తెలంగాణ High Court మరియు జిల్లా కోర్టులలో ఆఫీస్ సబార్డినేట్ (Office Subordinate) మరియు ప్రాసెస్ సర్వర్ (Process Server) పోస్టుల కోసం ప్రిపేర్ అవుతున్న అభ్యర్థుల కోసం ఈ Model Paper (Mock Test) 7 ని ప్రత్యేకంగా రూపొందించాము. 2026 Telangana High Court and District Court నోటిఫికేషన్ మరియు లేటెస్ట్ సిలబస్ ఆధారంగా ఈ ప్రశ్నపత్రం ఉపొందించబడింది.
ఈ Model Paper 7 లో 45 GK (General Knowledge) questions తో పాటుగా వివరణాత్మకమయిన explanations ని కూడా ప్రతి ప్రశ్నకు ఇవ్వడం జరిగింది. Free గా Practice చేసుకోవచ్చును.
📢 ముఖ్యమైన సూచనలు:
📝 మొత్తం ప్రశ్నలు: 45 (జనరల్ నాలెడ్జ్).
⏱️ సమయం: 60 నిమిషాలు.
🎯 మార్కులు: ప్రతి సరైన సమాధానానికి 1 మార్కు.
🚫 నెగటివ్ మార్కింగ్: లేదు (No Negative Marking).
📑 పరీక్షా విధానం:
1️⃣ ప్రతి ప్రశ్నను జాగ్రత్తగా చదవండి.
2️⃣ 4 ఆప్షన్స్లో మీ సమాధానాన్ని ఎంచుకోండి.
3️⃣ సరైన సమాధానం మరియు వివరణలను పరిశీలించండి.
4️⃣ పరీక్ష పూర్తయిన తర్వాత మీ స్కోరు మరియు విశ్లేషణను చూడవచ్చును.
తెలంగాణ రాష్ట్ర మొదటి హోం మంత్రి ఎవరు?
మహమూద్ అలీ.
సబితా ఇంద్రారెడ్డి.
జానారెడ్డి.
నాయిని నర్సింహారెడ్డి.
తెలంగాణ రాష్ట్రం ఏర్పడిన తర్వాత నాయిని నర్సింహారెడ్డి తొలి హోం మంత్రిగా (2014–2018) పనిచేశారు. మహమూద్ అలీ తెలంగాణ రెండో హోం మంత్రిగా బాధ్యతలు నిర్వహించగా, ఉమ్మడి ఆంధ్రప్రదేశ్లో సబితా ఇంద్రారెడ్డి మొదటి మహిళా హోం మంత్రిగా సేవలందించారు.
'క్విట్ ఇండియా' ఉద్యమం ఏ సంవత్సరంలో ప్రారంభమైంది?
1930.
1940.
1942.
1945.
రెండవ ప్రపంచ యుద్ధం సమయంలో బ్రిటిష్ పాలనను అంతం చేయాలని డిమాండ్ చేస్తూ 1942 ఆగస్టు 8న మహాత్మా గాంధీ క్విట్ ఇండియా ఉద్యమాన్ని ప్రారంభించారు. ఈ ఉద్యమ సమయంలోనే గాంధీజీ భారతీయులకు 'డూ ఆర్ డై' (Do or Die - చేయండి లేదా చావండి) అనే ప్రసిద్ధ నినాదాన్ని ఇచ్చారు.
భారత తాత్కాలిక రాష్ట్రపతిగా వ్యవహరించిన ఏకైక సుప్రీంకోర్టు ప్రధాన న్యాయమూర్తి ఎవరు?
జస్టిస్ పి.ఎన్. భగవతి.
జస్టిస్ జె.ఎస్. వర్మ.
జస్టిస్ మహమ్మద్ హిదయతుల్లా.
జస్టిస్ సర్వ మిత్ర సిక్రి.
జస్టిస్ మహమ్మద్ హిదయతుల్లా 1969లో అసాధారణ పరిస్థితుల్లో భారత తాత్కాలిక రాష్ట్రపతిగా బాధ్యతలు చేపట్టిన ఏకైక సుప్రీంకోర్టు ప్రధాన న్యాయమూర్తి. భారతదేశంలో రాష్ట్రపతి, ఉపరాష్ట్రపతి మరియు సుప్రీంకోర్టు ప్రధాన న్యాయమూర్తి - ఈ మూడు అత్యున్నత పదవులను నిర్వహించిన ఏకైక వ్యక్తిగా ఆయన చరిత్ర సృష్టించారు.
ఐక్యరాజ్యసమితి అధికారిక భాషలు ఎన్ని?
4.
5.
6.
8.
ఐక్యరాజ్యసమితిలో మొత్తం 6 అధికారిక భాషలు ఉన్నాయి. అవి: ఫ్రెంచ్ (French), అరబిక్ (Arabic), చైనీస్ (Chinese), ఇంగ్లీష్ (English), రష్యన్ (Russian) మరియు స్పానిష్ (Spanish). ఐక్యరాజ్యసమితి తన అధికారిక కార్యకలాపాలు మరియు పత్రాల కోసం ఈ ఆరు భాషలను మాత్రమే ఉపయోగిస్తుంది. (ఈ భాషలను సులభంగా గుర్తుంచుకోవడానికి FACERS లేదా SAFERS అనే కోడ్ ఉపయోగపడుతుంది).
‘ఫ్రీ త్రో’ అనే పదం ఏ క్రీడలో ఉపయోగిస్తారు?
క్రికెట్.
వాలీబాల్.
ఫుట్బాల్.
బాస్కెట్బాల్.
బాస్కెట్బాల్ ఆటలో ప్రత్యర్థి జట్టు ఫౌల్ (తప్పు) చేసినప్పుడు, అవతలి జట్టుకు ఎటువంటి ఆటంకం లేకుండా గోల్ చేసే అవకాశం ఇస్తారు, దీనినే ‘ఫ్రీ త్రో’ అంటారు. దీని ద్వారా లభించే ప్రతి విజయవంతమైన గోల్కు ఒక పాయింట్ లభిస్తుంది.
ఒడిశాలోని 'కటక్' నగరం ఏ నది తీరాన ఉంది?
బ్రాహ్మణి.
వైతరణి.
మహానది.
సువర్ణరేఖ.
ఒడిశాలోని చారిత్రక నగరం 'కటక్' మహానది తీరాన ఉంది. ఈ నగరం నేతాజీ సుభాష్ చంద్రబోస్ జన్మస్థలంగా ప్రసిద్ధి చెందింది మరియు ఇక్కడ 'కేంద్ర వరి పరిశోధనా సంస్థ' (CRRI) కూడా ఉంది.
'సారే జహాసే అచ్చా' గేయ రచయిత ఎవరు?
రవీంద్రనాథ్ ఠాగూర్.
బంకిం చంద్ర ఛటర్జీ.
మీర్జా గాలిబ్.
మహమ్మద్ ఇక్బాల్.
ప్రముఖ కవి మహమ్మద్ ఇక్బాల్ 1904లో ఉర్దూ భాషలో 'సారే జహాసే అచ్చా' గేయాన్ని రచించారు, దీనినే 'తరానా-ఎ-హింద్' అని కూడా పిలుస్తారు. రవీంద్రనాథ్ ఠాగూర్ జాతీయ గీతాన్ని (జనగణమన), బంకిం చంద్ర ఛటర్జీ జాతీయ గేయాన్ని (వందేమాతరం) రచించారు.
భారత జాతీయ చిహ్నంలోని వృషభం దేనికి సంకేతం?
రాజసం మరియు నీతి.
శ్రమ మరియు స్థిరత్వం.
వేగం మరియు నమ్మకం.
బలం మరియు దృఢత్వం.
భారత జాతీయ చిహ్నంలో ఉండే వృషభం (ఎద్దు) శ్రమకు మరియు స్థిరత్వానికి సంకేతం. అలాగే సింహం రాజసానికి మరియు నీతికి, ఏనుగు బలానికి మరియు దృఢత్వానికి, మరియు గుర్రం ఉత్సాహానికి, వేగానికి, నమ్మకానికి చిహ్నాలుగా నిలుస్తాయి.
విటమిన్ 'A' లోపం వల్ల కలిగే వ్యాధి ఏది?
రేచీకటి.
బెరి బెరి.
స్కర్వీ.
రికెట్స్.
విటమిన్ 'A' (రెటినాల్) లోపం వల్ల రేచీకటి (Night Blindness) మరియు కళ్ళు పొడిబారడం (Xerophthalmia) వంటి కంటి సమస్యలు కలుగుతాయి. మిగతా వాటిలో బెరి బెరి విటమిన్ B1 లోపం వల్ల; స్కర్వీ విటమిన్ C లోపం వల్ల; మరియు రికెట్స్ వ్యాధి విటమిన్ D లోపం వల్ల సంభవిస్తాయి.
'దీనబంధు' అనే బిరుదు ఎవరికి కలదు?
చిత్తరంజన్ దాస్.
సి.ఎఫ్. ఆండ్రూస్.
జ్యోతిబా ఫూలే.
మదర్ థెరిసా.
మహాత్మా గాంధీకి సన్నిహితుడైన బ్రిటిష్ క్రైస్తవ మత ప్రచారకుడు చార్లెస్ ఫ్రీర్ ఆండ్రూస్ (C.F. Andrews) భారత స్వాతంత్ర్య ఉద్యమానికి మరియు పేదలకు చేసిన సేవలకు గుర్తింపుగా గాంధీజీ ఆయనకు 'దీనబంధు' (పేదల స్నేహితుడు) అని బిరుదు ఇచ్చారు. చిత్తరంజన్ దాస్ను 'దేశబంధు' అని పిలుస్తారు.
'నంది అవార్డుల' స్థానంలో తెలంగాణ ప్రభుత్వం కొత్తగా ప్రవేశపెట్టిన అవార్డులు ఏవి?
కొమురం భీమ్ ఫిల్మ్ అవార్డులు.
కాళోజీ ఫిల్మ్ అవార్డులు.
గద్దర్ ఫిల్మ్ అవార్డులు.
దాశరథి ఫిల్మ్ అవార్డులు.
గతంలో ఉమ్మడి ఆంధ్రప్రదేశ్లో సినిమా రంగానికి ఇచ్చే 'నంది అవార్డుల' స్థానంలో, తెలంగాణ ప్రభుత్వం ప్రముఖ ప్రజా గాయకుడు గద్దర్ పేరు మీద 'గద్దర్ ఫిల్మ్ అవార్డుల'ను ప్రవేశపెట్టింది. ఈ పురస్కారాలను ఏటా సినిమా మరియు సాంస్కృతిక రంగాల్లో విశేష కృషి చేసిన కళాకారులకు ప్రదానం చేస్తారు.
స్వతంత్ర భారతదేశంలో మొట్టమొదటి ఓటు వేసిన తొలి ఓటర్ ఎవరు?
సుకుమార్ సేన్.
శ్యామ్ శరణ్ నేగి.
డా. రాజేంద్ర ప్రసాద్.
సర్దార్ వల్లబాయ్ పటేల్.
హిమాచల్ ప్రదేశ్కు చెందిన శ్యామ్ శరణ్ నేగి స్వతంత్ర భారతదేశంలో మొట్టమొదటి ఓటు వేసిన తొలి ఓటర్గా చరిత్ర సృష్టించారు. 1951 అక్టోబర్ 25న హిమాచల్ ప్రదేశ్లోని వాతావరణ పరిస్థితుల (మంచు కురిసే అవకాశం) దృష్ట్యా దేశవ్యాప్తంగా పోలింగ్ జరగడానికి ముందే అక్కడ ఎన్నికలు నిర్వహించగా, ఆయన తన ఓటును వినియోగించుకున్నారు.
"అవసరమైతే చిరిగిన చొక్కా తొడుక్కో, కానీ ఒక మంచి పుస్తకం కొనుక్కో" అనే ప్రసిద్ధ నినాదం ఎవరిది?
స్వామి వివేకానంద.
కందుకూరి వీరేశలింగం.
గురజాడ అప్పారావు.
మౌలానా అబుల్ కలాం ఆజాద్.
ప్రముఖ సంఘ సంస్కర్త, తెలుగు వైతాళికుడు అయిన కందుకూరి వీరేశలింగం పంతులు గారు జ్ఞాన సముపార్జనకు పుస్తక పఠనం ఎంత ముఖ్యమో తెలియజేయడానికి బాహ్య అలంకరణ కంటే అంతర్గత జ్ఞానం (పుస్తకాలు) మిన్న అని సామాన్యులకు అర్థమయ్యేలా ఆయన ఈ నినాదాన్ని ఇచ్చారు.
'భాంగ్రా' మరియు 'గిద్దా' జానపద నృత్యాలు ఏ రాష్ట్రానికి చెందినవి?
హర్యానా.
రాజస్థాన్.
హిమాచల్ ప్రదేశ్.
పంజాబ్.
భాంగ్రా మరియు గిద్దా పంజాబ్ రాష్ట్రానికి చెందిన అత్యంత ప్రసిద్ధ జానపద నృత్యాలు. వైశాఖి (పంటకోత ఉత్సవం) సమయంలో పురుషులు ఉత్సాహంగా చేసే నృత్యాన్ని 'భాంగ్రా' అని, మహిళలు లయబద్ధంగా చప్పట్లు కొడుతూ చేసే నృత్యాన్ని 'గిద్దా' అని పిలుస్తారు.
ద్రాక్ష తోటల పెంపకాన్ని ఏమని పిలుస్తారు?
వర్మీకల్చర్.
విటికల్చర్.
సెరికల్చర్.
ఒలెరికల్చర్.
ద్రాక్ష తోటల పెంపకాన్ని మరియు ద్రాక్ష సాగును 'విటికల్చర్' అని పిలుస్తారు. వర్మీకల్చర్ అంటే వానపాముల పెంపకం, సెరికల్చర్ అంటే పట్టు పురుగుల పెంపకం మరియు ఒలెరికల్చర్ అంటే కూరగాయల సాగు అని అర్థం.
భారతదేశంలో రెండవ అతిపెద్ద గిరిజన తెగ ఏది?
గోండులు.
భిల్లులు.
సంతాల్లు.
చెంచులు.
2011 జనాభా లెక్కల ప్రకారం భారతదేశంలో అతి పెద్ద గిరిజన తెగ భిల్లులు కాగా, రెండవ అతిపెద్ద గిరిజన తెగ గోండులు. గోండులు ప్రధానంగా మధ్యప్రదేశ్, ఛత్తీస్గఢ్, మహారాష్ట్ర, ఒడిశా, ఆంధ్రప్రదేశ్ మరియు తెలంగాణ రాష్ట్రాల్లో విస్తరించి ఉన్నారు.
భారతదేశంలో మొట్టమొదటి మహిళా లోకో పైలట్ ఎవరు?
భవాని దేవి.
శివాంగి సింగ్.
అవని చతుర్వేది.
సురేఖ యాదవ్.
మహారాష్ట్రకు చెందిన సురేఖ యాదవ్ 1988లో భారత రైల్వేలో చేరి భారతదేశం లోనే కాకుండా, ఆసియాలోనే మొట్టమొదటి మహిళా లోకో పైలట్గా చరిత్ర సృష్టించారు. అలాగే 2023లో వందే భారత్ ఎక్స్ప్రెస్ను నడిపిన తొలి మహిళగా కూడా ఘనత సాధించారు.
'శ్రీ రాజరాజేశ్వర స్వామి ఆలయం' తెలంగాణలో ఎక్కడ ఉంది?
వేములవాడ.
ధర్మపురి.
కాళేశ్వరం.
కొండగట్టు.
శ్రీ రాజరాజేశ్వర స్వామి ఆలయం రాజన్న సిరిసిల్ల జిల్లా, వేములవాడ లో ఉంది. దీనిని "దక్షిణ కాశీ" అని కూడా పిలుస్తారు. ఇక్కడ భక్తులు స్వామివారికి 'కోడె మొక్కు' చెల్లించుకోవడం ప్రత్యేకత. ఈ ఆలయం హిందూ-ముస్లిం మత సామరస్యానికి ప్రతీకగా నిలుస్తుంది, ఎందుకంటే ఆలయ ప్రాంగణంలోనే ఒక దర్గా కూడా ఉంది.
'జ్ఞానపీఠ్' అవార్డును అందుకున్న తొలి భారతీయుడు ఎవరు?
రవీంద్రనాథ్ ఠాగూర్.
విశ్వనాథ సత్యనారాయణ.
జి. శంకర కురుప్.
సుమిత్రానందన్ పంత్.
మలయాళ రచయిత జి. శంకర కురుప్ 1965లో తన 'ఓడక్కుళల్' (వెదురు మురళి) అనే కవితా సంపుటికి గాను మొట్టమొదటి జ్ఞానపీఠ్ అవార్డును అందుకున్నారు. భారతీయ సాహిత్య రంగంలో ఇచ్చే అత్యున్నత పురస్కారమైన జ్ఞానపీఠ్ను పొందిన తొలి వ్యక్తిగా ఆయన చరిత్ర సృష్టించారు.
'కాసు బ్రహ్మానంద రెడ్డి' (KBR) నేషనల్ పార్క్ తెలంగాణలోని ఏ జిల్లాలో ఉంది?
హైదరాబాద్.
వరంగల్.
ములుగు.
భద్రాద్రి కొత్తగూడెం.
కాసు బ్రహ్మానంద రెడ్డి జాతీయ పార్కు హైదరాబాద్లోని జూబ్లీహిల్స్ ప్రాంతంలో ఉంది. 1994లో దీనికి జాతీయ పార్కు హోదా కల్పించారు మరియు దీనికి ఆంధ్రప్రదేశ్ మాజీ ముఖ్యమంత్రి కాసు బ్రహ్మానంద రెడ్డి పేరు పెట్టారు.
రక్తపోటును కొలవడానికి ఉపయోగించే పరికరం ఏది?
స్టెతస్కోప్.
థర్మామీటర్.
బేరోమీటర్.
స్పిగ్మో మానోమీటర్.
రక్తపోటు (Blood Pressure)ను కొలవడానికి స్పిగ్మో మానోమీటర్ అనే పరికరాన్ని ఉపయోగిస్తారు. సాధారణ రక్తపోటు 120/80 mmHg గా ఉంటుంది. స్టెతస్కోప్ను గుండె స్పందనలు వినడానికి, థర్మామీటర్ను శరీర ఉష్ణోగ్రతను కొలవడానికి మరియు బేరోమీటర్ను వాతావరణ పీడనాన్ని కొలవడానికి ఉపయోగిస్తారు.
'శివసముద్రం' జలవిద్యుత్ ప్రాజెక్ట్ ఏ రాష్ట్రంలో కలదు?
కేరళ.
తమిళనాడు.
కర్ణాటక.
ఆంధ్రప్రదేశ్.
'శివసముద్రం' జలవిద్యుత్ ప్రాజెక్ట్ కర్ణాటకలోని కావేరి నదిపై నిర్మించబడింది. ఇది 1902లో ప్రారంభమైంది, తద్వారా భారతదేశంలోనే కాకుండా ఆసియాలోనే మొట్టమొదటి ప్రధాన జలవిద్యుత్ ప్రాజెక్టులలో ఒకటిగా గుర్తింపు పొందింది.
కిందివారిలో 'తెలంగాణ శివాజీ' అని ఎవరిని పిలుస్తారు?
కొమురం భీమ్.
సర్వాయి పాపన్న.
దాశరథి కృష్ణమాచార్య.
రావి నారాయణరెడ్డి.
మొఘల్ సామ్రాజ్యానికి మరియు గోల్కొండ నవాబుల నిరంకుశత్వానికి వ్యతిరేకంగా పోరాడినందుకు సర్వాయి పాపన్న గౌడ్ ను 'తెలంగాణ శివాజీ' అని పిలుస్తారు. ఈయన 17వ శతాబ్దంలో ఖిలాషాపురం కోటను నిర్మించి, బహుజన రాజ్యాధికారం కోసం మరియు సామాన్యుల అభ్యున్నతి కోసం కృషి చేశారు.
అంతర్జాతీయ కార్మిక సంస్థ (ILO) ప్రధాన కార్యాలయం ఎక్కడ ఉంది?
జెనీవా.
వాషింగ్టన్.
పారిస్.
వియన్నా.
అంతర్జాతీయ కార్మిక సంస్థ (International Labour Organization) ప్రధాన కార్యాలయం స్విట్జర్లాండ్లోని జెనీవాలో ఉంది. 1919లో స్థాపించబడిన ఈ సంస్థ, ప్రపంచవ్యాప్తంగా కార్మికుల హక్కులు, ఉపాధి అవకాశాలు మరియు సామాజిక న్యాయం కోసం కృషి చేస్తుంది.
మహారాష్ట్రలోని 'ఔరంగబాద్' నగరం యొక్క కొత్త పేరు ఏమిటి?
ధారాశివ్.
అహల్య నగర్.
ఛత్రపతి శంభాజీ నగర్.
వీర సావర్కర్ నగర్.
మహారాష్ట్ర ప్రభుత్వం 2023లో ఔరంగబాద్ నగరం పేరును అధికారికంగా 'ఛత్రపతి శంభాజీ నగర్'గా మార్చింది. మరాఠా సామ్రాజ్య రెండవ ఛత్రపతి అయిన శంభాజీ మహారాజ్ గౌరవార్థం ఈ పేరును నిర్ణయించారు.
'తెలంగాణ భాషా దినోత్సవం'గా ఏ రోజును జరుపుకుంటారు?
జూన్ 2.
సెప్టెంబర్ 9.
సెప్టెంబర్ 17.
ఆగస్టు 29.
తెలంగాణ ప్రజల భాష మరియు సంస్కృతి కోసం కృషి చేసిన ప్రజాకవి కాళోజీ నారాయణరావు జయంతి సందర్భంగా ప్రతి ఏటా సెప్టెంబర్ 9న 'తెలంగాణ భాషా దినోత్సవం' జరుపుకుంటారు. తెలంగాణ ప్రభుత్వం 2014లో కాళోజీ 100వ జయంతిని పురస్కరించుకుని ఈ దినోత్సవాన్ని అధికారికంగా ప్రకటించింది.
'మై ప్రెసిడెన్షియల్ ఇయర్స్' పుస్తక రచయిత ఎవరు?
డా. రాజేంద్ర ప్రసాద్.
ఎ.పి.జె. అబ్దుల్ కలాం.
ఆర్. వెంకట్రామన్.
ప్రణబ్ ముఖర్జీ.
భారత 8వ రాష్ట్రపతిగా పనిచేసిన ఆర్. వెంకట్రామన్ తన పదవీకాలంలోని రాజకీయ పరిణామాలు మరియు అనుభవాలను వివరిస్తూ 'మై ప్రెసిడెన్షియల్ ఇయర్స్' పుస్తకాన్ని రచించారు. ఆయన తన హయాంలో నలుగురు ప్రధాన మంత్రులతో కలిసి పనిచేసిన అరుదైన అనుభవాలను ఇందులో పొందుపరిచారు.
'డైమండ్ సిటీ ఆఫ్ ఇండియా' అని ఏ నగరానికి పేరు?
పన్నా.
సూరత్.
ముంబై.
జైపూర్.
గుజరాత్లోని సూరత్ నగరాన్ని 'డైమండ్ సిటీ ఆఫ్ ఇండియా' అని పిలుస్తారు, ఎందుకంటే ప్రపంచవ్యాప్తంగా లభించే వజ్రాలలో దాదాపు 90% ఇక్కడే పాలిషింగ్ మరియు కటింగ్ చేయబడతాయి. మధ్యప్రదేశ్లోని పన్నా నగరం వజ్రాల గనులకు ప్రసిద్ధి చెందగా, వజ్రాల వ్యాపారానికి మరియు పరిశ్రమకు మాత్రం సూరత్ ప్రధాన కేంద్రంగా ఉంది.
అమ్జద్ అలీ ఖాన్ ఏ సంగీత వాయిద్యంలో సుప్రసిద్ధులు?
సంతూర్.
సారంగి.
సరోద్.
వయోలిన్.
ఉస్తాద్ అమ్జద్ అలీ ఖాన్ భారతదేశానికి చెందిన ప్రపంచ ప్రసిద్ధ సరోద్ విద్వాంసులు. ఆయన శాస్త్రీయ సంగీత రంగంలో చేసిన విశేష కృషికి గాను భారత ప్రభుత్వం 'పద్మ విభూషణ్' పురస్కారంతో గౌరవించింది.
'మై మ్యూజిక్, మై లైఫ్' అనేది ఎవరి ఆత్మకథ?
ఏ.ఆర్. రెహమాన్.
హరిప్రసాద్ చౌరాసియా.
జాకీర్ హుస్సేన్.
పండిట్ రవిశంకర్.
ప్రపంచ ప్రసిద్ధ సితార్ విద్వాంసుడు పండిట్ రవిశంకర్ తన సంగీత ప్రయాణం మరియు జీవిత అనుభవాలను వివరిస్తూ 'మై మ్యూజిక్, మై లైఫ్' అనే ఆత్మకథను రచించారు. భారతీయ శాస్త్రీయ సంగీతాన్ని పాశ్చాత్య దేశాలకు పరిచయం చేయడంలో ఆయన కీలక పాత్ర పోషించారు. భారత ప్రభుత్వం ఆయనను 1999లో 'భారత రత్న' పురస్కారంతో గౌరవించింది.
భారతదేశంలో ప్రస్తుతం ఎన్ని హైకోర్టులు ఉన్నాయి?
21.
24.
25.
28.
భారతదేశంలో ప్రస్తుతం మొత్తం 25 హైకోర్టులు ఉన్నాయి. ఉమ్మడి ఆంధ్రప్రదేశ్ విభజన తర్వాత 2019 జనవరి 1న అమరావతిలో దేశంలోని 25వ హైకోర్టుగా ‘ఆంధ్రప్రదేశ్ హైకోర్టు’ ఏర్పాటయ్యింది. ఇది దేశంలోనే అత్యంత చివరగా ఏర్పడిన హైకోర్టు.
'చైత్య భూమి' అనేది ఏ నాయకుడి స్మారక చిహ్నం?
చౌదరి చరణ్ సింగ్.
బి.ఆర్. అంబేద్కర్.
మొరార్జీ దేశాయ్.
బాబూ జగ్జీవన్ రామ్.
ముంబైలోని దాదర్ చౌపట్టి వద్ద ఉన్న 'చైత్య భూమి' డాక్టర్ బి.ఆర్. అంబేద్కర్ గారి స్మారక చిహ్నం. ఇది బౌద్ధ చైత్య శైలిలో నిర్మించబడింది. ప్రతి సంవత్సరం డిసెంబర్ 6న ఆయన వర్ధంతి (మహాపరినిర్వాణ దివస్) సందర్భంగా లక్షలాది మంది ప్రజలు ఇక్కడికి వచ్చి ఆయనకు ఘనంగా నివాళులర్పిస్తారు.
'వివేకవర్ధిని' పత్రికను స్థాపించినది ఎవరు?
కందుకూరి వీరేశలింగం.
గిడుగు రామమూర్తి.
గురజాడ అప్పారావు.
ముట్నూరి కృష్ణారావు.
ప్రముఖ సంఘ సంస్కర్త కందుకూరి వీరేశలింగం పంతులు గారు 1874లో రాజమండ్రిలో 'వివేకవర్ధిని' పత్రికను స్థాపించారు. సమాజంలోని మూఢనమ్మకాలను, అవినీతిని ఎదిరించడానికి మరియు స్త్రీ విద్య, వితంతు వివాహాలను ప్రోత్సహించడానికి ఆయన ఈ పత్రికను ఒక ఆయుధంగా ఉపయోగించారు.
భారతదేశంలో అత్యంత ఎత్తైన ఆనకట్ట ఏది?
హీరాకుడ్ డ్యామ్.
భాక్రా డ్యామ్.
సర్దార్ సరోవర్ డ్యామ్.
తెహ్రీ డ్యామ్.
ఉత్తరాఖండ్ రాష్ట్రంలో భాగీరథీ నదిపై నిర్మించిన తెహ్రీ డ్యామ్ భారతదేశంలో అత్యంత ఎత్తైన ఆనకట్ట. దీని ఎత్తు సుమారు 260.5 మీటర్లు. ఇది ప్రపంచంలోని ఎత్తైన ఆనకట్టలలో ఒకటిగా నిలవడమే కాకుండా, భారీ స్థాయిలో విద్యుత్ ఉత్పత్తికి మరియు సాగునీటికి ప్రధాన వనరుగా ఉంది.
తెలంగాణ శాసనసభ తొలి స్పీకర్ ఎవరు?
కె. స్వామి గౌడ్.
పోచారం శ్రీనివాస్ రెడ్డి.
గుత్తా సుఖేందర్ రెడ్డి.
సిరికొండ మధుసూదనాచారి.
తెలంగాణ రాష్ట్రం ఏర్పడిన తర్వాత సిరికొండ మధుసూదనాచారి తెలంగాణ శాసనసభకు తొలి స్పీకర్గా (2014–2019) ఎన్నికయ్యారు. కె. స్వామి గౌడ్ తెలంగాణ శాసనమండలికి తొలి చైర్మన్గా పనిచేశారు. ప్రస్తుతం తెలంగాణ శాసనసభ 3వ స్పీకర్గా గడ్డం ప్రసాద్ కుమార్ కొనసాగుతున్నారు.
'రంగస్వామి కప్' ఏ క్రీడకు సంబంధించింది?
క్రికెట్.
ఫుట్బాల్.
హాకీ.
బ్యాడ్మింటన్.
రంగస్వామి కప్' అనేది భారతదేశంలోని అత్యంత ప్రతిష్టాత్మకమైన జాతీయ స్థాయి హాకీ టోర్నమెంట్. దీనిని 1928లో ప్రవేశపెట్టారు. మొదట్లో ఒలింపిక్ క్రీడల కోసం జాతీయ హాకీ జట్టుకు ఆటగాళ్లను ఎంపిక చేయడానికి దీనిని ఒక వేదికగా ఉపయోగించేవారు.
భారత తొలి మహిళా ప్రధాన ఎన్నికల కమిషనర్ ఎవరు?
సుచేతా కృపలానీ.
విజయలక్ష్మి పండిట్.
సరోజినీ నాయుడు.
వి.ఎస్. రమాదేవి.
భారత ప్రధాన ఎన్నికల కమిషనర్ (CEC) పదవిని అధిష్టించిన మొట్టమొదటి మరియు ఏకైక మహిళ వి.ఎస్. రమాదేవి. ఆమె 1990లో అతి తక్కువ కాలం ఈ బాధ్యతలను నిర్వహించారు. అలాగే ఆమె రాజ్యసభ సెక్రటరీ జనరల్గా మరియు కర్ణాటక, హిమాచల్ ప్రదేశ్ రాష్ట్రాలకు గవర్నర్గా కూడా సేవలందించారు.
విద్యుత్ బల్బు (Electric Bulb) ను కనుగొన్నది ఎవరు?
బెంజమిన్ ఫ్రాంక్లిన్.
మైఖేల్ ఫెరడే.
నికోలా టెస్లా.
థామస్ అల్వా ఎడిసన్.
ప్రముఖ అమెరికన్ శాస్త్రవేత్త థామస్ అల్వా ఎడిసన్ 1879లో మొట్టమొదటి ఆచరణాత్మక విద్యుత్ బల్బును కనుగొన్నారు. వేల సార్లు విఫలమైనా పట్టు వదలకుండా ఆయన చేసిన ఈ ఆవిష్కరణ ప్రపంచాన్ని చీకటి నుండి వెలుగులోకి తెచ్చింది.
'హార్న్బిల్' పండుగ ఏ రాష్ట్రంలో ప్రసిద్ధి చెందింది?
మణిపూర్.
నాగాలాండ్.
మిజోరాం.
మేఘాలయ.
'హార్న్బిల్' పండుగ నాగాలాండ్ రాష్ట్రంలో అత్యంత ప్రసిద్ధి చెందింది. దీనిని ప్రతి సంవత్సరం డిసెంబర్ 1 నుండి 10 వరకు నిర్వహిస్తారు. దీనిని "పండుగల పండుగ" (Festival of Festivals) అని పిలుస్తారు. ఇది నాగాలాండ్లోని గిరిజన తెగల సంస్కృతి, సంప్రదాయాలు మరియు వారి విశిష్ట కళా రూపాలను ప్రపంచానికి చాటిచెప్పే గొప్ప వేదిక.
తెలంగాణ రాష్ట్ర అధికారిక చేప ఏది?
కొర్రమీను.
బొచ్చె.
జెల్ల.
రవ్వ.
తెలంగాణ ప్రభుత్వం 2016 జూలై 21న కొర్రమీనును రాష్ట్ర అధికారిక చేపగా ప్రకటించింది. దీని శాస్త్రీయ నామం చన్నా స్ట్రియాటస్ (Channa striatus). ఇది రాష్ట్రంలోని చెరువులు, కుంటల్లో సమృద్ధిగా లభించడంతో పాటు అత్యధిక పోషక విలువలు కలిగి ఉంటుంది.
ప్రపంచ ఆరోగ్య దినోత్సవాన్ని ప్రతి సంవత్సరం ఏ రోజున నిర్వహిస్తారు?
ఏప్రిల్ 7.
జూన్ 5.
డిసెంబర్ 1.
మార్చి 8.
1948 ఏప్రిల్ 7న 'ప్రపంచ ఆరోగ్య సంస్థ' (WHO) స్థాపించబడిన జ్ఞాపకార్థం ప్రతి సంవత్సరం అదే రోజున ప్రపంచ ఆరోగ్య దినోత్సవాన్ని జరుపుకుంటారు. ప్రజారోగ్య సమస్యలపై అవగాహన కల్పించడం దీని ప్రధాన ఉద్దేశ్యం. 2026 సంవత్సరానికి దీని ఇతివృత్తం (Theme) “ఆరోగ్యం కోసం కలిసికట్టుగా – విజ్ఞానానికి అండగా నిలుద్దాం” (Together for health. Stand with science).
రిజర్వ్ బ్యాంక్ ఆఫ్ ఇండియా తొలి భారతీయ గవర్నర్ ఎవరు?
సి.డి. దేశ్ముఖ్.
బెనెగల్ రామారావు.
మన్మోహన్ సింగ్.
రఘురాం రాజన్.
RBI మూడవ మరియు తొలి భారతీయ గవర్నర్గా సి.డి. దేశ్ముఖ్ (1943-49) పనిచేశారు. ఆయన హయాంలోనే 1949 జనవరి 1న RBI జాతీయకరణ చేయబడింది. ప్రస్తుతం RBI 26వ గవర్నర్గా సంజయ్ మల్హోత్రా 2024 డిసెంబర్ నుండి కొనసాగుతున్నారు.
తెలంగాణ రాష్ట్ర శాసన మండలి మొత్తం సభ్యుల సంఖ్య ఎంత?
40.
119.
17.
7.
తెలంగాణ శాసన మండలి మొత్తం సభ్యుల సంఖ్య 40. రాజ్యాంగం ప్రకారం ఈ సంఖ్య శాసనసభ సభ్యులలో 1/3 వంతుకు మించకూడదు మరియు కనీసం 40 మంది ఉండాలి. తెలంగాణ శాసనసభ సభ్యుల సంఖ్య 119 కాగా, రాష్ట్రం నుండి 17 లోక్సభ మరియు 7 రాజ్యసభ స్థానాలు ఉన్నాయి.
సర్దార్ సరోవర్ ప్రాజెక్టు ఏ నదిపై నిర్మించబడింది?
నర్మద.
తపతి.
సట్లెజ్.
బియాస్.
గుజరాత్ రాష్ట్రంలోని నర్మదా నదిపై నిర్మించిన సర్దార్ సరోవర్ ప్రాజెక్టు భారతదేశంలోని అతిపెద్ద ఆనకట్టలలో ఒకటి. ఇది గుజరాత్, మధ్యప్రదేశ్, మహారాష్ట్ర మరియు రాజస్థాన్ రాష్ట్రాలకు సాగునీరు మరియు విద్యుత్తును అందిస్తుంది. ఈ డ్యామ్ సమీపంలోనే ప్రపంచంలోనే ఎత్తైన 'స్టాచ్యూ ఆఫ్ యూనిటీ' (సర్దార్ వల్లభాయ్ పటేల్ విగ్రహం) ఉంది.
'ఆరెంజ్ సిటీ' అని భారతదేశంలోని ఏ నగరాన్ని పిలుస్తారు?
నాసిక్.
నాగ్పూర్.
కాశ్మీర్.
కాన్పూర్.
మహారాష్ట్రలోని నాగ్పూర్ నగరం నాణ్యమైన నారింజ పండ్ల ఉత్పత్తికి ప్రపంచవ్యాప్తంగా ప్రసిద్ధి చెందినందున దీనిని 'ఆరెంజ్ సిటీ' అని పిలుస్తారు. ఇక్కడి నుండి దేశంలోని వివిధ ప్రాంతాలకు మరియు విదేశాలకు కూడా పెద్ద ఎత్తున నారింజలు ఎగుమతి అవుతాయి.
ఈ ప్రాక్టీస్ టెస్ట్ YouTube లో కూడా అందుబాటులో ఉంది ▶️
మీరు మాలాంటి నిరుద్యోగులకు కాంపిటీటివ్ ఎగ్జామ్ కు ప్రిపేర్ అవ్వడానికి టైం దొరకని మాకు యూట్యూబ్ జిల్లా కోర్టుకు ప్రిపేర్ అవుతున్న అన్ని ప్రశ్నలకు జవాబులు వివరంగా చెప్పుతున్నందుకు with చారి చానల్ ద్వారా ఉచితంగా చదువుకోడానికి అవకాశాన్ని ఇచ్చినంతకు ప్రత్యేక ధన్యవాదాలు