తెలంగాణ High Court మరియు జిల్లా కోర్టులలో ఆఫీస్ సబార్డినేట్ (Office Subordinate) మరియు ప్రాసెస్ సర్వర్ (Process Server) పోస్టుల కోసం ప్రిపేర్ అవుతున్న అభ్యర్థుల కోసం ఈ Model Paper (Mock Test) 10 ని ప్రత్యేకంగా రూపొందించాము. 2026 Telangana High Court and District Court నోటిఫికేషన్ మరియు లేటెస్ట్ సిలబస్ ఆధారంగా ఈ ప్రశ్నపత్రం ఉపొందించబడింది.
ఈ Model Paper 10 లో 45 GK (General Knowledge) questions తో పాటుగా వివరణాత్మకమయిన explanations ని కూడా ప్రతి ప్రశ్నకు ఇవ్వడం జరిగింది. Free గా Practice చేసుకోవచ్చును.
📢 ముఖ్యమైన సూచనలు:
📝 మొత్తం ప్రశ్నలు: 45 (జనరల్ నాలెడ్జ్).
⏱️ సమయం: 60 నిమిషాలు.
🎯 మార్కులు: ప్రతి సరైన సమాధానానికి 1 మార్కు.
🚫 నెగటివ్ మార్కింగ్: లేదు (No Negative Marking).
📑 పరీక్షా విధానం:
1️⃣ ప్రతి ప్రశ్నను జాగ్రత్తగా చదవండి.
2️⃣ 4 ఆప్షన్స్లో మీ సమాధానాన్ని ఎంచుకోండి.
3️⃣ సరైన సమాధానం మరియు వివరణలను పరిశీలించండి.
4️⃣ పరీక్ష పూర్తయిన తర్వాత మీ స్కోరు మరియు విశ్లేషణను చూడవచ్చును.
భారతదేశంలోనే అతిపెద్ద అధికారిక నివాస భవనం ఏది?
ప్రధానమంత్రి నివాసం.
రాజ్ భవన్ (హైదరాబాద్).
రాష్ట్రపతి భవన్.
హైదరాబాద్ హౌస్ (న్యూఢిల్లీ).
న్యూఢిల్లీలోని రాష్ట్రపతి భవన్ భారతదేశంలోనే అతిపెద్ద అధికారిక నివాస భవనం మరియు ప్రపంచంలోనే ఒక దేశాధినేతకు ఉన్న అతిపెద్ద నివాసాలలో ఒకటిగా గుర్తింపు పొందింది. ఈ భవనం నాలుగు అంతస్తులలో దాదాపు 340 గదులను కలిగి ఉంది.
మానవ శరీరంలో అతిపెద్ద అంతఃస్రావిక గ్రంథి ఏది?
కాలేయం.
పిట్యూటరీ గ్రంథి.
థైరాయిడ్ గ్రంథి.
అడ్రినల్ గ్రంథి.
మానవ శరీరంలో అతిపెద్ద అంతఃస్రావిక గ్రంథి థైరాయిడ్ గ్రంథి. ఇది మెడ భాగంలో శ్వాసనాళానికి ఇరువైపులా సీతాకోకచిలుక ఆకారంలో ఉంటుంది. మిగిలిన ఆప్షన్లలో కాలేయం మానవ శరీరంలోనే అతిపెద్ద బహిఃస్రావిక గ్రంథి, మరియు పిట్యూటరీ గ్రంథి శరీరంలో అతిచిన్న అంతఃస్రావిక గ్రంథి, అయినప్పటికీ దీనిని 'మాస్టర్ గ్లాండ్' అని పిలుస్తారు.
సుప్రీంకోర్టు న్యాయమూర్తుల సంఖ్యను పెంచే లేదా తగ్గించే అధికారం ఎవరికి కలదు?
రాష్ట్రపతికి.
సుప్రీంకోర్టు ప్రధాన న్యాయమూర్తికి.
పార్లమెంట్కు.
కేంద్ర క్యాబినెట్కు.
భారత రాజ్యాంగంలోని ఆర్టికల్ 124(1) ప్రకారం, సుప్రీంకోర్టు న్యాయమూర్తుల సంఖ్యను మార్చే (పెంచే లేదా తగ్గించే) సర్వాధికారాలు కేవలం పార్లమెంట్కు మాత్రమే కలవు. పార్లమెంట్ చట్టం చేయడం ద్వారా ఈ సంఖ్యను సవరిస్తుంది.
భారతదేశంలో అత్యంత పొడవైన సముద్ర వంతెన ఏది?
అటల్ సేతు.
పంబన్ వంతెన.
బాంద్రా-వర్లి సీ లింక్.
విక్రమ్శిలా సేతు.
ముంబై మరియు నవీ ముంబైలను కలుపుతూ నిర్మించిన 'అటల్ సేతు' మొత్తం 21.8 కిలోమీటర్ల పొడవుతో భారతదేశంలోనే అత్యంత పొడవైన సముద్ర వంతెనగా రికార్డు సృష్టించింది. దీనిని ముంబై ట్రాన్స్ హార్బర్ లింక్ (MTHL) అని కూడా పిలుస్తారు.
ఆర్యసమాజాన్ని స్థాపించింది ఎవరు?
స్వామి దయానంద సరస్వతి.
రాజా రామ్మోహన్ రాయ్.
స్వామి వివేకానంద.
ఈశ్వరచంద్ర విద్యాసాగర్.
స్వామి దయానంద సరస్వతి 1875 ఏప్రిల్ 10న ముంబైలో ఆర్యసమాజాన్ని స్థాపించి, సమాజంలో మూఢనమ్మకాలను నిర్మూలించడానికి కృషి చేశారు. వేదాల ప్రాముఖ్యతను చాటిచెప్పడానికి ఆయన "వేదాలకు తరలిపొండి" (Go back to the Vedas) అనే ప్రసిద్ధ నినాదాన్ని ఇచ్చారు.
అంతర్జాతీయ అణుశక్తి సంస్థ (IAEA) ప్రధాన కార్యాలయం ఎక్కడ ఉంది?
వియన్నా (ఆస్ట్రియా).
జెనీవా (స్విట్జర్లాండ్).
బెర్లిన్ (జర్మనీ).
పారిస్ (ఫ్రాన్స్).
అంతర్జాతీయ అణుశక్తి సంస్థ (IAEA) 1957లో స్థాపించబడింది మరియు దీని ప్రధాన కార్యాలయం ఆస్ట్రియా రాజధాని అయిన వియన్నాలో ఉంది. ప్రపంచవ్యాప్తంగా అణుశక్తిని శాంతియుత ప్రయోజనాల కోసం ఉపయోగించడాన్ని ప్రోత్సహించడం మరియు అణ్వాయుధాల వ్యాప్తిని అరికట్టడం ఈ సంస్థ యొక్క ముఖ్య ఉద్దేశం.
శ్రీరాముడి జన్మస్థలమైన అయోధ్య నగరం ఏ నది తీరాన కలదు?
సరయూ నది.
గంగా నది.
యమునా నది.
అలకనంద నది.
శ్రీరాముడి జన్మస్థలమైన అయోధ్య ఉత్తర ప్రదేశ్లోని సరయూ నది తీరాన ఉంది. పవిత్రమైన ఈ నదీ తీరంలోనే భవ్యమైన శ్రీరామ జన్మభూమి ఆలయం నిర్మించబడింది.
కింది వారిలో 'సితార్' వాయిద్యంలో ప్రసిద్ధ విద్వాంసురాలు ఎవరు?
సుబ్బలక్ష్మి.
గిరిజా దేవి.
కిశోరి అమోంకర్.
అనూష్క శంకర్.
ప్రముఖ సితార్ విద్వాంసుడు పండిట్ రవిశంకర్ కుమార్తె అయిన అనూష్క శంకర్ అంతర్జాతీయ ఖ్యాతి గడించిన సితార్ విద్వాంసురాలు. ఈమె సితార్ వాయిద్యంలో చూపిన ప్రతిభకు గానూ పలుమార్లు ప్రతిష్టాత్మక గ్రామీ అవార్డులకు నామినేట్ అయ్యారు.
'జాతీయ బాలికా దినోత్సవం' ఏ రోజున నిర్వహిస్తారు?
మార్చి 8.
జనవరి 24.
అక్టోబర్ 11.
నవంబర్ 14.
బాలికల హక్కుల పట్ల అవగాహన పెంచడానికి భారతదేశంలో ప్రతీ సంవత్సరం జనవరి 24న జాతీయ బాలికా దినోత్సవాన్ని నిర్వహిస్తారు. మిగిలిన ఆప్షన్లలో మార్చి 8న అంతర్జాతీయ మహిళా దినోత్సవం, అక్టోబర్ 11న అంతర్జాతీయ బాలికా దినోత్సవం మరియు నవంబర్ 14న జాతీయ బాలల దినోత్సవం నిర్వహిస్తారు.
రాజా రెడ్డి, రాధా రెడ్డి ఏ శాస్త్రీయ నృత్యానికి చెందిన ప్రముఖ జంట?
భరతనాట్యం.
కథక్.
కూచిపూడి.
ఒడిస్సీ.
రాజా రెడ్డి మరియు రాధా రెడ్డి ఆంధ్రప్రదేశ్కు చెందిన ప్రపంచ ప్రసిద్ధ కూచిపూడి నృత్య జంట (భార్య, భర్తలు). కూచిపూడి నృత్య రంగంలో వీరు చేసిన విశేష కృషికి గాను భారత ప్రభుత్వం వీరిని పద్మశ్రీ మరియు పద్మభూషణ్ అవార్డులతో సత్కరించింది.
ప్రపంచంలోనే మొదటి లిఖిత రాజ్యాంగాన్ని రూపొందించుకున్న దేశం ఏది?
బ్రిటన్.
భారతదేశం.
ఫ్రాన్స్.
అమెరికా.
అమెరికా (USA) 1787లో ప్రపంచంలోనే మొట్టమొదటి పూర్తి స్థాయి లిఖిత రాజ్యాంగాన్ని రూపొందించి, 1789 నుండి అమలులోకి తెచ్చింది. మిగిలిన ఆప్షన్లలో బ్రిటన్కు అలిఖిత రాజ్యాంగం ఉండగా, భారతదేశం ప్రపంచంలోనే అత్యంత పెద్దదైన మరియు సుదీర్ఘమైన లిఖిత రాజ్యాంగాన్ని కలిగి ఉంది.
గోదావరి నది తెలంగాణలో ఏ జిల్లా గుండా ప్రవేశిస్తుంది?
ఆదిలాబాద్.
నిర్మల్.
నిజామాబాద్.
మంచిర్యాల్.
గోదావరి నది మహారాష్ట్రలోని నాసిక్ త్రయంబకేశ్వర్ వద్ద జన్మించి, నిజామాబాద్ జిల్లాలోని రేంజల్ మండలం, కందకుర్తి గ్రామం వద్ద తెలంగాణలోకి ప్రవేశిస్తుంది. ఇక్కడే గోదావరి, మంజీరా మరియు హరిద్రా నదులు కలిసి త్రివేణి సంగమంగా ఏర్పడతాయి.
స్వతంత్ర భారత మొట్టమొదటి రక్షణ శాఖ మంత్రి ఎవరు?
బాబూ జగ్జీవన్ రామ్.
సర్దార్ బలదేవ్ సింగ్.
జాన్ మథాయ్.
సర్దార్ వల్లభాయ్ పటేల్.
స్వతంత్ర భారతదేశం యొక్క మొదటి రక్షణ మంత్రిగా సర్దార్ బలదేవ్ సింగ్ 1947 నుండి 1952 వరకు పనిచేశారు. మిగిలిన వారిలో సర్దార్ వల్లభాయ్ పటేల్ మొదటి హోం మంత్రిగా, జాన్ మథాయ్ మొదటి రైల్వే మంత్రిగా మరియు బాబూ జగ్జీవన్ రామ్ మొదటి కార్మిక మంత్రిగా బాధ్యతలు నిర్వహించారు.
ఐక్యరాజ్యసమితి 'సెక్రటరీ జనరల్' పదవీ కాలం ఎంత?
7 సంవత్సరాలు.
6 సంవత్సరాలు.
5 సంవత్సరాలు.
4 సంవత్సరాలు.
ఐక్యరాజ్యసమితి ప్రధాన పరిపాలనా అధికారి అయిన సెక్రటరీ జనరల్ పదవీ కాలం 5 సంవత్సరాలు ఉంటుంది. భద్రతా మండలి సిఫార్సు మేరకు ఐక్యరాజ్యసమితి సాధారణ సభ వీరిని నియమిస్తుంది.
జాతీయ పతాకాన్ని రాజ్యాంగ పరిషత్ అధికారికంగా ఏ రోజున ఆమోదించింది?
1947 జూలై 22.
1947 ఆగస్టు 15.
1950 జనవరి 26.
1950 జనవరి 24.
భారతదేశ జాతీయ పతాకాన్ని (త్రివర్ణ పతాకం) రాజ్యాంగ పరిషత్ 1947 జూలై 22న అధికారికంగా ఆమోదించింది. దీనిని పింగళి వెంకయ్య రూపొందించారు. మిగిలిన ఆప్షన్లలో 1950 జనవరి 24న జాతీయ గీతాన్ని (జనగణమన), జాతీయ గేయాన్ని (వందేమాతరం) ఆమోదించారు. 1950 జనవరి 26 నుండి భారత రాజ్యాంగం అమలులోకి వచ్చింది.
తెలంగాణలోని ఏకైక యునెస్కో ప్రపంచ వారసత్వ కట్టడం ఏది?
రామప్ప దేవాలయం.
వేయి స్తంభాల గుడి.
గోల్కొండ కోట.
చార్మినార్.
ములుగు జిల్లా పాలంపేటలో ఉన్న చారిత్రాత్మక రామప్ప దేవాలయానికి 2021లో యునెస్కో ప్రపంచ వారసత్వ కట్టడంగా గుర్తింపు లభించింది. కాకతీయుల కాలం నాటి అద్భుత శిల్పకళ, నీటిపై తేలే ఇటుకల సాంకేతికత ఈ ఆలయ ప్రత్యేకతలు.
'జాతీయ పాల దినోత్సవం' ఏ రోజున జరుపుకుంటారు?
జూన్ 1.
నవంబర్ 26.
అక్టోబర్ 26.
ఆగస్టు 29.
భారతదేశంలో శ్వేత విప్లవ పితామహుడు డాక్టర్ వర్గీస్ కురియన్ జయంతిని పురస్కరించుకుని ప్రతి సంవత్సరం నవంబర్ 26న 'జాతీయ పాల దినోత్సవం' జరుపుకుంటారు. అయితే 'ప్రపంచ పాల దినోత్సవం' ప్రతి సంవత్సరం జూన్ 1వ తేదీన జరుపుకుంటారు.
రక్తం మరియు దానికి సంబంధించిన వ్యాధుల అధ్యయనాన్ని ఏమంటారు?
హెమటాలజీ.
హెపటాలజీ.
సెరాలజీ.
ఆంకాలజీ.
రక్తం, రక్త కణాలు మరియు రక్తానికి సంబంధించిన వ్యాధుల గురించి చేసే శాస్త్రీయ అధ్యయనాన్ని హెమటాలజీ అని పిలుస్తారు. మిగిలిన ఆప్షన్లలో హెపటాలజీ - కాలేయం గురించిన అధ్యయనం; సెరాలజీ - రక్త సీరమ్ గురించిన అధ్యయనం; మరియు ఆంకాలజీ - క్యాన్సర్ వ్యాధుల గురించిన అధ్యయనం.
భారతదేశంలో అత్యంత ఎత్తైన యుద్ధ క్షేత్రం ఏది?
కార్గిల్.
తవాంగ్.
సియాచిన్ గ్లేసియర్.
డోక్లాం.
హిమాలయాల్లోని కారకోరం శ్రేణిలో ఉన్న సియాచిన్ గ్లేసియర్ భారతదేశంలోనే కాకుండా ప్రపంచంలోనే అత్యంత ఎత్తైన యుద్ధ క్షేత్రం. సముద్ర మట్టానికి సుమారు 20 వేల అడుగుల ఎత్తులో ఉండే ఈ ప్రాంతాన్ని భారత సైన్యం 1984లో 'ఆపరేషన్ మేఘదూత్' ద్వారా తన ఆధీనంలోకి తెచ్చుకుంది.
భారతదేశంలో అత్యంత పొడవైన నదీ వంతెన ఏది?
మహాత్మా గాంధీ సేతు.
విక్రమశిల సేతు.
భోగీబీల్ వంతెన.
భూపెన్ హజారికా సేతు.
భారతదేశంలోనే అత్యంత పొడవైన నదీ వంతెన 'భూపెన్ హజారికా సేతు' (ధోలా-సదియా వంతెన). అస్సాంలోని లోహిత్ నదిపై నిర్మించిన ఈ వంతెన పొడవు 9.15 కిలోమీటర్లు. ఇది అస్సాం, అరుణాచల్ ప్రదేశ్ రాష్ట్రాలను కలుపుతుంది. భోగీబీల్ వంతెన దేశంలోనే అత్యంత పొడవైన రైలు-రోడ్డు వంతెన.
పండిట్ మదన్ మోహన్ మాలవ్యకు గల ప్రసిద్ధ బిరుదు ఏది?
దేశబంధు.
లోకమాన్య.
లోక్నాయక్.
మహామాన్య.
స్వాతంత్ర్య సమరయోధుడు, విద్యావేత్త అయిన పండిట్ మదన్ మోహన్ మాలవ్యకు 'మహామాన్య' అనే బిరుదు కలదు. ఆయన 1916లో వారణాసిలో బనారస్ హిందూ విశ్వవిద్యాలయాన్ని (BHU) స్థాపించారు. మిగిలిన బిరుదులలో లోకమాన్య – బాల గంగాధర తిలక్; లోక్నాయక్ – జయప్రకాష్ నారాయణ్; దేశబంధు – చిత్తరంజన్ దాస్.
భారత మాజీ రాష్ట్రపతి కె.ఆర్. నారాయణన్ యొక్క సమాధి ఏది?
ఉదయ్ భూమి.
కర్మ భూమి.
చైత్య భూమి.
వీర్ భూమి.
భారత తొలి దళిత రాష్ట్రపతి అయిన కె.ఆర్. నారాయణన్ గారి సమాధి స్థలాన్ని 'ఉదయ్ భూమి' అని పిలుస్తారు. ఇది న్యూఢిల్లీలో కలదు. మిగిలిన ఆప్షన్లలో కర్మ భూమి - శంకర్ దయాళ్ శర్మ; చైత్య భూమి - బి.ఆర్. అంబేద్కర్; మరియు వీర్ భూమి రాజీవ్ గాంధీ గార్ల సమాధి స్థలాలు.
ఐక్యరాజ్యసమితిలో చేరిన అత్యంత చివరి దేశం ఏది?
తూర్పు తైమూర్.
మోంటెనెగ్రో.
దక్షిణ సూడాన్.
స్విట్జర్లాండ్.
ఆఫ్రికా ఖండంలో ఉన్న దక్షిణ సూడాన్ 2011 జూలైలో ఐక్యరాజ్యసమితిలో అధికారికంగా చేరింది. ఇది ఐక్యరాజ్యసమితిలో సభ్యత్వం పొందిన 193వ దేశం మరియు అత్యంత చివరి దేశంగా నిలిచింది.
బతుకమ్మ పండుగ మొదటి రోజును ఏ పేరుతో పిలుస్తారు?
అట్ల బతుకమ్మ.
ఎంగిలిపూల బతుకమ్మ.
అలిగిన బతుకమ్మ.
సద్దుల బతుకమ్మ.
తొమ్మిది రోజుల పాటు సాగే బతుకమ్మ వేడుకలలో మొదటి రోజును 'ఎంగిలిపూల బతుకమ్మ' అని పిలుస్తారు. ఈ రోజున పితృ అమావాస్య సందర్భంగా పితృదేవతలకు నైవేద్యాలు సమర్పించి, అనంతరం బతుకమ్మను పూలతో అలంకరిస్తారు.
తమిళనాడులో నెమలి వేషధారణతో ప్రదర్శించే ప్రసిద్ధ జానపద నృత్యం ఏది?
కరగాట్టం.
ఒయిలాట్టం.
కావడి ఆట్టం.
మయిల్ ఆట్టం.
తమిళనాడులో నెమలి వేషధారణతో ప్రదర్శించే ప్రసిద్ధ జానపద నృత్యం మయిల్ ఆట్టం. ఈ నృత్యంలో కళాకారులు నెమలి ఈకలు, తలపాగా మరియు నెమలి ముక్కును పోలిన ఆకారాలను ధరించి, నెమలి నాట్యం చేసినట్లుగా అభినయిస్తూ లయబద్ధంగా ప్రదర్శిస్తారు.
'మిడ్ నైట్స్ చిల్డ్రన్' అనే ప్రసిద్ధ నవలా రచయిత ఎవరు?
సల్మాన్ రష్దీ.
వి.ఎస్. నైపాల్.
అరుంధతీ రాయ్.
విక్రమ్ సేథ్.
మిడ్నైట్స్ చిల్డ్రన్ అనేది భారతీయ-బ్రిటిష్ రచయిత సల్మాన్ రష్దీ రాసిన రెండవ నవల. ఈ నవలకు 1981లో ప్రతిష్టాత్మక బుకర్ ప్రైజ్ లభించింది. భారతదేశానికి స్వాతంత్ర్యం వచ్చిన అర్ధరాత్రి జన్మించిన పిల్లల కథాంశంతో, అద్భుతమైన ఊహాశక్తితో (మ్యాజికల్ రియలిజం) ఈ నవల రాయబడింది.
'వీసా బాలాజీ'గా ప్రసిద్ధి చెందిన తెలంగాణలోని దేవాలయం ఏది?
కీసరగుట్ట బాలాజీ దేవాలయం.
చిలుకూరు బాలాజీ దేవాలయం.
జియాగూడ బాలాజీ దేవాలయం.
నారాయణ్పూర్ బాలాజీ దేవాలయం.
హైదరాబాద్ సమీపంలోని గండిపేట వద్ద గల చిలుకూరు బాలాజీ దేవాలయాన్ని భక్తులు 'వీసా బాలాజీ' అని పిలుస్తారు. విదేశాలకు వెళ్లాలనుకునే వారు ఇక్కడ స్వామివారిని దర్శించుకుంటే వీసా త్వరగా లభిస్తుందని భక్తుల నమ్మకం.
యాషెస్ ట్రోఫీ ఏ క్రీడకు సంబంధించినది?
ఫుట్బాల్.
హాకీ.
టెన్నిస్.
క్రికెట్.
యాషెస్ ట్రోఫీ అనేది ఇంగ్లాండ్ మరియు ఆస్ట్రేలియా దేశాల మధ్య జరిగే అత్యంత ప్రతిష్టాత్మకమైన టెస్ట్ క్రికెట్ సిరీస్. సుదీర్ఘ చరిత్ర కలిగిన ఈ ద్వైపాక్షిక సిరీస్ ప్రతీ రెండు సంవత్సరాలకు ఒకసారి నిర్వహించబడుతుంది.
జిల్లా కోర్టులకు సంబంధించిన నిబంధనలు రాజ్యాంగంలోని ఏ ఆర్టికల్స్ లో పేర్కొనబడ్డాయి?
ఆర్టికల్ 124 నుండి 147 వరకు.
ఆర్టికల్ 214 నుండి 231 వరకు.
ఆర్టికల్ 233 నుండి 237 వరకు.
ఆర్టికల్ 52 నుండి 62 వరకు.
భారత రాజ్యాంగంలోని VIవ భాగంలో గల ఆర్టికల్ 233 నుండి 237 వరకు గల నిబంధనలు జిల్లా కోర్టులు మరియు సబార్డినేట్ కోర్టుల గురించి పేర్కొంటాయి. మిగిలిన ఆప్షన్లలో ఆర్టికల్ 124 నుండి 147 వరకు సుప్రీంకోర్టు గురించి; ఆర్టికల్ 214 నుండి 231 వరకు హైకోర్టుల గురించి; ఆర్టికల్ 52 నుండి 62 వరకు భారత రాష్ట్రపతి గురించి వివరిస్తాయి.
'ఏటూరునాగారం వన్యప్రాణి సంరక్షణ కేంద్రం' ఏ జిల్లాలో ఉంది?
వరంగల్.
ములుగు.
మహబూబాబాద్.
జయశంకర్ భూపాలపల్లి.
తెలంగాణలోని అత్యంత పురాతన అభయారణ్యాలలో ఒకటైన ఏటూరునాగారం వన్యప్రాణి సంరక్షణ కేంద్రం ప్రస్తుతం ములుగు జిల్లాలో ఉంది. జిల్లాల పునర్వ్యవస్థీకరణకు ముందు ఈ ప్రాంతం పాత వరంగల్ జిల్లా (ఆ తర్వాత జయశంకర్ భూపాలపల్లి జిల్లా) పరిధిలో ఉండేది.
'సిటీ ఆఫ్ జాయ్' అని ఏ భారతీయ నగరాన్ని పిలుస్తారు?
ముంబై.
చెన్నై.
ఢిల్లీ.
కోల్కతా.
పశ్చిమ బెంగాల్ రాజధాని అయిన కోల్కతా నగరాన్ని 'సిటీ ఆఫ్ జాయ్' (ఆనందాల నగరం) అని పిలుస్తారు. ఫ్రెంచ్ రచయిత డొమినిక్ లాపియర్ కోల్కతా నేపథ్యంగా రాసిన ప్రసిద్ధ నవల 'ది సిటీ ఆఫ్ జాయ్' ఆధారంగా ఈ నగరానికి ఆ పేరు స్థిరపడింది.
మహారాష్ట్రలో నూతన సంవత్సర ప్రారంభానికి సూచికగా జరుపుకునే పండుగ ఏది?
గణేష్ చతుర్థి.
గుడి పడ్వా.
వల్లంకలి.
చాప్చార్ కుట్.
మహారాష్ట్ర ప్రజలు చైత్ర శుద్ధ పాడ్యమి నాడు నూతన సంవత్సర ప్రారంభానికి సూచికగా 'గుడి పడ్వా' పండుగను జరుపుకుంటారు. ఈ రోజున ప్రత్యేక పూజలు చేసి, విజయానికి చిహ్నంగా ఇంటి ముందు 'గుడి' (పతాకం) ఎగురవేయడం ఇక్కడి ఆనవాయితీ.
ప్రస్తుత తెలంగాణ రాష్ట్ర గవర్నర్ ఎవరు?
శివ ప్రతాప్ శుక్లా.
జిష్ణు దేవ్ వర్మ.
సి.పి. రాధాకృష్ణన్.
ఎస్. అబ్దుల్ నజీర్.
హిమాచల్ ప్రదేశ్ గవర్నర్గా పనిచేసిన శివ ప్రతాప్ శుక్లా 2026 మార్చి 11న తెలంగాణ నూతన గవర్నర్గా బాధ్యతలు స్వీకరించారు. ఆయన కంటే ముందు తెలంగాణ గవర్నర్గా సేవలందించిన జిష్ణు దేవ్ వర్మ ప్రస్తుతం మహారాష్ట్ర గవర్నర్గా నియమితులయ్యారు.
'యూరప్ ఆటస్థలం' అని ఏ దేశాన్ని పిలుస్తారు?
ఇటలీ.
ఫ్రాన్స్.
జర్మనీ.
స్విట్జర్లాండ్.
స్విట్జర్లాండ్ దేశంలో ఉన్న అద్భుతమైన పర్వతాలు, ప్రకృతి సౌందర్యం మరియు శీతాకాలపు క్రీడల ప్రాధాన్యత కారణంగా దీనిని 'యూరప్ ఆటస్థలం' (Playground of Europe) అని పిలుస్తారు. ప్రసిద్ధ రచయిత లెస్లీ స్టీఫెన్ రాసిన పుస్తకం ద్వారా ఈ పేరు ప్రాచుర్యంలోకి వచ్చింది.
ప్రపంచంలోనే మొట్టమొదటి మహిళా ప్రధానమంత్రి ఎవరు?
ఇందిరా గాంధీ.
సిరిమావో బండారనాయకే.
మార్గరెట్ ఠాచర్.
బేనజీర్ భుట్టో.
శ్రీలంకకు చెందిన సిరిమావో బండారనాయకే 1960లో ప్రధానిగా బాధ్యతలు చేపట్టి, ప్రపంచంలోనే మొట్టమొదటి మహిళా ప్రధానమంత్రిగా చరిత్ర సృష్టించారు. ఆమె తన జీవితకాలంలో మొత్తం మూడు సార్లు శ్రీలంక ప్రధానమంత్రిగా సేవలు అందించారు.
'గ్రేట్ వాల్ ఆఫ్ ఇండియా' అని పిలవబడే చారిత్రక కోట గోడ ఏది?
చిత్తోర్ఘర్ కోట గోడ.
గ్వాలియర్ కోట గోడ.
గోల్కొండ కోట గోడ.
కుంభాల్ఘర్ కోట గోడ.
రాజస్థాన్లోని రాజ్సమంద్ జిల్లాలో ఆరావళి పర్వత శ్రేణులపై ఉన్న కుంభాల్ఘర్ కోట గోడను 'గ్రేట్ వాల్ ఆఫ్ ఇండియా' అని పిలుస్తారు. సుమారు 36 కిలోమీటర్ల పొడవు ఉన్న ఈ కోట గోడ గ్రేట్ వాల్ ఆఫ్ చైనా తర్వాత ప్రపంచంలోనే రెండవ అతి పొడవైన నిరంతర గోడగా గుర్తింపు పొందింది.
డబుల్ ఫాల్ట్' అనే పదం క్రింది ఏ క్రీడకు సంబంధించింది?
వాలీబాల్.
బాస్కెట్బాల్.
టెన్నిస్.
ఫుట్బాల్.
టెన్నిస్లో ఒక పాయింట్ ప్రారంభించడానికి ఆటగాడికి రెండు సర్వీస్ అవకాశాలు ఉంటాయి. మొదటి సర్వీస్ విఫలమైతే రెండో సర్వీస్ చేస్తారు, అది కూడా ఫాల్ట్ అయితే దానిని "డబుల్ ఫాల్ట్" అంటారు మరియు దీనివల్ల ప్రత్యర్థికి పాయింట్ లభిస్తుంది.
ఉరుములు, మెరుపుల వల్ల కలిగే విపరీతమైన భయాన్ని ఏమంటారు?
హైడ్రోఫోబియా.
అక్రోఫోబియా.
ఏరోఫోబియా.
ఆస్ట్రాఫోబియా.
ఉరుములు మరియు మెరుపులను చూసి తీవ్రమైన ఆందోళన లేదా విపరీతమైన భయానికి గురికావడాన్ని ఆస్ట్రాఫోబియా అని పిలుస్తారు. మిగిలిన ఆప్షన్లలో హైడ్రోఫోబియా అంటే నీటిని చూసి భయపడటం; అక్రోఫోబియా అంటే ఎత్తైన ప్రదేశాలంటే భయం; మరియు ఏరోఫోబియా అంటే గాలి ప్రయాణాలు అంటే భయం.
హైకోర్టు ప్రధాన న్యాయమూర్తి చేత ఎవరు ప్రమాణ స్వీకారం చేయిస్తారు?
భారత రాష్ట్రపతి.
ఆ రాష్ట్ర గవర్నర్.
ఆ రాష్ట్ర ముఖ్యమంత్రి.
సుప్రీంకోర్టు ప్రధాన న్యాయమూర్తి.
భారత రాజ్యాంగంలోని ఆర్టికల్ 219 ప్రకారం, హైకోర్టు ప్రధాన న్యాయమూర్తి లేదా ఇతర న్యాయమూర్తుల చేత ఆ రాష్ట్ర గవర్నర్ లేదా ఆయన నియమించిన వ్యక్తి ప్రమాణ స్వీకారం చేయిస్తారు. అయితే, హైకోర్టు న్యాయమూర్తులను నియమించే అధికారం మాత్రం భారత రాష్ట్రపతికి ఉంటుంది.
భారత రాజ్యాంగంలో ఆర్టికల్ 21-A కింద చేర్చబడిన ప్రాథమిక హక్కు ఏది?
సమాచార హక్కు.
ఉపాధి హక్కు.
ఉచిత మరియు నిర్బంధ ప్రాథమిక విద్యా హక్కు.
ఓటు హక్కు.
86వ రాజ్యాంగ సవరణ (2002) ద్వారా భారత రాజ్యాంగంలో ఆర్టికల్ 21-A ను చేర్చి, 6 నుండి 14 సంవత్సరాల లోపు పిల్లలందరికీ ఉచిత మరియు నిర్బంధ విద్యను ప్రాథమిక హక్కుగా మార్చారు. దీని ఆధారంగానే విద్యా హక్కు చట్టం (RTE) 2009 లో రూపొందించబడి, 2010 ఏప్రిల్ 1 నుండి అమలులోకి వచ్చింది.
జాతీయగీతాన్ని రవీంద్రనాథ్ ఠాగూర్ ఏ పేరుతో ఆంగ్లంలోకి అనువదించారు?
ది మార్నింగ్ సాంగ్ ఆఫ్ ఇండియా.
ది ఈవెనింగ్ సాంగ్ ఆఫ్ ఇండియా.
ది నేషనల్ ఆంథెమ్ ఆఫ్ ఇండియా.
ది లైట్ ఆఫ్ ఇండియా.
రవీంద్రనాథ్ ఠాగూర్ తాను బెంగాలీలో రచించిన జాతీయగీతాన్ని (జనగణమన) 1919లో ఆంధ్రప్రదేశ్లోని మదనపల్లి (చిత్తూరు జిల్లా) సందర్శించినప్పుడు 'ది మార్నింగ్ సాంగ్ ఆఫ్ ఇండియా' పేరుతో ఆంగ్లంలోకి అనువదించారు.
ఆంత్రోపోలాజికల్ సర్వే ఆఫ్ ఇండియా ప్రధాన కార్యాలయం ఎక్కడ కలదు?
న్యూఢిల్లీ.
కోల్కతా.
డెహ్రాడూన్.
హైదరాబాద్.
ఆంత్రోపోలాజికల్ సర్వే ఆఫ్ ఇండియా భారతదేశంలోని మానవశాస్త్ర పరిశోధనల కోసం 1945లో కోల్కతాలో స్థాపించబడింది. ఇది కేంద్ర సాంస్కృతిక మంత్రిత్వ శాఖ ఆధ్వర్యంలో పనిచేస్తూ దేశంలోని మానవ పరిణామం మరియు సంస్కృతులపై అధ్యయనం చేస్తుంది.
తెలంగాణలో ప్రవహించే అత్యంత పొడవైన నది ఏది?
కృష్ణా నది.
గంగా నది.
ప్రాణహిత నది.
గోదావరి నది.
తెలంగాణలో ప్రవహించే నదులన్నింటిలోకి గోదావరి నది అత్యంత పొడవైనది. దక్షిణ భారతదేశంలోనే అత్యంత పొడవైన నది కావడంతో దీనిని 'దక్షిణ గంగ' లేదా 'వృద్ధ గంగ' అని పిలుస్తారు. భారతదేశంలో అత్యంత పొడవైన నది గంగా నది కాగా, ప్రాణహిత నది గోదావరికి ఉన్న ఉపనదులన్నింటిలోకి అతిపెద్ద ఉపనది.
'RRR' తెలుగు సినిమాలోని ఏ పాటకు ఆస్కార్ అవార్డ్ లభించింది?
దోస్తీ.. ముద్దైన ప్రాణాన్ని.
కొమురం భీముడో.
నాటు నాటు.
కొమ్మ ఉయ్యాలా.
95వ ఆస్కార్ అవార్డుల్లో RRR తెలుగు సినిమాలోని "నాటు నాటు" పాటకు ఉత్తమ ఒరిజినల్ సాంగ్ విభాగంలో ఆస్కార్ అవార్డు లభించింది. చంద్రబోస్ రచన, ఎం.ఎం. కీరవాణి సంగీతం అందించిన ఈ పాట, ఈ విభాగంలో ఆస్కార్ అందుకున్న తొలి భారతీయ మరియు ఆసియా చిత్ర గీతంగా చరిత్ర సృష్టించింది.
'వెయిటింగ్ ఫర్ ఎ వీసా' అనేది కింది వారిలో ఎవరి ఆత్మకథ?
సల్మాన్ రష్దీ.
డాక్టర్ బి.ఆర్. అంబేద్కర్.
మహాత్మా గాంధీ.
జవహర్లాల్ నెహ్రూ.
'వెయిటింగ్ ఫర్ ఎ వీసా' అనేది డాక్టర్ బి.ఆర్. అంబేద్కర్ గారు 1935-36 కాలంలో తన జీవితంలో ఎదుర్కొన్న అంటరానితనం మరియు కుల వివక్ష అనుభవాల ఆధారంగా రాసుకున్న 20 పేజీల ఆత్మకథా పుస్తకం. ఈ పుస్తకాన్ని ప్రస్తుతం కొలంబియా విశ్వవిద్యాలయంలో ఒక పాఠ్యపుస్తకంగా కూడా ఉపయోగిస్తున్నారు.
ఈ ప్రాక్టీస్ టెస్ట్ YouTube లో కూడా అందుబాటులో ఉంది ▶️
