తెలంగాణ High Court మరియు జిల్లా కోర్టులలో ఆఫీస్ సబార్డినేట్ (Office Subordinate) మరియు ప్రాసెస్ సర్వర్ (Process Server) పోస్టుల కోసం ప్రిపేర్ అవుతున్న అభ్యర్థుల కోసం ఈ Model Paper (Mock Test) 6 ని ప్రత్యేకంగా రూపొందించాము. 2026 Telangana High Court and District Court నోటిఫికేషన్ మరియు లేటెస్ట్ సిలబస్ ఆధారంగా ఈ ప్రశ్నపత్రం ఉపొందించబడింది.
ఈ Model Paper 6 లో 45 GK (General Knowledge) questions తో పాటుగా వివరణాత్మకమయిన explanations ని కూడా ప్రతి ప్రశ్నకు ఇవ్వడం జరిగింది. Free గా Practice చేసుకోవచ్చును.
📢 ముఖ్యమైన సూచనలు:
📝 మొత్తం ప్రశ్నలు: 45 (జనరల్ నాలెడ్జ్).
⏱️ సమయం: 60 నిమిషాలు.
🎯 మార్కులు: ప్రతి సరైన సమాధానానికి 1 మార్కు.
🚫 నెగటివ్ మార్కింగ్: లేదు (No Negative Marking).
📑 పరీక్షా విధానం:
1️⃣ ప్రతి ప్రశ్నను జాగ్రత్తగా చదవండి.
2️⃣ 4 ఆప్షన్స్లో మీ సమాధానాన్ని ఎంచుకోండి.
3️⃣ సరైన సమాధానం మరియు వివరణలను పరిశీలించండి.
4️⃣ పరీక్ష పూర్తయిన తర్వాత మీ స్కోరు మరియు విశ్లేషణను చూడవచ్చును.
'తెలంగాణ నయాగరా' అని ఏ జలపాతాన్ని పిలుస్తారు?
కుంటాల జలపాతం.
పొచ్చెర జలపాతం.
బోగత జలపాతం.
గాయత్రి జలపాతం.
ములుగు జిల్లా వాజేడు మండలంలో ఉన్న బోగత జలపాతం అత్యంత వెడల్పైన ప్రవాహంతో అమెరికాలోని నయాగరా జలపాతాన్ని పోలి ఉండటం వల్ల దీనిని 'తెలంగాణ నయాగరా' అని పిలుస్తారు. కుంటాల జలపాతం తెలంగాణలో అత్యంత ఎత్తైనది కాగా, బోగత జలపాతం రెండో అతిపెద్ద జలపాతంగా పేరుగాంచింది.
ఐక్యరాజ్యసమితి (UN) మొదటి సెక్రటరీ జనరల్ ఎవరు?
ట్రిగ్వే లీ.
కుర్ట్ వాల్డ్హీమ్.
యు థాంట్.
కోఫీ అన్నన్.
నార్వే దేశానికి చెందిన ట్రిగ్వే లీ (Trygve Lie) ఐక్యరాజ్యసమితి యొక్క మొదటి సెక్రటరీ జనరల్ గా 1946 నుండి 1952 వరకు పనిచేశారు. ఐక్యరాజ్యసమితి చరిత్రలో తన పదవికి రాజీనామా చేసిన మొదటి సెక్రటరీ జనరల్ కూడా ఆయనే. యు థాంట్ ఆసియా ఖండం నుండి ఎన్నికైన మొదటి వ్యక్తి కాగా, ప్రస్తుతం ఆంటోనియో గుటెర్రెస్ (పోర్చుగల్) ఈ పదవిలో కొనసాగుతున్నారు.
'ఆనందమఠ్' నవల రచయిత ఎవరు?
రవీంద్రనాథ్ ఠాగూర్.
అరవిందో ఘోష్.
సురేంద్రనాథ్ బెనర్జీ.
బంకించంద్ర ఛటర్జీ.
1882లో ప్రచురితమైన ప్రసిద్ధ బెంగాలీ నవల 'ఆనందమఠ్'ను బంకించంద్ర ఛటర్జీ (బంకించంద్ర చటోపాధ్యాయ) రచించారు. ఇది 18వ శతాబ్దపు చివరలో జరిగిన 'సన్యాసి తిరుగుబాటు' నేపథ్యంతో సాగుతుంది. మన జాతీయ గేయం 'వందేమాతరం' ఈ నవల నుండే తీసుకోబడింది.
పదవిలో ఉండగా మరణించిన తొలి భారత ఉపరాష్ట్రపతి ఎవరు?
డా. జాకీర్ హుస్సేన్.
వి.వి. గిరి.
కృష్ణకాంత్.
బి.డి. జెట్టి.
భారత 10వ ఉపరాష్ట్రపతిగా పనిచేసిన కృష్ణకాంత్ పదవిలో ఉండగానే మరణించిన తొలి మరియు ఏకైక ఉపరాష్ట్రపతి. ఆయన 2002లో తన పదవీకాలం ముగియడానికి కొన్ని రోజుల ముందే మరణించారు. అయితే జాకీర్ హుస్సేన్ పదవిలో ఉండగా మరణించిన తొలి రాష్ట్రపతి.
'అజంతా మరియు ఎల్లోరా' గుహలు ఏ రాష్ట్రంలో ఉన్నాయి?
మధ్యప్రదేశ్.
మహారాష్ట్ర.
కర్ణాటక.
రాజస్థాన్.
అజంతా మరియు ఎల్లోరా గుహలు మహారాష్ట్రలోని ఔరంగాబాద్ (ప్రస్తుత ఛత్రపతి శంభాజీనగర్) జిల్లాలో ఉన్నాయి. అజంతా గుహలు ప్రధానంగా బౌద్ధ మతానికి సంబంధించినవి కాగా, ఎల్లోరా గుహలు హిందూ, బౌద్ధ మరియు జైన మతాల సంగమంగా ప్రసిద్ధి చెందాయి. ఇవి యునెస్కో ప్రపంచ వారసత్వ సంపదగా గుర్తించబడ్డాయి.
ప్రపంచంలోనే అతిపెద్ద క్రికెట్ స్టేడియం ఏది?
నరేంద్ర మోదీ స్టేడియం.
మెల్బోర్న్ క్రికెట్ గ్రౌండ్.
ఈడెన్ గార్డెన్స్.
లార్డ్స్ స్టేడియం.
గుజరాత్లోని అహ్మదాబాద్లో ఉన్న నరేంద్ర మోదీ స్టేడియం సుమారు 1,32,000 మంది ప్రేక్షకుల సామర్థ్యంతో ప్రపంచంలోనే అతిపెద్ద క్రికెట్ స్టేడియంగా రికార్డు సృష్టించింది. దీనిని గతంలో 'మొతేరా స్టేడియం' అని పిలిచేవారు. ప్రపంచంలో రెండవ అతిపెద్ద స్టేడియం ఆస్ట్రేలియాలోని మెల్బోర్న్ క్రికెట్ గ్రౌండ్ కాగా, ఇండియాలో రెండవ అతిపెద్దది కోల్కతాలోని ఈడెన్ గార్డెన్స్.
"తెలంగాణ టైగర్" అని ఎవరిని పిలుస్తారు?
కొండా లక్ష్మణ్ బాపూజీ.
కుమురం భీమ్.
రాంజీ గోండ్.
నల్లా నరసింహులు.
తెలంగాణ సాయుధ పోరాటంలో నిజాం రజాకార్లకు వ్యతిరేకంగా పోరాడిన నల్లా నరసింహులు గారిని ఆయన ధైర్యసాహసాలకు గుర్తుగా 'తెలంగాణ టైగర్' అని పిలుస్తారు. ఈయన జనగామ జిల్లా కడవెండి గ్రామానికి చెందినవారు.
శాసనాల గురించి అధ్యయనం చేసే శాస్త్రాన్ని ఏమంటారు?
పాలియోగ్రఫీ.
న్యూమిస్మాటిక్స్.
ఆర్కియాలజీ.
ఎపిగ్రఫీ.
శాసనాల గురించి అధ్యయనం చేసే శాస్త్రాన్ని ఎపిగ్రఫీ (Epigraphy) అంటారు. ప్రాచీన కాలంలో రాజులు వేయించిన శిలా శాసనాలు, రాగి రేకులపై ఉన్న అక్షరాలను విశ్లేషించి చరిత్రను తెలుసుకోవడానికి ఇది ఉపయోగపడుతుంది.
భారతదేశంలో ప్రస్తుతం ఎన్ని రాష్ట్రాలు ఉన్నాయి?
27.
28.
29.
30.
భారతదేశంలో ప్రస్తుతం 28 రాష్ట్రాలు మరియు 8 కేంద్రపాలిత ప్రాంతాలు ఉన్నాయి. 2014లో తెలంగాణ 29వ రాష్ట్రంగా ఏర్పడినప్పటికీ, 2019లో జమ్మూ కాశ్మీర్ రాష్ట్రాన్ని రెండు కేంద్రపాలిత ప్రాంతాలుగా (జమ్మూ కాశ్మీర్ మరియు లడఖ్) విభజించడంతో రాష్ట్రాల సంఖ్య తిరిగి 28కి తగ్గింది.
'స్టాచ్యూ ఆఫ్ యూనిటీ' ఏ రాష్ట్రంలో ఉంది?
రాజస్థాన్.
గుజరాత్.
మహారాష్ట్ర.
మధ్యప్రదేశ్.
'స్టాచ్యూ ఆఫ్ యూనిటీ'ని భారత ఉక్కు మనిషి సర్దార్ వల్లభాయ్ పటేల్ గౌరవార్థం గుజరాత్లోని నర్మదా నది తీరాన నిర్మించారు. 182 మీటర్ల (597 అడుగులు) ఎత్తుతో ఇది ప్రపంచంలోనే అతిపెద్ద విగ్రహంగా రికార్డు సృష్టించింది. దీనిని ప్రముఖ శిల్పి రామ్ వి. సుతార్ రూపొందించగా, 2018 అక్టోబర్ 31న పటేల్ జయంతి సందర్భంగా ప్రారంభించారు.
భారతదేశంలో ప్రసిద్ధ 'సూర్య దేవాలయం' ఎక్కడ ఉంది?
మధురై (తమిళనాడు).
హంపి (కర్ణాటక).
ఖజురహో (మధ్యప్రదేశ్).
కోణార్క్ (ఒడిశా).
ఒడిశాలోని పూరీ సమీపంలో ఉన్న కోణార్క్ సూర్య దేవాలయం ప్రపంచ ప్రసిద్ధి గాంచింది. దీనిని 13వ శతాబ్దంలో తూర్పు గంగ వంశానికి చెందిన మొదటి నరసింహదేవుడు నిర్మించారు. ఈ ఆలయం ఒక భారీ రథం ఆకారంలో, 12 జతల చక్రాలు మరియు 7 గుర్రాలతో అద్భుతంగా చెక్కబడింది. దీనిని 'బ్లాక్ పగోడా' అని కూడా పిలుస్తారు మరియు ఇది యునెస్కో ప్రపంచ వారసత్వ సంపదగా గుర్తింపు పొందింది.
రాజ్యసభ సభ్యుని పదవీ కాలం ఎంత?
3 సంవత్సరాలు.
4 సంవత్సరాలు.
5 సంవత్సరాలు.
6 సంవత్సరాలు.
రాజ్యసభ సభ్యుని పదవీ కాలం 6 సంవత్సరాలు. రాజ్యసభ ఒక శాశ్వత సభ, ఇది ఎప్పటికీ రద్దు కాదు. కానీ ప్రతి రెండు సంవత్సరాలకు ఒకసారి 1/3 వంతు సభ్యులు పదవీ విరమణ చేస్తారు మరియు వారి స్థానంలో కొత్త సభ్యులు ఎన్నికవుతారు.
తెలంగాణలో అతి తక్కువ విస్తీర్ణం కలిగిన జిల్లా ఏది?
మేడ్చల్ మల్కాజిగిరి.
హన్మకొండ.
హైదరాబాద్.
వరంగల్.
తెలంగాణలోని 33 జిల్లాలలో హైదరాబాద్ అతి తక్కువ వైశాల్యం (217 చ.కి.మీ) కలిగిన జిల్లా. విస్తీర్ణంలో ఇది చిన్నదైనప్పటికీ, జనాభా పరంగా రాష్ట్రంలోనే అతిపెద్ద జిల్లా. అయితే భద్రాద్రి కొత్తగూడెం జిల్లా రాష్ట్రంలోనే అత్యధిక విస్తీర్ణం కలిగిన జిల్లాగా ఉంది.
'సత్రియా' ఏ రాష్ట్రానికి చెందిన శాస్త్రీయ నృత్యం?
మణిపూర్.
అస్సాం.
ఒడిశా.
పశ్చిమ బెంగాల్.
సత్రియా నృత్యం అస్సాం రాష్ట్రానికి చెందిన ప్రాచీన శాస్త్రీయ నృత్యం. దీనిని 15వ శతాబ్దంలో గొప్ప వైష్ణవ సంస్కర్త మరియు సెయింట్ శ్రీమంత శంకరదేవ రూపొందించారు. 2000 సంవత్సరంలో సంగీత నాటక అకాడమీ దీనికి శాస్త్రీయ నృత్య హోదాను కల్పించింది.
ఎక్స్-రే (X-ray) ను కనుగొన్నది ఎవరు?
ఐన్స్టీన్.
డబ్ల్యూ.సి. రాంట్జెన్.
థామస్ అల్వా ఎడిసన్.
మేరీ క్యూరీ.
ఎక్స్-రేలను 1895లో జర్మన్ భౌతిక శాస్త్రవేత్త డబ్ల్యూ.సి. రాంట్జెన్ కనుగొన్నారు. ఈ అద్భుతమైన ఆవిష్కరణకు గాను ఆయనకు 1901లో భౌతికశాస్త్రంలో మొట్టమొదటి నోబెల్ బహుమతి లభించింది.
భారత రాజ్యాంగ రచనకు పట్టిన మొత్తం సమయం ఎంత?
3 సం. 10 నెలల 15 రోజులు.
2 సం. 11 నెలల 18 రోజులు.
2 సం. 8 నెలల 20 రోజులు.
3 సం. 5 నెలల 12 రోజులు.
ప్రపంచంలోనే అతిపెద్ద లిఖిత రాజ్యాంగమైన భారత రాజ్యాంగం రూపొందించడానికి 2 సంవత్సరాల, 11 నెలల, 18 రోజుల సమయం పట్టింది. దీనిని రూపొందించడానికి అయిన మొత్తం ఖర్చు సుమారు ₹64 లక్షలు. 1946 డిసెంబర్ 9న రాజ్యాంగ పరిషత్ మొదటి సమావేశం జరగ్గా, 1949 నవంబర్ 26న రాజ్యాంగం ఆమోదించబడింది. ఈ కాలంలో రాజ్యాంగ పరిషత్ మొత్తం 11 సమావేశాలు నిర్వహించింది.
భారతదేశ మొదటి ప్రధాన ఎన్నికల కమిషనర్ ఎవరు?
సుకుమార్ సేన్.
కె.వి.కె. సుందరం.
టి.ఎన్. శేషన్.
సునీల్ అరోరా.
భారతదేశపు మొట్టమొదటి ప్రధాన ఎన్నికల కమిషనర్గా సుకుమార్ సేన్ (1950-1958) పనిచేశారు. ఆయన ఆధ్వర్యంలో స్వతంత్ర భారతదేశపు మొదటి రెండు సార్వత్రిక ఎన్నికలు (1951-52 మరియు 1957) విజయవంతంగా నిర్వహించబడ్డాయి. ప్రస్తుతం జ్ఞానేష్ కుమార్ భారతదేశ 26వ ప్రధాన ఎన్నికల కమిషనర్గా ఫిబ్రవరి 2025 నుండి బాధ్యతలు నిర్వహిస్తున్నారు.
'దేవధర్ ట్రోఫీ' ఏ క్రీడకు సంబంధించింది?
హాకీ.
క్రికెట్.
ఫుట్బాల్.
బాస్కెట్బాల్.
దేవధర్ ట్రోఫీ భారతదేశంలోని ఒక ప్రముఖ దేశవాళీ లిస్ట్-A క్రికెట్ టోర్నమెంట్. దీనిని 1973-74లో 'గ్రాండ్ ఓల్డ్ మ్యాన్ ఆఫ్ ఇండియన్ క్రికెట్' గా పిలవబడే ప్రొఫెసర్ డి.బి. దేవధర్ పేరు మీద ప్రారంభించారు.
భారతదేశంలో హైకోర్టులను ఏర్పాటు చేసే అధికారం ఎవరికి ఉంటుంది?
రాష్ట్రపతి.
పార్లమెంటు.
సుప్రీంకోర్టు.
గవర్నర్.
భారత రాజ్యాంగంలోని ఆర్టికల్ 231 ప్రకారం, రెండు లేదా అంతకంటే ఎక్కువ రాష్ట్రాలకు కలిపి ఒకే ఉమ్మడి హైకోర్టును ఏర్పాటు చేసే అధికారం లేదా కొత్తగా ఒక రాష్ట్రానికి హైకోర్టును ఏర్పాటు చేసే అధికారం కేవలం పార్లమెంటుకు మాత్రమే ఉంటుంది. రాష్ట్రపతి హైకోర్టు న్యాయమూర్తులను నియమిస్తారు తప్ప, హైకోర్టులను ఏర్పాటు చేయలేరు. ప్రస్తుతం భారతదేశంలో మొత్తం 25 హైకోర్టులు ఉన్నాయి.
జ్ఞానీ జైల్ సింగ్ సమాధి పేరు ఏమిటి?
కర్మ భూమి.
వీర్ భూమి.
ఏక్తా స్థల్.
శాంతి వనం.
భారత 7వ రాష్ట్రపతి మరియు మొదటి సిక్కు రాష్ట్రపతి అయిన జ్ఞానీ జైల్ సింగ్ సమాధిని 'ఏక్తా స్థల్' అని పిలుస్తారు. ఇది న్యూఢిల్లీలో ఉంది. ఏక్తా స్థల్ అంటే 'ఐక్యతకు నిలయం' అని అర్థం. మిగతా వాటిలో వీర్ భూమి (రాజీవ్ గాంధీ); కర్మ భూమి (శంకర్ దయాళ్ శర్మ); శాంతి వనం (జవహర్లాల్ నెహ్రూ) గార్ల సమాధులు.
తెలంగాణలోని ఏ గిరిజన తెగ 'పెర్సాపెన్' అనే దేవతను పూజిస్తారు?
కోయలు.
చెంచులు.
గోండులు.
నాయకపోడు.
తెలంగాణలోని ప్రధాన గిరిజన తెగ అయిన గోండులు 'పెర్సాపెన్' (Persa Pen) అనే దేవతను తమ అత్యున్నత దైవంగా భావించి పూజిస్తారు. గోండి భాషలో 'పెర్సా' అంటే పెద్ద, 'పెన్' అంటే దేవుడు అని అర్థం. వీరు ప్రతి సంవత్సరం నిర్వహించే 'కేస్లాపూర్ నాగోబా జాతర' మరియు ఇతర పండుగలలో ఈ దేవతకు ప్రత్యేక పూజలు చేస్తారు.
ఉస్తాద్ అల్లా రఖా ఖాన్ ఏ సంగీత వాయిద్యంలో సుప్రసిద్ధ విద్వాంసుడు?
సితార్.
తబలా.
సంతూర్.
షెహనాయి.
ఉస్తాద్ అల్లా రఖా ఖాన్ ప్రపంచ ప్రఖ్యాతి గాంచిన తబలా విద్వాంసుడు. ఆయన మరో ప్రసిద్ధ తబలా కళాకారుడు జాకీర్ హుస్సేన్ గారి తండ్రి. ఆయన పండిట్ రవిశంకర్ వంటి గొప్ప కళాకారులతో కలిసి అనేక అంతర్జాతీయ ప్రదర్శనలు ఇచ్చి తబలా వాయిద్యానికి ప్రపంచవ్యాప్త గుర్తింపు తెచ్చారు.
పుస్తకాలు అంటే భయాన్ని ఏమంటారు?
గ్రాఫోఫోబియా.
బిబ్లియోఫోబియా.
థలాసోఫోబియా.
జినోఫోబియా.
పుస్తకాలు లేదా చదవడం పట్ల కలిగే విపరీతమైన భయాన్ని బిబ్లియోఫోబియా అని పిలుస్తారు. గ్రీకు భాషలో 'బిబ్లియన్' అంటే పుస్తకం అని అర్థం. మిగిలిన ఆప్షన్లలో గ్రాఫోఫోబియా అంటే రాయడం అంటే భయం; థలాసోఫోబియా అంటే సముద్రం లేదా లోతైన నీటిని చూస్తే కలిగే భయం; జినోఫోబియా అంటే అపరిచితులు లేదా విదేశీయుల పట్ల కలిగే భయం.
"దేశ్ బచావో - దేశ్ బనావో" అనేది ఎవరి నినాదం?
ఇందిరా గాంధీ.
అటల్ బిహారీ వాజ్పేయి.
పి.వి. నరసింహారావు.
జవహర్లాల్ నెహ్రూ.
భారత మాజీ ప్రధాని మరియు భారత ఆర్థిక సంస్కరణల పితామహుడుగా పేరుగాంచిన పి.వి. నరసింహారావు గారు 1990వ దశకంలో ఆర్థిక సంస్కరణల సమయంలో "దేశ్ బచావో - దేశ్ బనావో" (దేశాన్ని కాపాడండి - దేశాన్ని నిర్మించండి) అనే నినాదాన్ని ఇచ్చారు. ఆయనకు 2024లో మరణానంతరం 'భారతరత్న' పురస్కారం లభించింది.
భారతదేశంలో అతిపెద్ద జాతీయ పార్కు ఏది?
హేమిస్ నేషనల్ పార్క్.
నామ్దఫా నేషనల్ పార్క్.
డెసర్ట్ నేషనల్ పార్క్.
గంగోత్రి నేషనల్ పార్క్.
లడఖ్ కేంద్రపాలిత ప్రాంతంలో ఉన్న హేమిస్ నేషనల్ పార్క్ సుమారు 4,400 చదరపు కిలోమీటర్ల విస్తీర్ణంతో భారతదేశంలోనే అతిపెద్ద జాతీయ పార్కుగా గుర్తింపు పొందింది. ఇది సముద్ర మట్టానికి అత్యంత ఎత్తులో ఉంది మరియు అంతరించిపోతున్న మంచు చిరుతల (Snow Leopards) సంరక్షణకు ప్రపంచవ్యాప్తంగా ప్రసిద్ధి చెందింది.
అయోడిన్ లోపం వల్ల వచ్చే వ్యాధి ఏది?
గాయిటర్.
రక్తహీనత.
డయాబెటిస్.
రికెట్స్.
మన శరీరంలో అయోడిన్ లోపం ఏర్పడినప్పుడు థైరాయిడ్ గ్రంథి వాపునకు గురవుతుంది. ఈ పరిస్థితినే 'గాయిటర్' వ్యాధి అని పిలుస్తారు. దీనివల్ల మెడ భాగం వాపుగా కనిపిస్తుంది. ఆహారంలో అయోడిన్ కలిగిన ఉప్పును తీసుకోవడం ద్వారా ఈ వ్యాధిని నివారించవచ్చు.
ఒక రాష్ట్ర గవర్నర్ కావడానికి ఉండవలసిన కనీస వయస్సు ఎంత?
35 ఏళ్లు.
30 ఏళ్లు.
25 ఏళ్లు.
40 ఏళ్లు.
భారత రాజ్యాంగంలోని ఆర్టికల్ 157 ప్రకారం, ఒక వ్యక్తి రాష్ట్ర గవర్నర్గా నియమించబడటానికి కనీసం 35 ఏళ్ల వయస్సు నిండి ఉండాలి. దీనితో పాటు ఆయన భారత పౌరుడై ఉండాలి. రాష్ట్రపతి మరియు ఉపరాష్ట్రపతి పదవులకు కూడా ఇదే కనీస వయస్సు పరిమితి వర్తిస్తుంది.
‘బెంగాల్ దుఃఖదాయని’ అని ఏ నదిని పిలుస్తారు?
కోసి నది.
గండక్ నది.
దామోదర్ నది.
హుగ్లీ నది.
పశ్చిమ బెంగాల్లో తరచుగా వచ్చే వరదలతో అపార నష్టాన్ని కలిగించేది కాబట్టి దామోదర్ నదిని 'బెంగాల్ దుఃఖదాయని' అని పిలుస్తారు. అదేవిధంగా, బీహార్లో వరదలకు కారణమయ్యే కోసి నదిని 'బీహార్ దుఃఖదాయని' అని పిలుస్తారు.
జాతీయ క్రీడా దినోత్సవం ఎవరి జన్మదినం సందర్భంగా జరుపుకుంటారు?
సచిన్ టెండూల్కర్.
మేజర్ ధ్యాన్ చంద్.
మిల్కా సింగ్.
కపిల్ దేవ్.
భారత హాకీ మాంత్రికుడు (Hockey Wizard) గా పిలవబడే మేజర్ ధ్యాన్ చంద్ జన్మదినమైన ఆగస్టు 29న ప్రతి సంవత్సరం 'జాతీయ క్రీడా దినోత్సవం' జరుపుకుంటారు. ఆయన గౌరవార్థం దేశ అత్యున్నత క్రీడా పురస్కారమైన 'రాజీవ్ గాంధీ ఖేల్ రత్న' పేరును ప్రభుత్వం 2021లో 'మేజర్ ధ్యాన్ చంద్ ఖేల్ రత్న'గా మార్చింది.
అయోధ్య నగరం ఏ నది ఒడ్డున ఉంది?
సరయూ.
గంగ.
యమున.
గోమతి.
ఉత్తరప్రదేశ్ లోని అయోధ్య నగరం సరయూ నది ఒడ్డున ఉంది. పురాణాల ప్రకారం ఇది శ్రీరాముడి జన్మస్థలం. మిగతా వాటిలో, వారణాసి మరియు హరిద్వార్ వంటి పుణ్యక్షేత్రాలు గంగ నది ఒడ్డున, ఆగ్రా మరియు ఢిల్లీ నగరాలు యమున నది ఒడ్డున, మరియు ఉత్తరప్రదేశ్ రాజధాని లక్నో గోమతి నది ఒడ్డున ఉన్నాయి.
లోక్సభ మొదటి స్పీకర్ ఎవరు?
ఎం.ఎ. అయ్యంగార్.
హుకుం సింగ్.
జి.వి. మౌలాంకర్.
నీలం సంజీవరెడ్డి.
భారతదేశ మొదటి లోక్సభ స్పీకర్గా గణేష్ వాసుదేవ్ మౌలాంకర్ 1952 నుండి 1956 వరకు పనిచేశారు. ఆయనను లోక్సభ పితామహుడు (Father of the Lok Sabha) అని కూడా పిలుస్తారు. ఆయన తర్వాత ఎం.ఎ. అయ్యంగార్ రెండో స్పీకర్గా బాధ్యతలు చేపట్టారు.
ఇంగ్లీష్ ఛానెల్ను ఈదిన మొదటి భారతీయ మహిళ ఎవరు?
బులా చౌదరి.
షికా టాండన్.
శివాని కటారియా.
ఆరతి సాహా.
1959లో ఆరతి సాహా ఇంగ్లీష్ ఛానెల్ను ఈదిన మొదటి భారతీయ మరియు ఆసియా మహిళగా రికార్డు సృష్టించారు. ఆమె సాధించిన ఈ విజయానికి గుర్తింపుగా 1960లో భారత ప్రభుత్వం ఆమెను 'పద్మశ్రీ' అవార్డుతో సత్కరించింది. పద్మశ్రీ పొందిన మొదటి భారతీయ మహిళా క్రీడాకారిణి కూడా ఆమే.
సూర్యరశ్మి ద్వారా మనకు లభించే విటమిన్ ఏది?
విటమిన్ A.
విటమిన్ B.
విటమిన్ C.
విటమిన్ D.
సూర్యరశ్మి మన చర్మంపై పడినప్పుడు మన శరీరం సహజంగా విటమిన్ Dని తయారు చేసుకుంటుంది. అందుకే దీనిని 'సన్షైన్ విటమిన్' అని కూడా పిలుస్తారు. ఇది శరీరంలో కాల్షియం గ్రహించడానికి మరియు ఎముకల దృఢత్వానికి ఎంతో అవసరం. దీని లోపం వల్ల చిన్నపిల్లల్లో 'రికెట్స్' అనే వ్యాధి వచ్చే అవకాశం ఉంది.
"బండెనక బండి కట్టి, పదహారు బండ్లు కట్టి …." పాట రచయిత ఎవరు?
సుద్దాల హనుమంతు.
దాశరథి కృష్ణమాచార్య.
బండి యాదగిరి.
గద్దర్.
తెలంగాణ సాయుధ పోరాట కాలంలో నిజాం అరాచకాలకు, భూస్వామ్య వ్యవస్థకు వ్యతిరేకంగా బండి యాదగిరి ఈ ప్రసిద్ధ పాటను రచించారు. ఈ పాట విస్నూరు దేశ్ముఖ్ ఆగడాలను నిరసిస్తూ సాగుతుంది. తదనంతర కాలంలో ఈ పాటను మొదటిసారి 'మా భూమి' చిత్రంలో వాడటంతో మరింత ప్రాచుర్యం పొందింది.
'సిటీ ఆఫ్ నవాబ్స్' (నవాబుల నగరం) అని ఏ నగరాన్ని పిలుస్తారు?
హైదరాబాద్.
జునాగఢ్.
రాంపూర్.
లక్నో.
ఉత్తరప్రదేశ్ రాజధాని అయిన లక్నో నగరాన్ని 'సిటీ ఆఫ్ నవాబ్స్' (నవాబుల నగరం) అని పిలుస్తారు. 18, 19 శతాబ్దాలలో అవధ్ నవాబుల పాలనలో, వారి సంస్కృతి, కళలు, వాస్తుశిల్పం మరియు ఆతిథ్యం కారణంగా ఈ నగరానికి ఆ పేరు వచ్చింది. హైదరాబాద్ నగరాన్ని 'ముత్యాల నగరం' (City of Pearls) అని పిలుస్తారు.
పాలలో ఉండే స్వచ్ఛతను కొలవడానికి దేనిని ఉపయోగిస్తారు?
బారోమీటర్.
ఆల్టీమీటర్.
లాక్టోమీటర్.
హైడ్రోమీటర్.
పాల యొక్క సాంద్రతను మరియు పాలలోని స్వచ్ఛతను కొలవడానికి లాక్టోమీటర్ అనే పరికరాన్ని ఉపయోగిస్తారు. ఇది పాలలోని నీటి శాతాన్ని గుర్తించడానికి సహాయపడుతుంది.
తెలంగాణ రాష్ట్ర పుష్పం ఏది?
తామర పువ్వు.
గులాబీ పువ్వు.
మల్లె పువ్వు.
తంగేడు పువ్వు.
తెలంగాణ ప్రభుత్వం తంగేడు పువ్వును రాష్ట్ర పుష్పంగా ప్రకటించింది. బతుకమ్మ పండుగలో ఈ పువ్వుకు అత్యంత ప్రాముఖ్యత ఉంది. భారత జాతీయ పుష్పం తామర కాగా, ఆంధ్రప్రదేశ్ రాష్ట్ర పుష్పం మల్లె పువ్వు.
నిజాం సాగర్ ప్రాజెక్ట్ ఏ నదిపై ఉంది?
గోదావరి.
మూసి.
ప్రాణహిత.
మంజీరా.
నిజాం సాగర్ ప్రాజెక్ట్ తెలంగాణలోని కామారెడ్డి జిల్లా అచ్చంపేట సమీపంలో గోదావరి నదికి ఉపనది అయిన మంజీరా నదిపై నిర్మించబడింది. దీనిని 1923లో అప్పటి హైదరాబాద్ నిజాం మీర్ ఉస్మాన్ అలీ ఖాన్ కాలంలో నిర్మించారు. ఇది తెలంగాణలోని పురాతన ఆనకట్టలలో ఒకటి.
జాతీయ సైన్స్ దినోత్సవాన్ని ఏ రోజున జరుపుకుంటారు?
ఫిబ్రవరి 24.
మార్చి 14.
జనవరి 25.
ఫిబ్రవరి 28.
ప్రముఖ భారతీయ శాస్త్రవేత్త సర్ సి.వి. రామన్ 1928 ఫిబ్రవరి 28న 'రామన్ ఎఫెక్ట్'ను కనుగొన్నందుకు గుర్తుగా ప్రతి సంవత్సరం ఈ రోజును జాతీయ సైన్స్ దినోత్సవంగా జరుపుకుంటారు. ఈ ఆవిష్కరణకు గాను ఆయనకు 1930లో భౌతిక శాస్త్రంలో ప్రతిష్టాత్మకమైన నోబెల్ బహుమతి లభించింది.
మొదటి ఆసియా క్రీడలు ఎక్కడ జరిగాయి?
టోక్యో (జపాన్).
బీజింగ్ (చైనా).
న్యూఢిల్లీ (భారత్).
బ్యాంకాక్ (థాయ్లాండ్).
మొదటి ఆసియా క్రీడలు 1951లో భారతదేశంలోని న్యూఢిల్లీలో జరిగాయి. వీటిని అధికారికంగా అప్పటి భారత రాష్ట్రపతి డా. రాజేంద్ర ప్రసాద్ ప్రారంభించారు. ఈ క్రీడల నిర్వహణలో కీలక పాత్ర పోషించిన గురు దత్ సోంధీని 'ఆసియా క్రీడల పితామహుడు' అని పిలుస్తారు. భారతదేశం ఇప్పటివరకు రెండుసార్లు (1951 మరియు 1982) ఆసియా క్రీడలకు ఆతిథ్యం ఇచ్చింది.
ప్రసిద్ధ 'బైశాఖి' పండుగ ఏ రాష్ట్రానికి సంబంధించింది?
పంజాబ్.
హిమాచల్ ప్రదేశ్.
గుజరాత్.
ఉత్తరాఖండ్.
బైశాఖి పంజాబ్ రాష్ట్రంలో అత్యంత ఘనంగా జరుపుకునే పంట కోతల పండుగ. ఇది సిక్కుల నూతన సంవత్సరంగా మరియు సిక్కు గురువు గురు గోవింద్ సింగ్ 'ఖల్సా పంత్'ను స్థాపించిన రోజుగా ప్రత్యేక ప్రాముఖ్యత కలిగి ఉంది. సాధారణంగా ఇది ప్రతి సంవత్సరం ఏప్రిల్ 13 లేదా 14 తేదీలలో వస్తుంది.
"లక్నవరం చెరువు" తెలంగాణలోని ఏ జిల్లాలో ఉంది?
వరంగల్.
ములుగు.
భూపాలపల్లి.
మహబూబాబాద్.
కాకతీయుల కాలంలో నిర్మించబడిన చారిత్రక లక్నవరం చెరువు ప్రస్తుతం ములుగు జిల్లా (గతంలో వరంగల్ జిల్లా) గోవిందరావుపేట మండలంలో ఉంది. ఈ చెరువులోని ద్వీపాలను కలుపుతూ నిర్మించిన వేలాడే తీగల వంతెన పర్యాటకులను విశేషంగా ఆకర్షిస్తుంది.
పంజాబ్ మరియు హర్యానా రాష్ట్రాల ఉమ్మడి రాజధాని ఏది?
చండీగఢ్.
అమృత్సర్.
పానిపట్.
లూథియానా.
పంజాబ్ మరియు హర్యానా రాష్ట్రాల ఉమ్మడి రాజధాని చండీగఢ్. 1966లో పంజాబ్ నుండి హర్యానా రాష్ట్రాన్ని ఏర్పాటు చేసినప్పుడు, చండీగఢ్ పట్టణం రెండు రాష్ట్రాలకు సరిహద్దులో ఉండటంతో దానిని కేంద్రపాలిత ప్రాంతంగా మార్చి రెండింటికీ ఉమ్మడి రాజధానిగా ప్రకటించారు.
నాటో (NATO) ప్రధాన కార్యాలయం ఎక్కడ ఉంది?
బ్రస్సెల్స్.
లండన్.
పారిస్.
వాషింగ్టన్.
నాటో (NATO - నార్త్ అట్లాంటిక్ ట్రీటీ ఆర్గనైజేషన్) ప్రధాన కార్యాలయం బెల్జియం రాజధాని అయిన బ్రస్సెల్స్ నగరంలో ఉంది. ఇది నాటో యొక్క రాజకీయ మరియు పరిపాలనా కేంద్రం. 1949లో స్థాపించబడిన ఈ సైనిక కూటమిలో ప్రస్తుతం (2026 నాటికి) 32 సభ్య దేశాలు ఉన్నాయి.
'మై కంట్రీ మై లైఫ్' అనేది ఎవరి ఆత్మకథ?
ఎల్.కె. అద్వానీ.
అటల్ బిహారీ వాజ్పేయి.
నరేంద్ర మోదీ.
జస్వంత్ సింగ్.
'మై కంట్రీ మై లైఫ్' అనేది భారతదేశ మాజీ ఉప ప్రధాన మంత్రి ఎల్.కె. అద్వానీ గారి ఆత్మకథ. ఈ పుస్తకంలో ఆయన తన బాల్యం, దేశ విభజన నాటి అనుభవాలు మరియు తన రాజకీయ ప్రయాణం గురించి వివరించారు. ఈయనకు 2024లో భారతదేశ అత్యున్నత పౌర పురస్కారం 'భారతరత్న' లభించింది.
ఈ ప్రాక్టీస్ టెస్ట్ YouTube లో కూడా అందుబాటులో ఉంది ▶️
