📢 ముఖ్యమైన సూచనలు:
🕒 20 MCQs | 30 నిమిషాలు.
🏅 ప్రతి సరైన సమాధానానికి 1 మార్క్ (Negative Marks లేవు).
❗ అన్ని ప్రశ్నలను Attempt చేయాలి (Skipping కి అవకాశం లేదు).
✏️ Answer Editing కి అవకాశం లేదు.
📑 పరీక్షా విధానం:
1️⃣ ప్రతి ప్రశ్నను జాగ్రత్తగా చదవండి.
2️⃣ 4 ఆప్షన్స్లో మీ సమాధానాన్ని ఎంచుకోండి.
3️⃣ సరైన సమాధానం మరియు వివరణలను పరిశీలించండి.
4️⃣ పరీక్ష పూర్తయిన తర్వాత మీ స్కోరు మరియు విశ్లేషణను చూడవచ్చును.
పెద్దవారిలో ఉండే ఎముకల సంఖ్య ఎంత?
200
206
250
312
పెద్దవారి శరీరంలో మొత్తం 206 ఎముకలు ఉంటాయి. ఇవి అస్థిపంజర వ్యవస్థలో భాగమై శరీరానికి ఆకారం, బలం ఇస్తాయి. అంతర్గత అవయవాలను కాపాడుతూ కదలికలకు సహాయపడతాయి. చిన్నపిల్లల్లో ఎముకల సంఖ్య ఎక్కువగా ఉండి, పెరిగే కొద్దీ కలిసిపోతాయి.
జీర్ణ వ్యవస్థ యొక్క ముఖ్యమైన ఉపయోగం ఏమిటి?
ఆహారం నుండి పోషకాలను గ్రహిస్తుంది.
శ్వాసించడానికి సహాయపడుతుంది.
విసర్జనకు సహాయపడుతుంది.
రక్త ప్రసరణకు సహాయపడుతుంది.
జీర్ణ వ్యవస్థ ప్రధానంగా ఆహారాన్ని జీర్ణరసాల సహాయంతో సరళ పదార్థాలుగా మార్చి, వాటిని రక్తంలోకి శోషిస్తుంది. ఈ పోషకాలు శరీరానికి శక్తి, శరీర పెరుగుదల, అవయవాల పని సక్రమంగా సాగడానికి ఎంతో అవసరమైనవి. కాబట్టి జీర్ణ వ్యవస్థ జీవనానికి అత్యంత ముఖ్యమైనది.
సమర్థవంతమైన జీర్ణక్రియకు ఉత్తమమైన ఆహారపు అలవాటు ఏది?
ఆహారాన్ని నెమ్మదిగా తినడం మరియు బాగా నమలడం.
ఆహారాన్ని త్వరగా తినడం మరియు బాగా నమలకుండా ఉండడం.
ఆహారాన్ని త్వరగా తింటూ బాగా నీరు త్రాగడం.
ఆహారాన్ని నెమ్మదిగా తింటూ బాగా నీరు త్రాగడం.
జీర్ణక్రియ సక్రమంగా మరియు సమర్ధవంతంగా జరగాలంటే ఆహారాన్ని నెమ్మదిగా తినడం మరియు బాగా నమలడం చాలా ముఖ్యం. దీనివల్ల లాలాజలం ఆహారంతో బాగా కలసి జీర్ణక్రియకు సహాయపడుతుంది. ఈ అలవాటు జీర్ణక్రియను మెరుగుపరచి ఆరోగ్యాన్ని కాపాడుతుంది. త్వరగా తినడం లేదా ఎక్కువ నీరు తాగడం జీర్ణక్రియను మందగింపజేస్తాయి.
చిన్న పేగులో పూర్తిగా జీర్ణమైన ఆహారం ఎందులోకి శోషించబడుతుంది?
పాయువులోనికి.
కాలేయంలోనికి.
పెద్దపేగులోనికి.
రక్తంలోనికి.
చిన్నపేగులో జీర్ణమైన ఆహారం సూక్ష్మ రోమాల్లాంటి నిర్మాణాల ద్వారా రక్తంలోకి శోషించబడుతుంది. రక్తం ఈ పోషకాలను శరీరంలోని ప్రతి భాగానికి చేరవేసి శక్తి, పోషణ అందిస్తుంది.
మనవునిలో ఎముకలు ఎవిధంగా అమర్చబడి ఉంటాయి?
ఒక చట్రంలా.
ఒక త్రిభుజంలా.
ఒక చతురస్రంలా.
పైవన్నీ సరైనవే.
మానవ శరీరంలోని ఎముకలు ఒక దృఢమైన చట్రంలా అమర్చబడి ఉంటాయి. ఈ ఎముకల చట్రాన్నే అస్థిపంజర వ్యవస్థ అని అంటారు. ఈ చట్రం శరీరానికి ఆకారం, మద్దతు, సమతుల్యం అందిస్తుంది. ఎముకల చట్రం లేకుండా శరీరం నిలబడలేదు మరియు కదలలేదు.
ఒక పనిని నిర్వర్తించడానికి కొన్ని అవయవాలు కలిసి పని చేయడాన్ని ఏమంటారు?
అవయవ వ్యవస్థ.
నాడీ వ్యవస్థ.
జీర్ణ వ్యవస్థ.
శ్వాస వ్యవస్థ.
మన శరీరంలో ఒక నిర్దిష్ట పనిని పూర్తిచేయడానికి అనేక అవయవాలు కలిసి సమన్వయంతో పనిచేస్తాయి. ఈ సమూహాన్ని అవయవ వ్యవస్థ అని అంటారు. ప్రతి అవయవం కూడా జీవనానికి అవసరమైన ఒక ప్రత్యేక పాత్రను పోషిస్తుంది.
మానవ శరీరంలోని అవయవ వ్యవస్థలన్నింటినీ కాపాడే వ్యవస్థ ఏది?
జీర్ణ వ్యవస్థ.
శ్వాస వ్యవస్థ.
అస్థిపంజర వ్యవస్థ.
రక్తప్రసరణ వ్యవస్థ.
అస్థిపంజర వ్యవస్థ శరీరానికి దృఢమైన నిర్మాణాన్ని అందించి అన్ని అంతర్గత అవయవాలను రక్షిస్తుంది. ఇది గుండె, ఊపిరితిత్తులు, మెదడు వంటి ముఖ్య అవయవాలను కవచంలా కాపాడుతుంది. ఈ వ్యవస్థ శరీరాన్ని నిలబెట్టడంలో కూడా కీలక పాత్ర పోషిస్తుంది.
చిన్నపేగు యొక్క పొడవు ఎంత?
తొమ్మిది మీటర్లు.
పన్నెండు మీటర్లు.
మూడు మీటర్లు.
ఆరు మీటర్లు.
చిన్నపేగు సుమారు ఆరు మీటర్ల పొడవు కలిగి ముడతలు పడి ఉంటుంది. ఇది ఆహారాన్ని జీర్ణరసాల సహాయంతో సరళ పదార్థాలుగా మార్చుతుంది. చిన్న పేగులో ఆహారం జీర్ణమై రక్తంలో శోషించబడే దాకా ఉండడానికి ఈ ముడతలు సహాయపడుతాయి.
శరీరాన్ని నిటారుగా ఉండేటట్లు చేసేది ఏది?
ఉరఃపంజరం.
పక్కటెముకలు.
శరీర కండరాలు.
వెన్నెముక.
వెన్నెముక శరీరానికి ప్రధాన ఆధారంగా పనిచేస్తుంది. ఇది శరీరాన్ని నిటారుగా నిలబెట్టేలా చేస్తుంది మరియు వంగటానికి, తిరగటానికి సహాయపడుతుంది. అంతేకాకుండా వెన్నుపూసలోని నాడులను రక్షిస్తుంది. కదలికలకు, శరీర సమతుల్యతకు వెన్నెముక కీలక పాత్ర పోషిస్తుంది.
కపాలం యొక్క ముఖ్యమైన విధి ఏమిటి?
ఊపిరితిత్తులను రక్షిస్తుంది.
గుండెను రక్షిస్తుంది.
మెదడును రక్షిస్తుంది.
శరీరాన్ని నిటారుగా ఉంచుతుంది.
కపాలం (పుర్రె) ఎముకలతో ఏర్పడి మెదడును బలంగా కాపాడుతుంది. ఇది తల ఆకారాన్ని ఇస్తూ, మెదడును గాయాల నుండి రక్షిస్తుంది. కపాలం లేకుండా మెదడు సురక్షితంగా ఉండదు, కాబట్టి ఇది శరీరానికి అత్యంత ముఖ్యమైన భాగం.
మనం తీసుకున్న ఆహారం పూర్తిగా ఎక్కడ జీర్ణం అవుతుంది?
పెద్ద పేగులో.
చిన్న పేగులో.
జీర్ణాశయంలో.
పాయువులో.
మనం తీసుకున్న ఆహారం పూర్తిగా చిన్నపేగులో జీర్ణం అవుతుంది. చిన్న పేగు గోడలు స్రవించే జీర్ణరసాల ప్రభావంతో ఆహారం పూర్తిస్థాయిలో సరళ పదార్థాలుగా మారి శరీరానికి ఉపయోగపడే రూపంలోకి చేరుతుంది. శరీరానికి అవసరమైన పోషకాలు ఎక్కువగా చిన్నపేగులోనే శోషించబడతాయి.
జీర్ణక్రియ అంటే ఏమిటి?
ఆహారాన్ని మెత్తగా నమలడం.
ఆహారాన్ని జీర్ణాశయంలో కలపడం.
సంక్లిష్టమైన ఆహార పదార్థాలు సరళ పదార్థాలుగా మారడం.
ఆహారాన్ని పెద్దపేగుకు చేర్చడం.
జీర్ణక్రియ అనేది శరీరానికి అవసరమైన పోషకాలు అందించడానికి జరిగే ప్రక్రియ. ఇందులో సంక్లిష్టమైన ఆహార పదార్థాలు జీర్ణరసాల సహాయంతో సరళ పదార్థాలుగా మారుతాయి. ఈ పదార్థాలు రక్తంలో కలసి శరీరానికి కావాల్సిన శక్తి మరియు పోషకాలను అందిస్తాయి.
ఉరఃపంజరం ఏ అవయవాలను రక్షిస్తుంది?
కాలేయం మరియు మూత్రపిండాలు.
ఊపిరితిత్తులు మరియు గుండె.
జీర్ణాశయం మరియు చిన్నపేగు.
మెదడు మరియు వెన్నుపాము.
ఉరఃపంజరం (పక్కటెముకల వ్యవస్థ) ఛాతీ భాగంలో ఉండే బలమైన ఎముకల చట్రం. ఇది శ్వాసకు అవసరమైన ఊపిరితిత్తులు, రక్తప్రసరణకు ముఖ్యమైన గుండెను గాయాల నుండి కాపాడుతుంది. ఇవి అత్యంత సున్నితమైన కీలక అవయవాలు కావడంతో ఉరఃపంజరం వీటిని సురక్షితంగా భద్రపరుస్తుంది.
అస్థిపంజర వ్యవస్థ యొక్క ముఖ్యమైన విధి ఏమిటి?
సమాచారాన్ని మెదడుకు చేరవేస్తుంది.
శరీరానికి ఆకారాన్ని, ఆధారాన్ని ఇస్తుంది.
వ్యర్థ పదార్థాలను తొలగిస్తుంది.
శరీర ఉష్ణోగ్రతను నియంత్రిస్తుంది.
అస్థిపంజర వ్యవస్థ శరీరానికి బలమైన నిర్మాణాన్ని ఇవ్వడం, ఆకారాన్ని స్థిరపరచడం, నడవడం-కదలడం వంటి కార్యకలాపాలకు ఆధారాన్ని అందించడం వంటి ముఖ్య పనులు చేస్తుంది. అంతేకాక, ఇది శరీరంలోని ముఖ్య అవయవాలను రక్షించే రక్షణ కవచంలా కూడా పనిచేస్తుంది.
ఆహార వాహిక యొక్క ప్రధాన విధి ఏమిటి?
ఆహారాన్ని నోటి నుండి చిన్న పేగులోకి రవాణా చేయడం.
ఆహారాన్ని నోటి నుండి పెద్ద పేగులోకి రవాణా చేయడం.
ఆహారాన్ని నోటి నుండి జీర్ణాశయానికి రవాణా చేయడం.
ఆహారం లోని పోషకాలను శోషించడం.
ఆహార వాహిక అనేది పొడవైన గొట్టంలాంటి అవయవం. ఇది నోటి నుండి ఆహారాన్ని జీర్ణాశయానికి చేరవేస్తుంది. ఇందులో పెరిస్టాల్సిస్ అనే కదలికల ద్వారా ఆహారం క్రమంగా కిందికి నెట్టబడుతుంది. ఆహార వాహికలో జీర్ణక్రియ లేదా పోషకాల శోషణ జరగదు, కేవలం రవాణా మాత్రమే జరుగుతుంది.
ఆహారం మొదటగా ఎక్కడ జీర్ణం అవుతుంది?
ఆహార వాహిక.
నోటిలో.
పెద్ద పేగు.
పాయువు.
ఆహారం జీర్ణక్రియ మొదటగా నోటిలో ప్రారంభమవుతుంది. మనం తినే ఆహారంలో మొదట సగం నోటిలో జీర్ణం అవుతుంది. అంటే పళ్ళు ఆహారాన్ని నమిలి మెత్తగా చేస్తాయి. లాలాజలంలో ఉండే ఎంజైములు కార్బోహైడ్రేట్లను సరళ పదార్థాలుగా మార్చడం మొదలుపెడతాయి. అందువల్ల జీర్ణక్రియకు నోరు మొదటి స్థానం.
బాహ్య చెవికి గల మరొక పేరు ఏమిటి?
పిన్నా.
టెంపోరెల్.
కోక్లియా.
స్టేప్స్.
బాహ్య చెవిని పిన్నా (కర్ణిక) లేదా ఆరికల్ అని కూడా అంటారు. ఇది మృదులాస్థితో నిర్మితమై ధ్వని తరంగాలను సేకరించి, చెవి లోపలికి పంపే చెవి యొక్క బాహ్య భాగం. శబ్ద దిశను గుర్తించడంలో కూడా దీనికి ప్రత్యేక పాత్ర ఉంది.
క్రిందివాటిలో “మృదులాస్థి” అనే ఎముకతో నిర్మితమయ్యేవి ఏవి?
మధ్య చెవి మరియు ముక్కు మధ్య భాగం.
అంతర్గత చెవి మరియు ముక్కు చివరి భాగం.
బాహ్యచెవి మరియు ముక్కు చివరి భాగం.
మధ్య చెవి మరియు ముక్కు చివరి భాగం.
మృదులాస్థి ఎముక కఠినంగా కాకుండా మెత్తగా ఉండి వంపులు తిరిగే, మృదువైన నిర్మాణం. ఇది ఎముకల మాదిరిగా గట్టిగా కాకుండా, మృదువుగా, మెత్తగా ఉంటుంది. బాహ్యచెవి ఆకారం నిలవడానికి మరియు ముక్కు చివరి భాగం సౌలభ్యంగా కదలడానికి ఇదే ఆధారం.
క్రిందివాటిలో అంతర్గత అవయవాలు అని వేటిని అంటారు?
గుండె, ఊపిరితిత్తులు, చర్మం, కాలేయం.
ఊపిరితిత్తులు, చర్మం, కాలేయం, మెదడు.
గుండె, చర్మం, కాలేయం, మూత్రపిండాలు.
మెదడు, గుండె, ఊపిరితిత్తులు, కాలేయం, మూత్రపిండాలు.
శరీరం లోపల ఉండి, మనం నేరుగా చూడలేని అవయవాలను అంతర్గత అవయవాలు అని అంటారు. మెదడు, గుండె, ఊపిరితిత్తులు, కాలేయం, మూత్రపిండాలు మొదలైనవి అంతర్గత అవయవాలు. చర్మం అనేది మాత్రం మన కంటికి కనిపించే బాహ్య అవయవం.
ఎముకలను ఆరోగ్యంగా ఉంచడానికి ఎటువంటి ఆహారం తీసుకోవాలి?
పాలు.
వెన్న.
గుడ్లు.
పైవన్నియు.
ఎముకలు బలంగా, ఆరోగ్యంగా ఉండేందుకు కాల్షియం మరియు విటమిన్ D వంటి పోషకాలు అవసరం. పాలు, వెన్న, గుడ్లు వంటి ఆహార పదార్థాలు ఈ పోషకాలను అందిస్తాయి. ఇవి ఎముకలను బలంగా ఉంచడంలో, పెరుగుదలకు సహాయపడడంలో ముఖ్య పాత్ర పోషిస్తాయి.