో తయారు చేయబడిన చీరలు ప్రత్యేకమైన డిజైన్ మరియు రంగుతో కూడి ఉంటాయి, ఇవి ఇతర పట్టు చీరల కంటే చాలా భిన్నంగా ఉంటాయి. కాబట్టి, భారతదేశంలో పేటెంట్ పొందిన మొట్టమొదటి చేనేత వస్త్రం ఏది?
బనారస్ చీరలు.
పోచంపల్లి చీరలు.
గద్వాల్ చీరలు.
కొత్తకోట చీరలు.
తెలంగాణలోని యాదాద్రి భువనగిరి జిల్లాకు చెందిన పోచంపల్లి ఇక్కత్ చీరలు 2004లో భారతదేశంలో భౌగోళిక గుర్తింపు లేదా పేటెంట్ పొందిన మొట్టమొదటి చేనేత వస్త్రంగా రికార్డు సృష్టించాయి. ఇవి తమ విలక్షణమైన 'టై అండ్ డై' (Tie and Dye) పద్ధతి మరియు రేఖాగణిత డిజైన్లకు ప్రపంచవ్యాప్తంగా ప్రసిద్ధి చెందాయి.
ఖండ తీరపు వాలులో కనిపించే సముద్ర అగాధదరులు ఏ ప్రక్రియ ద్వారా ఏర్పడ్డాయి?
గాలి కోత వలన.
అలల వలన.
హిమనీనదాలు మరియు నదుల నీటి కోత వలన.
గాలి మరియు అలల కోత వలన.
సముద్ర అంతర్భాగంలో, ముఖ్యంగా ఖండ తీరపు వాలు (Continental Slope) ప్రాంతంలో ఏర్పడే లోతైన లోయలను సముద్ర అగాధదరులు (Submarine Canyons) అంటారు. ఇవి హిమనీనదాల కదలికల వల్ల లేదా నదులు సముద్రంలో కలిసే చోట కలిగించే తీవ్రమైన నీటి కోత వల్ల ఏర్పడతాయి.
1933 మార్చి 3న ఆమోదించబడిన ఎనేబ్లింగ్ చట్టం అడాల్ఫ్ హిట్లర్కు ఏ అధికారాలను కట్టబెట్టింది?
జర్మనీని ప్రజాస్వామ్యబద్ధంగా పాలించడానికి.
పార్లమెంటును పక్కనపెట్టి అతని ఆదేశం ప్రకారం పాలించడానికి.
జర్మనీలో శ్రామికవర్గ ప్రభుత్వాన్ని స్థాపించడానికి.
జర్మనీలో ఎన్నికలు నిర్వహించి దాని ఆదేశం ప్రకారం పాలించడానికి.
1933 మార్చి 3న ఆమోదించబడిన ఎనేబ్లింగ్ చట్టం జర్మనీలో ప్రజాస్వామ్యాన్ని రద్దు చేసి హిట్లర్ నియంతృత్వానికి దారితీసింది. ఈ చట్టం ద్వారా హిట్లర్ పార్లమెంటును సంప్రదించకుండానే స్వయంగా ఉత్తర్వుల ద్వారా పాలించే అధికారాలను పొందాడు. దీనివల్ల నాజీ పార్టీ మినహా అన్ని రాజకీయ పార్టీలు, కార్మిక సంఘాలు నిషేధించబడి, దేశం మొత్తం హిట్లర్ గుప్పిట్లోకి వెళ్ళింది.
మానవ హక్కులలోని ఏ అధికరణం ప్రకారం "ఎవరినీ అకారణంగా అరెస్టు చేయకూడదు, నిర్బంధించకూడదు, బహిష్కరించకూడదు”?
3 వ అధికరణ.
5 వ అధికరణ.
9 వ అధికరణ.
13 వ అధికరణ.
1948 డిసెంబర్ 10న ఐక్యరాజ్యసమితి ప్రకటించిన విశ్వజనీన మానవ హక్కుల ప్రకటనలోని 9వ అధికరణం ఏ వ్యక్తిని కూడా చట్టవిరుద్ధంగా అరెస్టు చేయడం, నిర్బంధించడం లేదా దేశం నుండి బహిష్కరించడాన్ని నిషేధిస్తుంది. ఇది ప్రతి వ్యక్తి యొక్క స్వేచ్ఛకు మరియు చట్టం ముందు రక్షణకు ప్రాథమిక హామీని ఇస్తుంది.
మీ ప్రాంతంలో ప్రజలు జరుపుకునే ఒక పండుగ గూర్చి మీ స్వంత వాక్యాలలో రాయండి' - అను ప్రశ్న ఈ కింది ఏ విద్యా ప్రమాణమును సాధించుటకు ఉద్దేశించచబడినది?
ప్రశంస, సున్నితత్వం.
పట నైపుణ్యాలు.
సమకాలీన అంశాలపై ప్రతిస్పందన, ప్రశ్నించుట.
వచనాన్ని చదవడం.
పండుగలను మరియు సంప్రదాయాలను గుర్తించి వాటి గురించి రాయడం ద్వారా విద్యార్థిలో సామాజిక ప్రశంస మరియు సున్నితత్వం పెరుగుతాయి. ఇది విద్యార్థులు సామాజిక వైవిధ్యాన్ని గౌరవించడానికి మరియు సంస్కృతి పట్ల సానుకూల దృక్పథాన్ని పెంచుకోవడానికి తోడ్పడే కీలకమైన విద్యా ప్రమాణం.
శివుడిని ఆరాధ్య దైవంగా భావించి నటరాజ విగ్రహం ముందు గాని లేదా శివాలయాలలో గాని సైనికులు యుద్ధానికి వెళ్ళే ముందు ఆవేశంతో ప్రదర్శించే నృత్యం ఏది?
డప్పు నృత్యం.
గుస్సాడి నృత్యం.
పేరిణి నృత్యం.
భరతనాట్యం.
కాకతీయుల కాలం నాటి పేరిణి శివతాండవం ఒక శక్తివంతమైన యుద్ధ నృత్యం. దీనిని సైనికులు యుద్ధానికి వెళ్లేముందు శివుడిని ఆరాధిస్తూ నటరాజ విగ్రహం ముందు గాని లేదా శివాలయాల్లో గాని ప్రదర్శించేవారు. ఇది సైనికులలో ధైర్యాన్ని, ఆవేశాన్ని నింపే విశిష్టమైన పురుష నృత్య రీతి. జయాప సేనాని రాసిన 'నృత్య రత్నావళి' ఆధారంగా పద్మశ్రీ నటరాజ రామకృష్ణ ఈ కళను పునరుద్ధరించారు.
ఏ భూపటాలు వివిధ పంటల విస్తరణను సూచిస్తాయి?
వెజిటేషన్ భూ పటాలు.
భౌతిక భూ పటాలు.
శీతోష్ణ భూ పటాలు.
ఎథ్నో గ్రాఫికల్ భూ పటాలు.
ఒక ప్రాంతంలోని పంటలు, అడవులు మరియు ఇతర వృక్ష సంపద విస్తరణను తెలిపే పటాలను వెజిటేషన్ భూపటాలు అంటారు. ఇవి వివిధ రంగులు లేదా చిహ్నాలను ఉపయోగించి ఏయే ప్రాంతాల్లో ఏ రకమైన పంటలు పండుతున్నాయో స్పష్టంగా సూచిస్తాయి.
ఏ పంటను ఆహారంగా మరియు పశువుల మేతగా ఉపయోగిస్తారు?
పప్పుధాన్యాలు.
చెరుకు.
నూనె గింజలు.
మొక్కజొన్న.
మొక్కజొన్న ఒకే సమయంలో ఆహార పంటగా మరియు పశుగ్రాసంగా ఉపయోగపడే అత్యంత ముఖ్యమైన పంట. ఇది ఒక ఖరీఫ్ పంట. దీనిని 'ధాన్యపు రాణి' (Queen of Cereals) అని కూడా పిలుస్తారు. భారతదేశంలో ముఖ్యంగా కర్ణాటక, మధ్యప్రదేశ్ మరియు తెలంగాణ వంటి రాష్ట్రాల్లో ఇది విస్తారంగా సాగు చేయబడుతోంది.
ఒక సాధారణ బిల్లును ఆమోదించడంలో పార్లమెంటు ఉభయ సభల మధ్య ఏవైనా తేడాలున్నట్లయితే, తుది నిర్ణయం ఎక్కడ తీసుకోబడుతుంది?
లోక్సభలో మాత్రమే.
రాజ్యసభలో మాత్రమే.
రాష్ట్రాల శాసన సభలలో.
పార్లమెంటు ఉమ్మడి సమావేశంలో.
సాధారణ బిల్లు విషయంలో ఉభయ సభల మధ్య ప్రతిష్టంభన ఏర్పడితే, ఆర్టికల్ 108 ప్రకారం రాష్ట్రపతి ఏర్పాటు చేసే ఉమ్మడి సమావేశంలో తుది నిర్ణయం తీసుకుంటారు. ఈ సమావేశంలో హాజరైన సభ్యుల మెజారిటీ ఓట్ల ఆధారంగా బిల్లు ఆమోదం పొందుతుంది. లోక్సభ స్పీకర్ దీనికి అధ్యక్షత వహిస్తారు, ఓట్లు సమానమైనప్పుడు మాత్రమే ఆయన తన 'నిర్ణాయక ఓటు' ను ఉపయోగిస్తారు.
సాంఘిక శాస్త్రం మరియు సామాజిక శాస్త్రాలకు సంబంధించి ఈ కింది వ్యాఖ్యలలో సరైనవి ఏవి?
A) మానవ సంబంధాలను గూర్చిన నూతన సత్యాలను కనుగొనుటయే సామాజిక శాస్త్రాల ఉద్దేశ్యము.
B) సాంఘిక శాస్త్రం సామాజిక శాస్త్రాలకంటే చాలా ఎక్కువ విశాలంగా ఉంటుంది.
C) సాంఘిక శాస్త్రం, సామాజిక శాస్త్రాలు రెండింటి దృష్టి అంతా మానవునికి తోటి మానవునితో, అతని పరిసరంతో సంబంధం మరియు అతని కనీస అవసరాలను ఎలా తీర్చుకుంటాడు అనేవాటిపై ఉంటుంది.
సరైన సమాధానాన్ని ఎంపిక చేయండి?
A, B & C.
A & B మాత్రమే.
A & C మాత్రమే.
B & C మాత్రమే.
మానవ సంబంధాలపై కొత్త విషయాలను పరిశోధించడం సామాజిక శాస్త్రాల పని అయితే, ఆ అంశాలను విద్యార్థుల కోసం సరళీకరించి బోధించడం సాంఘిక శాస్త్రం ఉద్దేశ్యం. సామాజిక శాస్త్రం పరిధి చాలా విశాలమైనది మరియు ఈ రెండు శాస్త్రాలు కూడా మానవుడు తన పరిసరాలతో, తోటి మనుషులతో కలిగి ఉండే సంబంధాలనే ప్రధానంగా అధ్యయనం చేస్తాయి.
కేంద్ర ప్రభుత్వం 2013 లో క్రిమినల్ న్యాయ సవరణ చట్టాన్ని ఆమోదించింది. దీనిని ఏ విధంగా కూడా పిలుస్తారు?
శారద చట్టం.
నిర్భయ చట్టం.
దిశ బిల్లు.
పోక్సో చట్టం.
2012 ఢిల్లీ సామూహిక అత్యాచార ఘటన తర్వాత జస్టిస్ జె.ఎస్. వర్మ కమిటీ సిఫార్సుల మేరకు ప్రభుత్వం 2013లో ఈ క్రిమినల్ న్యాయ సవరణ చట్టాన్ని ఆమోదించింది. దీనినే 'నిర్భయ చట్టం' అని పిలుస్తారు. మహిళలపై జరిగే అత్యాచారాలు, వేధింపులకు సంబంధించి శిక్షలను మరింత కఠినతరం చేస్తూ ఈ చట్టం ద్వారా భారత శిక్షాస్మృతి (IPC) లో మార్పులు చేశారు.
విద్యా హక్కు చట్టం (RTE) - 2009 లోని ఏ సెక్షన్ ప్రకారం నియమితుడైన ఒక ఉపాధ్యాయుడు ప్రతి పిల్లవాని అభ్యసన సామర్థ్యాన్ని మదింపు చేసి, దానికి అనుగుణంగా అతనికి అవసరమైన అదనపు బోధన చేస్తాడు?
Section-24(1)(a).
Section-24(1)(d).
Section-29(2)(a).
Section-29(2)(d).
RTE చట్టం-2009 లోని సెక్షన్ 24(1)(d) ప్రకారం, ఉపాధ్యాయుడు ప్రతి విద్యార్థి అభ్యసన సామర్థ్యాన్ని నిరంతరం మదింపు చేయాలి. విద్యార్థి వెనుకబడి ఉంటే, ఆ సామర్థ్యాలను సాధించడానికి అవసరమైన అదనపు బోధన అందించడం ఉపాధ్యాయుని బాధ్యత.
ఏ చట్టం ప్రకారం ‘వయోజన పురుష కార్మికులను రోజుకు 12 గంటలకు మించి పని చేయించకూడదు’?
ఫ్యాక్టరీ చట్టం, 1881.
ఫ్యాక్టరీ చట్టం, 1861.
ఫ్యాక్టరీ చట్టం, 1921.
ఫ్యాక్టరీ చట్టం, 1911.
బ్రిటిష్ పాలనలో 1911 ఫ్యాక్టరీ చట్టం మొదటిసారిగా వయోజన పురుష కార్మికుల పని గంటలను నియంత్రించింది. దీని ప్రకారం పురుషులు రోజుకు గరిష్టంగా 12 గంటలు మాత్రమే పని చేయాలని, అలాగే రాత్రి సమయాల్లో మహిళలు మరియు పిల్లలు పని చేయడాన్ని ఇది నిషేధించింది.
కాగితం ఉత్పత్తి యొక్క ఏ దశలో చిన్న చెక్క ముక్కలను ఫైబర్లైన్ విభాగానికి పంపుతారు?
గుజ్జును విస్తరించడం.
ముక్కలు చేయటం.
కలప గుజ్జు తయారీ చేయటం.
కటింగ్ చేయటం.
కాగితం తయారీలో కలప గుజ్జు తయారీ దశలో చిన్న చెక్క ముక్కలను పెద్ద పాత్రలలో రసాయనాలతో కలిపి ఉడికిస్తారు. ఈ ప్రక్రియలో భాగంగానే ముక్కలను ఫైబర్లైన్ విభాగానికి పంపి, సెల్యులోజ్ నారలను వేరు చేసి మెత్తటి గుజ్జుగా మారుస్తారు. ఇది కాగితం తయారీలో అత్యంత ముఖ్యమైన రసాయనిక ప్రక్రియ.
భారతదేశంలో ఏ స్వతంత్ర సంస్థ ప్రభుత్వం చేసే ఖర్చులను పర్యవేక్షిస్తుంది?
నీతి ఆయోగ్.
కంప్ట్రోలర్ అండ్ ఆడిటర్ జనరల్.
ఫైనాన్స్ కమిషన్.
అటార్నీ జనరల్.
భారత రాజ్యాంగంలోని ఆర్టికల్ 148 ప్రకారం కంప్ట్రోలర్ అండ్ ఆడిటర్ జనరల్ (CAG) ఒక స్వతంత్ర రాజ్యాంగబద్ధ సంస్థ. కేంద్ర, రాష్ట్ర ప్రభుత్వాల ఖర్చులను మరియు ఆదాయాలను తనిఖీ (Audit) చేసి ప్రజాధనం దుర్వినియోగం కాకుండా పర్యవేక్షించడం దీని ప్రధాన విధి. అందుకే CAGని 'ప్రజా ధన సంరక్షకుడు' (Guardian of the Public Purse) అని పిలుస్తారు.
‘ఆర్కైవ్స్ ఫర్ సోషల్ సైన్స్ అండ్ సోషల్ వెల్ఫేర్’ అను పత్రికకు అసోసియేట్ ఎడిటర్ గా పనిచేసిన సామాజిక శాస్త్రవేత్త ఎవరు?
కారల్ మార్క్స్.
క్రిస్టోఫర్ కోలంబస్.
కార్ల్ లూథర్.
మాక్స్ వెబర్.
జర్మన్ సామాజిక శాస్త్రవేత్త మాక్స్ వెబర్ 'ఆర్కైవ్స్ ఫర్ సోషల్ సైన్స్ అండ్ సోషల్ వెల్ఫేర్' పత్రికకు అసోసియేట్ ఎడిటర్గా పనిచేశారు. ఆధునిక సామాజిక శాస్త్ర పితామహులలో ఒకరిగా పేరుగాంచిన ఆయన ఈ పత్రిక ద్వారా సామాజిక శాస్త్ర పరిశోధనలకు మరియు సామాజిక విధానాల విశ్లేషణకు గొప్ప ప్రాచుర్యం కల్పించారు.
భారతదేశ ఆర్థిక సంవత్సరానికి సంబంధించి కింది వాటిలో ఏది సరైన వ్యవధి?
మార్చి 15 నుండి తదుపరి సంవత్సరం మార్చి 14 వరకు.
ఏప్రిల్ 1 నుండి తదుపరి సంవత్సరం మార్చి 1 వరకు.
ఏప్రిల్ 1 నుండి తదుపరి సంవత్సరం మార్చి 31 వరకు.
జనవరి 1 నుండి తదుపరి సంవత్సరం డిసెంబర్ 31 వరకు.
భారతదేశంలో ప్రభుత్వ ఆదాయ వ్యయాల లెక్కల కోసం ఏప్రిల్ 1 నుండి ప్రారంభమై, తదుపరి ఏడాది మార్చి 31 వరకు ఉన్న కాలాన్ని ఆర్థిక సంవత్సరం (Financial Year) అని అంటారు. కంపెనీల ఆదాయపు పన్ను రిటర్నులు, బడ్జెట్ కేటాయింపులు మరియు బ్యాంకింగ్ లావాదేవీలన్నీ ఈ కాలచక్రం ఆధారంగానే జరుగుతాయి.
భారత ఆర్థిక వ్యవస్థలోని ఏ రంగంలో మహిళా ఉద్యోగులు అధిక సంఖ్యలో పనిచేస్తున్నారు?
వ్యవసాయ రంగం.
పారిశ్రామిక రంగం.
సేవా రంగం.
చతుర్థ రంగం.
భారతదేశంలో అత్యధిక శాతం మహిళా కార్మికులు ఇప్పటికీ వ్యవసాయ రంగం (ప్రాథమిక రంగం) పైనే ఆధారపడి ఉపాధి పొందుతున్నారు. గ్రామీణ ప్రాంతాల్లో పురుషులు ఇతర పనుల కోసం పట్టణాలకు వలస వెళ్తుండటంతో, వ్యవసాయ పనుల్లో మహిళల భాగస్వామ్యం పెరిగింది. దీనినే 'వ్యవసాయం మహిళాకరణ' (Feminization of Agriculture) అని పిలుస్తారు.
ఏ అడవులు తక్కువ వర్షపాతం మరియు అధిక ఉష్ణోగ్రతలున్న పొడి ప్రాంతాలలో పెరుగుతాయి?
సతత హరిత అడవులు.
శృంగాకార అడవులు.
ముళ్ళతో కూడిన అడవులు.
ఆకురాల్చే అడవులు.
తక్కువ వర్షపాతం మరియు అధిక ఉష్ణోగ్రతలు ఉండే పొడి ప్రాంతాలలో ముళ్ళ అడవులు (Thorny Forests) పెరుగుతాయి. ఇక్కడి చెట్లు నీటిని ఆదా చేసుకోవడానికి వీలుగా చాలా చిన్న ఆకులు, ముళ్ళను కలిగి ఉంటాయి. ఉదాహరణకు: తుమ్మ, బల్సు, రేగు వంటివి ఈ అడవులలో పెరుగుతాయి.
వేసవి కాలం చివరి నాటికి ద్వీపకల్ప భారతదేశంలో మామిడి కాయలు త్వరగా పండడానికి మరియు ఇతర తోటలు పెరగడానికి ఏవి దోహద పడతాయి?
వ్యాపార పవనాలు.
తొలకరి జల్లులు.
ఈశాన్య రుతు పవనాలు.
పశ్చిమ విక్షోభాలు.
వీటిని కేరళలో 'మ్యాంగో షవర్స్', కర్ణాటకలో 'చెర్రీ బ్లాసమ్స్' (కాఫీ తోటల కోసం), మరియు మన తెలుగు రాష్ట్రాలలో 'తొలకరి జల్లులు' అని పిలుస్తారు. ఈ వర్షాలు వేసవి చివరలో కురిసి మామిడి కాయలు త్వరగా పక్వానికి రావడానికి మరియు కాఫీ తోటలు పూత పూయడానికి ఎంతో సహాయపడతాయి.
ఏ సందర్భంలో నీరు నేలలోకి ఇంకే అవకాశం ఎక్కువగా ఉంటుంది?
వర్షపు నీటి ప్రవాహాన్ని వృక్షసంపద లేదా కట్టల ద్వారా నియంత్రించినపుడు.
నదిలో ప్రవహించే నీరు ఎటువంటి అడ్డంకులు లేకుండా స్వేచ్ఛగా ప్రవహించడానికి అనుమతించినపుడు.
ఉపరితల శిల చాలా గట్టిగా ఉన్నప్పుడు.
అడవులలోీ చెట్లను నరికివేసి నీరు స్వేచ్ఛగా ప్రవహించే విధంగా చేసినప్పుడు.
వర్షపు నీరు వేగంగా ప్రవహించకుండా వృక్షసంపద (గడ్డి, చెట్లు) లేదా అడ్డుకట్టలు అడ్డుకున్నప్పుడు, ఆ నీరు నేల మీద ఎక్కువ సేపు నిలిచి ఉంటుంది. దీనివల్ల నీరు భూమిలోకి ఇంకడానికి తగినంత సమయం దొరికి, భూగర్భ జల మట్టం పెరుగుతుంది. దీనికి విరుద్ధంగా చెట్లు లేని ఖాళీ నేలలపై నీరు వేగంగా ప్రవహించి కొట్టుకుపోతుంది.
"సేవా సంస్థలను గౌరవించుట" మరియు "రామాయణ కథలను చదువుట" అను అంశాలు వరుసగా విద్యార్థులలో ఈ కింది ఏ విలువలను పెంపొందించుటకు దోహదపడుతాయి?
ప్రజాస్వామిక విలువ, సాంస్కృతిక విలువ.
సాంస్కృతిక విలువ, ప్రజాస్వామిక విలువ.
ప్రజాస్వామిక విలువ, ప్రజాస్వామిక విలువ.
సాంస్కృతిక విలువ, సాంస్కృతిక విలువ.
సేవా సంస్థలను గౌరవించడం సామాజిక బాధ్యతను, పౌర ధర్మాన్ని ప్రతిబింబించే ప్రజాస్వామిక విలువ. రామాయణ కథల ద్వారా మన దేశ గొప్ప వారసత్వాన్ని, సంప్రదాయాలను తెలుసుకోవడం సాంస్కృతిక విలువ కిందకు వస్తుంది.
అక్షాంశాలకు సంబంధించి కిందివాటిలో సరికాని స్టేట్మెంట్ను గుర్తించండి?
అక్షాంశం అనే పదం 'లాటిట్యూడో' అనే లాటిన్ పదం నుండి ఉద్భవించింది. దీని అర్థం పొడవు.
అక్షాంశ విలువలు 0° నుండి 90° ఉత్తరం మరియు 90° దక్షిణం వరకు ఉంటాయి.
ఉత్తరం వైపు ఉన్న అక్షాంశాన్ని 'N' తో మరియు దక్షిణం వైపు ఉన్న అక్షాంశాన్ని 'S' తో వాటి దిశలను సూచిస్తారు.
అన్ని అక్షాంశాలలో భూమధ్యరేఖ అతిపెద్దది.
అక్షాంశం (Latitude) అనే పదం 'లాటిట్యూడో' అనే లాటిన్ పదం నుండి వచ్చింది, కానీ దాని అర్థం వెడల్పు (Width) అని. రేఖాంశం (Longitude) అనే పదం 'లాంగిట్యూడో' అనే లాటిన్ పదం నుండి వచ్చింది, దానికి అర్థం 'పొడవు' (length). మిగిలిన మూడు స్టేట్మెంట్లు అక్షాంశాల గురించి సరైన సమాచారాన్నే ఇస్తున్నాయి.
1915లో మదన్ మోహన్ మాలవ్య ఏ లక్ష్యంతో హిందూ మహాసభను స్థాపించాడు?
హిందువులను ఏకం చేయడం మరియు ఇతర మతాలలోకి మారిన వారిని తిరిగి హిందూ మతంలోకి తీసుకు రావడం.
భారతదేశంలో మరియు భారతదేశం వెలుపల హిందూ మతాన్ని ప్రచారం చేయడం.
ముస్లిం లీగ్ మరియు ఇతర మతాల ప్రభావాన్ని ఎదుర్కోవడం.
హిందువుల మధ్య ఐక్యతను తీసుకురావడం మరియు హిందూ రాజ్య విముక్తి కోసం పోరాడటం.
1915లో పండిట్ మదన్ మోహన్ మాలవ్య నాయకత్వంలో హరిద్వార్లో హిందూ మహాసభ స్థాపించబడింది. హిందూ సమాజంలో ఐక్యతను పెంపొందించడం, కుల వివక్షను తగ్గించడం మరియు ఇతర మతాలలోకి మారిన హిందువులను శుద్ధి ఉద్యమం ద్వారా తిరిగి తమ మతంలోకి చేర్చుకోవడం ఈ సంస్థ యొక్క ప్రధాన ఆశయాలు.
ఈ ప్రాక్టీస్ టెస్ట్ YouTube లో కూడా అందుబాటులో ఉంది ▶️
